پھؠرَن

پھؠرَن

پھؠرَن (بوٗزِو)( کٲشُر : /pʰʲaran/ ) چھُ کٲشرِ کَپٹَنہِ ہُنٛد زیوٗٹھ کُرتہٕ۔ پھؠرَن چھُ اکثر وندس مَنٛز لاگنہ یوان۔ اَتھ مَنٛز چھِ کانٛگٕر یوان تپنہٕ۔

کٔشیٖرِ مَنٛز پھیرنٕچ  توٲریٖخ  چھِ  کم از کم  15 ہِمہِ صٔدی ہٕنٛز  یوسہٕ فارسی تہٕ وسطی ایشیٲیی طرزَو سٟتؠ مُتٲثر چھِ،تہٕ سرد آب و ہوا خٲطرٕ موزون چھُ۔ خیال چھُ یِوان کرنہٕ زِ یہِ لولہٕ، گاؤن ہیوٗ پَلو چھُ فارسی "پیراہان" پؠٹھٕ درامُت تہٕ بنیوو اَکھ عملی،صنفی طور غیر جانبدار۔

ناوُک آگُر

اکہِ نظریہ مطٲبق پھؠرَن چھُ فارسی لفظ 'پیراہن' ییٚمیۆک مطلب چھُ چۄغہٕ۔ لباس چھُ ۱۵ - ہمہ صٕدی برٛونٛہہ پیٚٹھٕؠ کٕشیٖر مَنٛز مشہوٗر۔

ڈِزائن

کلُک پوشاک

کٲشُر بٹہٕ زنانہِ پھؠرَن لٲگِتھ، ۱۹۲۲

تَرٕنٛگہٕ

مُکَمَل مَضموٗن: تَرٕنٛگہٕ

ہینٛد زنانہٕ چھےٚ کلُک پوشاک اِستِمال کران یَتھ "تَرٕنٛگہٕ" چھ ونان (کٲشُر‎‎ وۄشژار: [tarɨnɡɨ]) یُس کلہٕ پوشاک چھُ یُس پٔتمہ طرفہٕ، ایڑھن کِن لۄکُٹ گژھان چھ۔ یہِ چھُ کٕشیٖرِ کین کینٛژن علاقن مَنٛز مشہوٗر۔

قَصابہٕ

کٲشِرِ مُسلمان زَنانَن چھِ کَلہٕ دٔج اِستِمال کَران یَتھ "قَصابہٕ" (کٲشِرِ ہُنٛد تلفظ: [qasaːbɨ]) ونان چھِ۔ قَصابہٕ چھُ دستار سٟتؠ بَنٛد کرنہٕ یِوان تہٕ چھُ بروچَو سٟتؠ اِکوَٹہٕ لگاونہٕ یِوان۔ پشمینہٕ یا ریٖشم سٟتؠ بنیمُت اَکھ پردٕ چھُ قَصابہٕ کِس ہیرس پؠٹھ لگاونہٕ یوان یُس گردنہٕ پتہٕ کُن وسان چھُ۔ قَصابہٕ چھِ زٕ قٕسٕم: "تھۆد قَصابہٕ " تہٕ "بۄن قَصابہٕ"۔ تھۆد قَصابہٕ چھُ کلَس پؠٹھ تاجٕکؠ پٲٹھؠ بِہتھ، یُس صرف تھدِ خاندانَن سٟتؠ تعلق تھاون واجنہِ خانٛدرٕ واجنہِ زنانہٕ لاگان ٲسؠ۔ بۄن قَصابہٕ چھُ کلَس پؠٹھ بِہِتھ آسان، یُس عام لوٗکھ تہٕ قبیٖلہٕ زنانہٕ لاگان ٲسؠ۔ سارِوٕے کھۄتہٕ شاندار تہٕ درٛوگ قَصابہٕ ٲسؠ کٲشرِ کُندن کامہِ سٟتؠ بناونہٕ آمٕتؠ یَتھ "جراح" ونان چھِ: قٟمتی جواہرات کٔنؠ، عام طور یاقوت، سپنیل تہٕ زمرد چھِ 24 کیرٹ سۄنہٕ سٟتؠ بناونہٕ آمٕتؠ تاکہ مُختلِف کُندن گہنہ (ٹِکہ، تویز، ہنگ تویز، بال ہور، کن وس) بناونہٕ یِوان چھِ۔ کُندن قَصابہٕ اوس صرف شٲہی لاگان۔ کُندن قَصابہٕ اوس صرف خۄجہٕ بازرَس مَنٛز کُندن گرٕکؠ بَناوان ٲسؠ۔

گَرٕ خواجاوالٕچ بیگم مہتاب ٲس کُنٛدَن قَصابہٕ تہٕ بَل ہور (کُنٛدن بالہٕ) پلوِتھ۔

پھؠرَن

• تِلہٕ پھؠرَن
• آرِ پھؠرَن
• زری پھؠرَن
• سۄزنہِ پھؠرَن

پوٗژھ

پھیرنہٕ کھۄتہٕ ہلکہٕ موادُک آسان تہٕ یہِ اوس کانٛہہ پھؠرنَس تَل یِوان لاگنہِ کانٛگرِ دزنہٕ نِش بَچنہٕ خٲطرٕ۔

سُلطان/شلوار

رؠوٲیتی طور ٲسؠ پھؠرَن تہٕ پوٗژؠ بۄنِمِس پَلَو ورٲیہ لاگنہٕ یِوان۔ حٔقیٖقَت، ہمسایہِ ہُنزہ ہَس مَنٛز تہِ ٲس نہٕ 1890 تام زنانہٕ یزار لاگان تہٕ 1925 تام نَگرَس مَنٛز لٲگِتھ۔ 19مہِ صٔدی ہِنٛدِس ٲخری حِصہٕ پؠٹھٕ گٔیہِ کٔشیٖرِ مَنٛز پنجاب علاقٕک لولہٕ سُتھان (شلوار) تہٕ چُریدار پاجامہ مشہوٗر۔ اَمہِ مُطٲبِق ہیٚکہِ سوتھان یا چُریدار پاجامہ فیران لباسُک حصہٕ بٔنِتھ مگر یہِ چھُنہٕ ضروٗری۔ کٲشِرِ سُتھَن چھُ بۆگ تہٕ لۆگ تہٕ یہِ چھُ جموں علاقَس مَنٛز لاگنہٕ یِنہٕ وٲلِس ڈوگری سُتھنَس ہیوٗ آسان۔ کینٛہہ ؤرجَن چھِ افغانستانَس مَنٛز لاگنہٕ یِنہٕ والؠن شلوارَن ہِنٛدؠ پٲٹھؠ۔ وونہِ گۆ 1960 پیٹھٕ چھُ سٹریٹ کٹ پنجیبہِ شَلوار مشہوٗر گۆمُت۔

جدید فیشن

رُجحانن ۄُچھ شلوار قمیض کِس حقس مَنٛز پھؠرنن ہِنٛدس استعمالس مَنٛز کٕمی۔ حالہٕ حالیے وٕرین مَنٛز چھُ بحالی آمٕژ کرنہٕ تِکیاز پھؠرَن چھ جدید فیشنُک حصہٕ بنیمٕتؠ، تہٕ یِم چھِ کٕشیٖرِ کؠن باقٕین علاقن ہنٛز زنانہٕ تہٕ لاگان۔

تصویٖر گؠلٕری

• 
  Kashmiri Muslim children wearing Pheran
• 
  Kashmiri Muslim girls in traditional pheran
• 
  Kashmiri Muslim woman with her granddaughter
• 
  A young man wearing Pheran somewhere in Chenab Valley's Doda district
• 
  Kashmiri Muslim women in traditional long pheran, 1870
• 
  Men in Kashmiri pheran and poots, 1875
• 
  1919 drawing of Kashmiri Pandit women wearing intricately decorated pherans
• Kashmiri Pandit men in Kashmir, 1895
  Kashmiri Pandit men in Kashmir, 1895
• 
  A young man wearing a fitted, fur-collared, fashionable Pheran in Chenab Valley's Bhaderwah
• 
  Elderly Kashmiri man with his grandson in traditional pheran

بییہٚ وُچھو

• کٲشِرؠ لوٗکھ
• شلوار قمیٖض
• پُلہور