کۄنٛگ

وِکیٖپیٖڈیا پؠٹھٕ، اَکھ آزاد اِنسایکلوپیٖڈیا

کۄنٛگ (کٲشُر‎‎ وۄشژار: [kɔnɡ]) یا زافران (کٲشُر‎‎ وۄشژار: [zaːfraːn])[1] چھُ اَکھ مسالہٕ یُس کروکس سیٹیوس کِس پوشَس مَنٛز نیران چھُ، یَتھ عام پٲٹھؠ "کۄنٛگہٕ کُل" ونان چھِ۔ روشن تیز وۄزِج تِہِج، یَتھ پنہٕ چھِ وَنان، چھِ جمع کرنہٕ یِوان تہٕ چھِ بُنیٲدی طور پٲٹھؠ کھؠنس مَنٛز رنٛگ باپتھ اِستِمال کرنہٕ خٲطرٕ ہۄکھناونہٕ یِوان۔ اگرچہٕ امہٕ کس اِبتدا پؠٹھ چھِ کنہہ شکوک و شبہٕ، یہٕ خیال چھُ یوان کرنہٕ زِ کۄنٛگ چھُ ایرانس مَنٛز پٲدٕ گوٚمُت۔ تاہم، یونان تہٕ میسوپوٹیمیا تہٕ چھِ امہٕ کُلِچ ابتدا کس ممکنہٕ خطہٕ کس طورس پؠٹھ تجویز کرنہٕ آمٕتؠ۔ کۄنٛگ گوٚو وارٕ وارٕ یوریشیا کِس زیٛادٕ تر حصس مَنٛز پھیلان تہٕ پتہٕ آو شمٲلی افریقہ، شمٲلی امریکہ تہٕ اوشیانا کؠن کینٛہہ حصن مَنٛز اننہٕ۔

کروکس سیٹیوس، کۄنٛگہٕ کُل تیز وۄزِج تِہِجَو سان
کۄنٛگہٕ "پنہٕ"، یُس کروکس پوشو منٛز تُلنہٕ چُھ آمُت تہٕ ہۄکھمُت چُھ

کۄنٛگُگ مزٕ چھُ آیوڈوفارم ہیوٗ آسان تہٕ گھاس ہیٛوٗ مُشِک چھِ فایٹوکیمیکلز پِکروکروسن تہٕ سیفرانل کہِ نٔتیٖجس مَنٛز گژھان۔ اَتھ مَنٛز چھُ اَکھ کیروٹینائڈ رنگ، کروسین تہٕ شٲمل، یُس سِنیٚن تہٕ کپرن اَکھ بھرپور سۄنہٕ-زرد رنگ چھُ فراہم کران۔ ایمِچ ریکارڈ شدہ تٲریخ چھِ 7 مہِ صدی قبل مسیح کہِ اسوری نباتاتی مقالس مَنٛز تصدیق کرنہٕ آمٕژ، تہٕ یہٕ چھُ ساسہٕ بدین ؤریو پؠٹھ تجارت تہٕ اِستِمال گژھان۔ 21 ہِمہِ صٔدی مَنٛز چھُ ایران دُنیاہُک کُل 90 فیصد کۄنٛگ خٲطرٕ پٲدٕ کران۔ 5,000 امریکی ڈالر فی کِلوگرام یا اَمہِ کھۄتہٕ زِیٛادٕ قٟمتَس پؠٹھ چھُ کۄنٛگ واریاہ کالہٕ پٮ۪ٹھٕ وزنہٕ لحاظہٕ دُنیاہُک ساروِی کھۄتہٕ درٛوٚگ مسالہٕ روٗدمُت۔

حَوالہٕ[اؠڈِٹ]

  1. ايس ۔ کے ۔توشہ خانی؛ محی الدین حاجنی؛ پی۔ این۔ پُشپ؛ مرزا غلام حسن بیگ عارف؛ غلام نبی گوہر (1968–1980). کٲشِر ڈِکشَنری. 5. جموں اینڈ کشمیر اکیڈیمی آف آرٹ کلچر اینڈ لینگویجز. ص. 209.