مَدَتھ:حَوالہٕ تَعارُف کوڈ اؠڈِٹ خانَس مَنٛز/تَمام

"وِکیٖپیٖڈیا احتِجٲج" اَکھ کاٹون

وِکیٖپیٖڈیاہٕچ اَکھ اَہَم پالسی چھےٚ زِ مَضموٗنُک مَواد گَژھِ تَصدیٖق دار آسُن۔ اَمیُک مَطلب چھُ زِ بَروسہٕ مَند ذَرایعہ گَژھَن مَواد سَہارٕ دِنؠ۔ تِمَن جُملَن گَژھِ حَوالہٕ یِمَن پؠٹھ شَک آسہِ۔ عام طور گَژھَن زِنٛدٕ اِنسانَن مُتلِق مَضموٗنَن مَنٛز واریاہ حَوالہٕ آسٕنؠ۔ وِکیٖپیٖڈیاہَس پؠٹھ چھُنہٕ ذٲتی تَحقیٖق اِستِمال کَرنہٕ یِوان، پرَٛتھ کانٛہہ کَتھ گَژھِ کُنہِ جار شایع آسٕنؠ.

اَگر تُہؠ چھِو نٔو مَضموٗن، حِصہٕ یا جُملہٕ بَناوَن، یہِ چھِ تُہُنٛز زِمہٕ دٲری زِ اَتھ گَژھِ حَوالہٕ دِنہٕ یُن۔ حَوالہٕ وَرٲے مَواد چھُ عام طور ہَٹاونہٕ یِوان۔ کُنہِ ساتہٕ چھُ گۄڈٕ حَوالہٕ دِیِو فَرما اِستِمال کَرنہٕ یِوان تاکہِ صٲرِفَس میلہٕ وَقٕت.

برٛونٛہہ کُن وُچھِو تُہؠ زِ جُملس کِتھ پٲٹھؠ چھِ حَوالہٕ دِنہٕ یِوان تہٕ وِکیٖپیٖڈیاہَس پؠٹھ کَتھ چھُ بَروسہٕ مَند حَوالہٕ وَنہٕ یِوان.

سطٕر حَوالہٕ

سطٕر حَوالہٕ چھِ عام طور لۄکٕٹؠ نَمبَر نوٹ ہِوؠ آسان۔ یِم چھِ جُملہٕ پَتہٕ ترٛاونہٕ یِوان تہٕ یِم چھِ تَتھ جُملَس یا پَرےگرٛافَس حَوالہٕ دِوان کُنہِ ذَرایُک۔ ییٚلہِ اَتھ پؠٹھ کِلِک کَران چھِ، یہِ چھُ پَرَن وٲلِس حَوالہٕ حِصَس پؠٹھ واتٕناوَن یُس مَضموٗنَس بۄنہٕ آسان چھُ.

اؠڈِٹ کَرنَس دوران وُچھِو تُہؠ سطٕر حَوالہٕ ٹیگ یِم اِستِمال کَرنہٕ چھِ یِوان <ref>...</ref> یِمَن مَنٛز چھُ کانٛہہ حَوالہٕ فرما یا لِنک ترٛاونہٕ یِوان.

یاد تھٲوِو زِنٔو صَفہٕ تَخلیٖق کَرنہٕ پَتہٕ یا تَتھ مَضموٗنَس حَوالہٕ دِنہٕ پَتہٕ یَتھ نہٕ حَوالہٕ گۄڈٕ موجود آسہِ، گَژھِ حَوالہٕ حِصہٕ بَناونہٕ یُن۔ حَوالہٕ حِصہٕ چھُ مَضموٗنَس تَلہٕ آسان؛

==حَوالہٕ==
{{حَوالہٕ}}

نوٹ؛ کانٛہہ تہِ حَوالہٕ طَرٕز ہیٚکِو تُہؠ اِستِمال کٔرِتھ.

حَوالہٕ

---

حَوالہٕ اَوزار

This screencast walks through how to use RefTools (5:03 min)

کوڈَس مَنٛز حَوالہٕ دِیُن چھُ تھوڈا مُشکِل، اَمہِ کِنؠ چھُ کوڈ اؠڈِٹ خانَس مَنٛز اَکھ آلہٕ حَوالہٕ اَوزار اِستِمال کَرنہٕ یِوان یَمہٕ سٟتؠ یہِ کٲم سَہَل گَژھان چھِ۔ یہِ اَوزار شَلف چھُ ڈیسکٹاپ کوڈ اؠڈِٹ خانَس مَنٛز آسان.

یہِ اِستِمال کَرنہٕ خٲطرٕ، کٔرِو جُملَس پَتہٕ کِلِک تہٕ دَبٲوِو  Cite بَٹُن۔ اَمہِ پَتہٕ کٔرِو اَکھ فرما مُنتَخٕب یۄس حَوالَس مُطٲبِق آسہِ۔ یِم فرما چھِ؛

• {{cite web}} عام حَوالَن خٲطرٕ
• {{cite news}} خَبر تہٕ خَبر وؠب سایِٹَن خٲطتٕ
• {{cite book}} کِتاب حَوالَن خٲطرٕ
• {{cite journal}} میگزین، تٲلیٖمی موضوٗعَن خٲطرٕ

اَکھ دَرٕج ڈَبہٕ گَژھِ اِظہار، یَتھ مَنٛز تُہؠ مولوٗماتھ ہیٚکِو دَرٕج کٔرِتھ تہٕ اَتھ حَوالَس ناو دِتھ۔ اَمہِ پَتہٕ کٔرِو دَرٕج بَٹنَس پؠٹھ کِلِک، اَمہِ سٟتؠ گَژھِ یہِ مولوٗماتھ وِکی کوڈَس مَنٛز تَبدیٖل۔ اَگر تُہؠ یَژھ آسہ، تُہؠ ہیٚکِو نُمٲیِش تہِ وُچھِتھ.

کُنہِ ساتہٕ چھِ اَکھ حَوالہٕ واریاہ لَٹہٕ اِستِمال کَرنہٕ یِوان، تَتھ خٲطرٕ گَژھِ ناو دار حَوالہٕ    پؠٹھ کِلِک کَرُن تہٕ اِستِمال سَپدؠ مِتؠ حَوالہٕ مُنتَخٕب کَرٕنؠ.

بَروسہٕ مَند ذَرایعہ

وِکیٖپیٖڈیا مَضموٗن گَژھَن بَروسہٕ مَند، شایع حَوالہٕ دِنہٕ یِن، یِم مَضموٗنَس مَنٛز موجود مولوٗماتٕچ تَصدیٖق آسَن کَرن۔ وَنہٕ چھَو تۄہہِ پَتاہ زِ حَوالہٕ کِتھ پٲٹھؠ چھِ مَضموٗنَن دِوان۔ وَنہٕ چھُ وُچھُن زِ کٔم حَوالہٕ گَژھَن دِنہٕ یِن؟

حَوالٕچ بَروسہٕ مَندی چھِ ترٛے اَہَم حِصہٕ پؠٹھ دارمدار آسان؛ ذَرایعہ پانہٕ (مِثال؛ کانٛہہ دَستاویٖز، مَضموٗن، کِتاب)، ذَرایُک تَخلیٖق کار (مِثال لِکھٲرؠ)، تہٕ شایع کَرن وٲلؠ (مِثال؛ کَشمیٖر یونِورسِٹی پریس). تَمام نۄقطہٕ چھِ بَروسہٕ مَندی پؠٹھ اَثر ترٛاون.

بَروسہٕ مَند ذَرایعہ چھِ تِم یُہُنٛد مَواد ٹھیٖکھ تہٕ نُقُص وَرٲے آسان چھُ۔ یِم چھُ کانٛہہ تہِ مَواد شایع کَرنہٕ برٛونٛہہ اَتھ جانچ پَرتال کَران تہٕ واریاہ اؠڈِٹوریَل عَملو سٟتؠ اَمُک مَواد بَروسہٕ مَند بَناوَن۔ کیٚنٛہہ بَروسہٕ مَند ذَرایعہ چھِ یونِورسِٹی کِتاب، کِتابہٕ یِم اصٕل شایع گَرو شایع آسَن کَرمٔژ، جزیٖرہ، اَخبار.

ذٲتی شایع کٔرمٕتؠ ذَرایعہ، یَتھ مَنٛز تَخلیٖق کار تہٕ شایع کَرن وول آسہِ اَکوے اِنسان، یِم چھِنہٕ اِستِمال کَرنہٕ یِوان۔ اَگر تَخلیٖق کار آسہِ مٲہِر لِکھٲرؠ یَم کیٚنٛہہ خاص مۆضوٗع آسَن لؠکھمِت، تِہٕنز ذٲتی شایع کٲم چھِ بَروسہٕ مَند ذَرایعہ مانہٕ یِوان.

حَوالہٕ چھا اِستِمال کَرُن لایَکھ، یہِ چھُ اَمکِس پَسہِ مَنظرَس پؠٹھ دارمدار آسان۔ ذَرایعہ یِم کُنہِ عُنٛوانَس خٲطرٕ بروسہٕ مَند آسَن، ہیٚکَن نہٕ باقی عُنوانَن خٲطرٕ بروسہٕ مَند ٲسِتھ۔ زِنٛدٕ اِنسانَن پؠٹھ مَضموٗنَن گَژھِ ہَمیٖشہٕ بَروسہٕ مَند ذَرایعہ ہُنٛد حَوالہٕ دِنہٕ یُن.

یِم چھِ کیٚنٛہہ عام ہؠدایَتھ، مٔذیٖد مولوٗماتھ خٲطرٕ وُچھِو وپ:تَصدیٖق تہٕ وپ:بَروسہٕ مَند ذَرایعہ.

بیٚیہِ وُچھِو

• حَوالہٕ