حَبہٕ خوتوٗن
 | |
|---|---|
| The Nightingale of Kashmir کٔشیٖر ہِنٛز بُلبُل | |
 | |
| کٔشیٖر ہِنٛدؠ بادشاہ سٕنٛز خانٛداریٚنؠ | |
| کرٛاوُن کال | 1579-1586 |
| ذٲتی زِندگی | |
| پٲدٲیِش | 1554 ژَنٛدہور, پامپر, کشمیر سلطنت |
| وَفات | 1609 (وٲنٛسہِ 54–55 ؤری) مۄغلِ کٔشیٖر |
| دَفن جاے | اتھواجُن، کٔشیٖر |
| شریٖک حیات | |
| مول موج |
|
| سلطنَت | ژَکھ خانٛدان |
| مَذہب | اِسلام |
| کٲم | شٲیِر, لِکھٲرؠ |
| لِکھٲرؠ پیشہٕ | |
| زَبان | کٲشُر |
| سبجیکٹ | شعر تہٕ بٲتھ جُدٲے تہٕ دَدار باپتھ |
| ؤرین لؠکھان | c. 1570 – 1609 |
| یادگار کٲم | راہ بخشتم ہَرمۄکھ بَرتل گاہ چون پؠوان ژۆل ہما روشے چارٕ کر میٛون مالنیٛو وَلو میٛانہِ پوشے مدنو چھاو میٛٲنؠ دانہِ پوش |
حَبہٕ خوتوٗن ( کٲشُر : /habɨ kʰoːtuːn/ ) أس اَكھ مَشہوٗر تہٕ مَقبول کٲشِر شٲیِر تہٕ بادشاہ باے۔ [1][2][3] سۄ ٲس 16مہِ صٔدی ہٕنٛز کٲشِرؠ شٲیِر تہٕ یوٗسُف شاہ چَک سٕنٛدؠ مٔہرٲنؠ۔ سُہ ٲس وادی ہٕنٛزؠ لول شٲعری ہٕنٛزؠ بٲنؠ۔ زوٗن ناوٕ اوسُکھ زؠنہٕ وِزِ پٔنہٕ۔ حَبہٕ چھےٚ کٲشُر ادبَس مَنٛز مۄحبت تہٕ جُدٲے ہٕنٛزؠ آواز۔
شۆروٲتی زِندگی
[اؠڈِٹ]حَبہٕ ٲس ژَنٛدہارس مَنٛز اَکھ عام گَرٲنَس مَنٛز زٲمٕژ۔ نِکاح کَرنہٕ پَتہٕ گوٚو تٔمِس سٔخ تیز مزاج ہَشہِ باپَتھ تَکلیٖف جیلُن۔ گؠوُن تہٕ شٲعری ٲس تٔمِس سٕنٛدؠ پَناہ۔ تٔمِس سٕنٛدؠ آواز ٲس یُتھ مۄدُر زِ لوٗکھ وَنان ٲسؠ "یہِ چھےٚ بُلبل گؠوان"۔
راہ بخشتم سٲر پرودگارو
ژےٚ کِہو واتِیو مِیٛانے مَرنَے؟
سِپار ترٕٛہ مےٚ پٔرمو کِیٛانو
پھیُٛۆر نو کُنہِ گومو زیرِ زبرے
ژےٚ کِہو واتِیو مِیٛانے مَرنَے؟
تَپھ چھُم بدنس حبہٕ خوتوٗنے
ادٕ نو آوہم زانٛہہ تہِ خبرے
تیٚلہِ یِکھا ییٚلہِ مےٚ ساونٲم اَنٛد مَزارو
ژےٚ کِہو واتِیو مِیٛانے مَرنَے؟
بیٛاکھ مِثال
وۄلو مِیٛانے پوشے مدنو
دِل نِتھ ژۆلہوم روشے،
وۄلو مِیٛانے!
وۄلَو وؠسہِ گژھوٲے آبس،
دُنؠیا چھُ نِنٛدٕر تَے خابس,
پرٛاران چھَس بہٕ جوابس,
وۄلو...
یوٗسُف شاہ چَک سٟتؠ مِلُن
[اؠڈِٹ]کٔشیٖرُک ٲخری آزاد بادشاہ یوٗسُف شاہ چَک بوٗز تٔمِس سٕنٛدِس گؠوَن ہٕنٛزؠ لَو۔ تٔمؠ کوٚر حَبہٕ سٟتؠ نِکاح تہٕ بَنٲوٕس تٔمِس کٔشیٖرُک مٔہرٲنؠ۔ یہِ ٲس تٔمِس سٕنٛدِس شٲعری ہٕنٛزؠ سۄنہٕ وَقت۔
جُدٲے تہٕ واہویل
[اؠڈِٹ]مُغلَن کٔر یوٗسُف شاہ چَک بَہارَس مَنٛز قٲد۔ حَبہٕ خوتوٗن رٲوؠ تَنہا تہٕ تٔمِس سٕنٛدؠ سٲری لول تہٕ واہویل چھےٚ اَمِس سٟتؠ جُدا گژھنس پؠٹھ۔ تٔمِس سٕنٛدؠ مَشہوٗر شعٲر:
ہَرمۄکھ برتل زاگَے مدنو
یی دپہٲم تی لاگویو!
پوش دپہٲم
گۄلاب لاگٲے مدنو
بِتنو یہِ دوٗرؠر ژالَے مدنو
یی دپہٲم تی لاگویو!
مُشتاق گۆوہٲم کمان مدنو
یی دپہٲم تی لاگویو!
ہَر مۄکھ بَرتل زاگٲے مدنو
وراثَت
[اؠڈِٹ]حَبہٕ خوتوٗنَن بَدلٲو کٲشُر شٲیِری ہُنٛدؠ رَنٛگ۔ تٔمؠ أنؠ لول عام لوٗکَن ہٕنٛزؠ زَبانہٕ مَنٛز، مَگَر سٟتؠ اَتھ مَنٛز ٲسؠ صوٗفیانہٕ سرَٛنؠر تہٕ۔ اَز تہٕ چھِ تٔمِس سٕنٛدؠ نَغمہٕ وادی مَنٛز مشہوٗر۔
حَوالہٕ
[اؠڈِٹ]- ↑ "Habba Khatun". Archived from the original on 2018-01-01. Retrieved 2012-11-03. آرکایو کۆرمُت 2018-01-01 بذریعہ ویے بیک مَشیٖن
- ↑ "Activity 1". Archived from the original on 2016-03-05. Retrieved 2015-06-09. آرکایو کۆرمُت 2016-03-05 بذریعہ ویے بیک مَشیٖن
- ↑ Prachi Jha؛ Onaiza Drabu (2018-05-23). "The poetry of Habba Khatoon, a Kashmiri peasant-queen, still resonates nearly 500 years later". Dawn ( اَنگیٖزؠ زَبانہِ مَنٛز). Retrieved 2026-01-08.
