شبیر احمد عثمانی

وِکیٖپیٖڈیا پؠٹھٕ، اَکھ آزاد اِنسایکلوپیٖڈیا

شبیر احمد عثمانی (اُردوٗ: شبیر احمد عثمانی‎: 11 اکتوبر 1887 - 13 دَسَمبَر 1949) اوس اَکھ اِسلامی سکالر یٔمؠ 1940 کس دَہٲیی مَنٛز پاکستانٕچ تحریکہ ہٕنٛز حمایتھ کٔر۔ سُہ آو 1949 ہَس مَنٛز پاکِستان کِس شیخ الاسلام کِس عہدس پؠٹھ مُقرَر کرنہٕ۔ سہ اوس اَکھ مذہبی سکالر ، سیاست دان تہٕ تَفسیٖر تہٕ حدیثن ہُنٛد مٲہِر۔[1][2]

1887 تھس مَنٛز بجنوردس مَنٛز زامُت عثمانی او دارالعلوم دیوبَند سٲبِقہٕ طٲلبہِ عٔلِم ۔ سُہ اوس فضل الرحمن عثمانی سُنٛد نیٚچو۔ أمہ سنٛد بوے عزیزور رحمان عثمانی اوس دارالعوم دیوبندُک گۄڈنیُٛک عٔظیٖم مُفتی۔ عثمانی اوس 14 اَگَست 1947 کراچیس مَنٛز پاکستانک جَنٛڑٕ لہراون وول گۄڈنیُٛک تہٕ کٔرٕنؠ محمد علی جناح سٕنٛدِ نؠماز جِنازٕچ قیادتھ۔ أمہ سٕنٛز اَہَم کٲم چھےٚ تفصیر عثمانی یۄس أمؠ پنٛنس وۄستاد محمود حسن دیوبندی یس سٟتؠ میٖلتھ لیٚچھمٕژ۔

اِبتِدٲیی زِنٛدگی[اؠڈِٹ]

سُہ زاو 11 اکتوبر 1887 بجنورٕ مَنٛز یُس برطانوی ہندوستان کِس شمال مغربی صوبہٕ کِس أکِس شہرس مَنٛز اوس۔ تمہ سند مول فضل رحمان عثمانی اوس سکوٗلن ہُنٛد ڈپٹی انسپکٹر تہٕ اوس تَمہِ وِز بریلی سوزنہٕ آمُت ییٚلہِ تمہ سُند نیٚچو شبیر اوس زامُت۔[حَوالہٕ ضۆروٗری]

تٲلیٖم تہٕ پیشورانہٕ زِندگی[اؠڈِٹ]

أمہ کٔر دارالعلوم دیوبَندس مَنٛز تٲلیٖم حٲصل ییٚتہ سُہ محمود حسن دیوبندی سُنٛد شاگرد بنیو تہٕ 1908 ہس مَنٛز کٔرٕن گریجویشن۔[2] گریجویشن پَتہٕ آو سُہ دارالعلوم دیوبَندس مَنٛز وۄستاد مُقرَر کرنہٕ۔[2]

ادبی کامہٕ[اؠڈِٹ]

عُنٛوان وضاحتھ
تفسیر عثمانی[2] محمود الحسن سٕنٛد تحریر کٔرمٕژ قرآن سٔریٖفٕچ تفسیر ہُنٛد اردو تَرجَمہٕ۔

وَفات تہٕ وراثت[اؠڈِٹ]

عثمانی گزریو 13 دَسَمبَر 1949 رِیاسَتھ بہاوالپور کِس بغداد الجادس مَنٛز تہٕ آو دوٚیٛمہِ دۄہ اسلامیا ساینس کالیٚجس (کراچی) مَنٛز دَفَن کرنہٕ۔[2]

پاکستان پوسٹل سٔروس کوٚر 1990 مَنٛز تِہِنٛدِس اعزازس مَنٛز پننہ ' پایینرز آف فریڈم ' سلسلس مَنٛز اَکھ یادگار ڈاک ٹکٹ جٲری۔[3]

  1. Qasim A. Moini (4 July 2017). "Jamiat Ulema-I-Islam at One Hundred (actually old Jamiat-e-Ulema-e-Hind party's 100th anniversary in 2019)". Archived from the original on 29 August 2019. Retrieved 29 August 2019.
  2. 2٫0 2٫1 2٫2 2٫3 2٫4 "Maulana Shabbir Ahmad Usmani's profile". storyofpakistan.com website. 4 January 2008. Retrieved 29 August 2019.
  3. Commemorative postage stamp in honor of Shabbir Ahmad Usmani issued by the Pakistan Postal Services in 1990 in its 'Pioneers of Freedom' series, Retrieved 29 August 2019