شيخ احمد اَلفاروقی اَسرہندی

امام ربّانی شیخ احمد ابن عبدالاحد الفاروقی السرہندی مُجدد الف الثانی، یا احمد سرہندی (۱۵۶۴-۱۶۲۴ع) اوس مۄغل دورُک اَکھ حنفی عٲلم ، مُجدد تہٕ نقشبندی صُوفی، ییمؠ مۄغل دربارس مَنٛز پھۄلوٕنس «دین الہی»یس خَلاف ورزی کٔر۔

احمد سرہندی

زندگی

سرہندی زاو ۲۶ میہ ۱۵۶۴ع پنجابکس سرہند گامس مَنٛز۔ امؠ سُنٛد نصب چھُ صوٗفی ولی بابا فریدس تہٕ حضرت عمرس ستؠ رلان۔ بُنیٲدی تٲلیم کٔرٕن گیٚری، مٲلس، عبدالاحد، نش حٲصل تہٕ کۆرُن قرآن حٲفظ۔ ایمہ پتہ پۆرُن سیالکوٹہ، کمال الدین کشمیرس نش۔۳۶ وری وٲنسہ مَنٛز کٔرٕن نقشبندی طریقت اختیار۔ ۱۵۹۸ع مَنٛز کۆرُن حج۔

اکبر نس دور حکُومتس مَنٛز لیکھؠ سرہندیین ہتہ بدؠ مکتوٗب، پننؠن ژاٹھن، مۄغل وزیرن تہٕ اکبرس تہِ، یمن ہُنٛد مُدعا مۄغل دربارس مَنٛز بٹہ رسمن تردید اوس۔ إمو مکتوٗبو ستؠ گۆو ابو الفضل، اکبر سندؠو «نو رتنَو» مَنٛز اَکھ، متٲثر، ییمؠ کنؠ اکبرٕنؠ نیچی جہانگیرن مٲل سٟنٛز پالسیہ واپس نییہ۔

جہانگیرنس حکُومتس دوران آو سرہندی زندانس برنہ، ۱۶۱۸ع مَنٛز، تکیاز جہانگیر دوٗریوو اِسلام نش، مگر پتہ کۆرُن رہا۔ مگر ۱۶۲۲ مَنٛز کۆرُکھ سرہندی بیٚیہِ قٲد، تہٕ ؤری بعد ترووُکھ بیٚیہِ ییلہ۔

رہٲیش پتہ دراو سرہندی جہانگیرس فتح دکَنس دوران ستؠ تہٕ شاید گُذریوو اتھؠ دوران۔

کامہِ

• مکتوبات امام ربانی(مکتوٗبن ہِنٛز سۄمبرن)
• اثبات النبوت
• اسرار التشہد