پلوۄم

From Wikipedia
Jump to navigation Jump to search

پُلوۄم چھُہ ہندوستان کہِ کشیٖرِ ہُنٛد اَکھ ضِلہٕ یُس راز دٲنۍ سرینگر پٮ۪ٹھ ۴٠ کلومیٹر دور چھُہ۔ پُلوۄم چھُہ سٲرۍسی دُنیاہَس منٛز کۄنٛگہٕ کِس کاشتَس خٲطرٕ مشہور۔ ۲٠٠۱ کہِ مردم شمٲری حساب چھہٕ اَمِچ کُل آبٲدی ۵.۶ لَچھ یِمَن منٛز ۳.۳ لَچھ مرد تہٕ ۲.۳ لَچھ ذَنہِ چھہٕ۔ ضِلَس چھہ زٕ بَڈھۍ کالچ(ترالہٕ تہٕ پُلوٲمِس منٛز) تہٕ اَکھ یونیورسٹی (اسلامِک یونیورسٹی اونتۍپورہٕ)۔ دۄدٕ چہِ کثیر پیداوار مۄکھہٕ چھُہ ضِلَس دۄدٕ کۄل تہِ ونان۔ یٮ۪تہِ چھُہ سالانہٕ ۱۱۸ میٹرِک ٹن کھۄتہٕ ذیادٕ دۄدھ نیران۔ یہٕ چھُہ ریاستَس منٛز کۄنگ پٲدٕ کَرن وۄل کُنی ضِلہٕ۔ مہجور، حبہ خاتون، لَلِتادِتیا چھہ اَمِچے مٮ۪ژِ ہِنٛد پٲداوار۔

تٲریخ[edit]

پلوۄم آو ۱۹۷۹ منٛز امن و امان، پہتر نگرٲنی، زیادٕ مؤثر کنٹرول تہٕ سارۍوی کھۄتہٕ زیادٕ علاقٕچ متوازن ترقی یقینی بناونہٕ خٲطرٕ وجودَس منٛز۔ تَمۍ ساتھ ٲسۍ ضِلَس منٛز ۵۵٠ گام تہٕ ۵ تٲصیل۔

جغرافیہ[edit]

پُلوۄم چھُہ 33.88N 74.92E پٮ۪ٹھ واقع۔ اَمٮُ۪ک اوسط تھزر چھُہ ۱۶۳٠ میٹر ۔ اَمیُک کُل رۄقبہٕ چھُہ ۱۳۹۸ مۄبہٕ میٹر۔ اَمۍکٮ۪ن گامَن ہُنٛد تعداد چھُہ ۵۵۴۔ یہٕ چہُہ سرینگر پٮ۪ٹھ ۴٠ کلومیٹر دور۔ یہٕ چہُہ ۴ قصبَن تہٕ ۶ پلاکَن منٛز تقسیم کرنہٕ آمُت۔ اَمکۍ ژور قصبہٕ چھہ: ترال، پامپر، اوتنۍپور تہٕ پُلوۄم


Wiki letter w.svg یہٕ چھُہ ونۍ نامکمل مضمون۔ تۄہِیہٕ ہٮ۪کِو اَتھ اضافہٕ کٔرتھۍ مزید بہتر بنٲتھۍ۔