مَدَتھ:کَتھ صَفہٕ

وِکیٖپیٖڈیا پؠٹھٕ، اَکھ آزاد اِنسایکلوپیٖڑیا
Jump to navigation Jump to search

کَتھ صَفہٕ (یِمَن بَحَث صَفہٕ تہِ چھِ وَنان) چھِ تِم صَفہٕ یِمَن پؠٹھ رُکُن مَضموٗن یا باقی وِکیٖپیٖڈیا صَفہٕ بَہتَر بَناونہٕ خٲطرٕ چھِ کَتھ باتھ یا بَحَث کَران۔ کَتھ صَفہٕ یِم مَضموٗنَن مُتلِق چھِ آسَن، یُہُنٛد ناو چھُ "کَتھ:مَضموٗن ناو" طَرٕزَس پؠٹھ آسَن یَتؠتھ "مَضموٗن ناو" چھُ کُنہِ مَضموٗنُک ناو آسَن۔ مِثال مَضموٗن کٔشیٖر ہُنٛد کَتھ صَفہٕ، یَتھ جاے مَضموٗن بَہتَر بَناونہٕ خٲطرٕ بَحَث کَرنہٕ ییٚہِ چھُ کَتھ:کٔشیٖر. کَتھ صَفہٕ باقی ناو جاؠَن مَنٛز چھِ ناو جاے پَتہٕ "کَتھ" لَگاونہٕ سٟتؠ بَنان؛ مِثال، وِکیٖپیٖڈیا:اِنتِظٲمؠ صَفُک کَتھ صَفہٕ چھُ وِکیٖپیٖڈیا کَتھ:اِنتِظٲمؠ.

ییٚلہِ کانٛہہ مَضموٗن (یا باقی صَفہٕ کَتھ صَفو وَرٲے) چھُ وُچھنہٕ یِوان، اَمہِ کہِ کَتھ صَفٕچ اَکھ لِنک چھِ مَضموٗنَس پؠٹھٕ آسَن، اَتھ لِنکہِ چھُ "کَتھ" ناو آسَن۔ اَتھ پؠٹھ کِلِک کَرنہٕ سٟتؠ چھِ اَمہِ کِس کَتھ صَفَس پؠٹھ واتان۔ موبٲیِل سایِٹہٕ پؠٹھ تہِ چھِ یہِ لِنک دٕستِیاب آسَن.

رُکُن صَفَن تہِ چھِ کَتھ صَفہٕ آسَن (مِثال، رُکُن:511KeV چھُ رُکُن کَتھ:511KeV کَتھ صَفہٕ.) ییٚلہِ باقی رُکنَن چھُ تۄہہِ سٟتؠ کَتھ باتھ کَرٕنؠ آسَن، تِم چھِ تُہُنٛدِس کَتھ صَفَس پؠٹھ پٲغام لیٚکھان.

ییٚلہِ کانٛہہ رُکُن لیٚکھہِ تۄہہِ پٲغام، تُہؠ وُچھِو سَنگتٕر رَنٛگَس مَنٛز اَکھ اِطلاع یَمہٕ ساتہٕ تُہؠ وِکیٖپیٖڈیاہَس پؠٹھ دٲخِل گَژھِو یا وُچھِو تُہؠ وَزٕج اِطلاع موبٲیِل طَرٕزَس مَنٛز.

ویٖڈیو تَعارُف[اؠڈِٹ]

یَتھ ویڈیوَس مَنٛز چھِ؛

  • کَتھ صَفہٕ تَعارُف
  • نٔو بَحَث کِتھ پٲٹھؠ کَرو جَمع (1:13)

کَتھ صَفہٕ کَتھ جاے چھِ[اؠڈِٹ]

کَتھ صَفہٕ جاے

مَضموٗن (یا باقی صَفہٕ کَتھ صَفو وَرٲے) وُچھنہٕ وِزِ چھِ، اَمہِ کہِ کَتھ صَفٕچ اَکھ لِنک چھِ مَضموٗنَس پؠٹھٕ آسَن، اَتھ لِنکہِ چھُ "کَتھ" ناو آسَن۔ اَتھ پؠٹھ کِلِک کَرنہٕ سٟتؠ چھِ اَمہِ کِس کَتھ صَفَس پؠٹھ واتان۔ موبٲیِل سایِٹہٕ پؠٹھ تہِ چھِ یہِ لِنک دٕستِیاب آسَن.

اَگر "کَتھ" لِنک وَزٕج آسہِ، اَمیُٛک مَطلب چھُ زِ یہِ کَتھ صَفہٕ چھُنہٕ وُنہٕ تَخلیٖق کَرنہٕ آمُت۔ تُہؠ ہیٚکِو اَتھ وَزجہِ لِنکہِ پؠٹھ کِلِک کٔرِتھ تہِ یہِ کَتھ صَفہٕ تَخلیٖق کٔرِتھ.

پَنُن تَبسُرٕ پرٛزناوُن[اؠڈِٹ]

ییٚلہِ تُہؠ کانٛہہ تہِ پٲغام لیٚکھِو کُنہِ کَتھ صَفَس پؠٹھ، تُہؠ پَژٕ اَتھ تٲریٖخ دار دَستَخط کَرُن تاکہِ باقی رُکُن ہیٚکَن اَتھ اَصٕل پٲٹھؠ پٕرِتھ۔ سَہَل پٲٹھؠ دَستَخط کَرنہٕ خٲطرٕ چھِ (~~~~) یِم یا Signature icon april 2018.png دَستَخط بَٹُن اِستِمال کَرنہٕ یِوان۔ ییٚلہِ تُہؠ اؠڈِٹ شایع کٔرِو، یِم چھِ خودکار طور دَستَخطَس مَنٛز تَبدیٖل گَژھان۔ اَتھ دَستَخط مَنٛز چھِ رُکُن صَفَس کُن لِنک آسَن، رُکُن کَتھ صَفَس کُن لِنک، وَقٕت تہٕ تٲریٖخ اؠڈِٹ شسیع کَرنُک.(تُہؠ ہیٚکِو دَستَخط ظٲہِریَتھ تَرجیحات مَنٛز تَبدیٖل کٔرِتھ.)

کوڈ ظٲہِریَتھ
~~~~ رُکُن ناو (کَتھ) 01:28, 25 سَتَمبَر 2022 (UTC)جَوآب[جَوآب]

اَگر تُہؠ دٲخِل گَژھنہٕ وَرٲے اؠڈِٹ کٔرِو، تُہؠ چھس کھاتہٕ یا نہٕ، تُہؠ پَژٕ یِتھ پٲٹھؠ تہِ دَستَخط کَرُن۔ اَتھ حالتَس مَنٛز گَژھِ ای پی پتا دَستَخط طور اِستِمال کَرنہٕ یِوان.

نٔو بَحَث دَرٕج کَرٕنؠ[اؠڈِٹ]

Wikipedia-The Missing Manual I replacement1-ks.png
  • نٔوِس موضوٗعَس پؠٹھ بَحَث کَرنہٕ خٲطرٕ گَژھِ "نٔو موضوٗع" لِنکہِ پؠٹھ کِلِک کَرُن.
  • اَمہِ پَتہٕ گَژھِ موضوٗعُک عُنٛوان دَرٕج کَرنہٕ یُن زِ یہِ بَحَث کَتھ مُتلِق چھےٚ.
  • بَحَث دَرٕج کٔرِتھ گَژھِ اَتھ دَستَخط کَرُن یِمو (~~~~) سٟتؠ.
  • ٲخرَس پؠٹھ گَژھِ یہِ اؠڈِٹ شایع کَرنہٕ یُن، "شایع کٔرِو" بَٹُن دَبٲوِتھ.

نٔو حِصہٕ چھُ کوڈ اؠڈِٹ خانَس مَنٛز تہِ بَناونہٕ یِوان، اَتھ خٲطرٕ چھُ ٲخرَس پؠٹھ == عُنٛوان == اِستِمال کَرنہٕ یِوان تہٕ عُنٛوان گَژھِ بَحَث موضوٗع سٟتؠ بَدلاونہٕ یُن۔ اَمہِ پَتہٕ گَژھِ نٔوؠ سطٕرِ مَنٛز لیٚکھنہٕ یُن۔ بَحَث دَرٕج کٔرِتھ گَژھِ اَتھ دَستَخط کَرُن یِمو (~~~~) سٟتؠ تہٕ پَتہٕ گَژھِ یہِ اؠڈِٹ شایع کَرنہٕ یُن، "شایع کٔرِو" بَٹُن دَبٲوِتھ.

بیٚیہِ وُچھِو[اؠڈِٹ]