احد زرگر

احد زرگر چھُ اَکھ کٲشُر شٲیِر.

احد زرگر|دپان سأرسٕے کشیٖرٕ مَنٛز ووٗتھ اَتھ کلامَس پؠٹھ سخ شور و ش۔ ییلِہ زن عام پأٹھؠ چھُ یوان وَننہٕ زِ زرگر صأبس آو اَتھ غزلس پؠٹھ حُکمِ کُفر دِنٕہ مگر یٕہ چُھنٕہ صٔحیٖح کیازکٕہ کأنٛسِہ قأضؠ یا مولوین چَھنِہ اَتھ مَنٛز مُداخلت کٔرمٕژ البتہ زرگر صأبنٕہ وننٕہ مُطأبِق دراے نٕہ تٕم لگ بھگ ترٚین ریتن گَرِ نیبر کُن تہِ۔ تِکیازِ لُکھ أسؠ مُشتعل تِہُند ونُن اوس زِ عام چھُ خام البتہ حرفن معنی زانِہ ہوشیار۔

اِبتدٲئی زِندگی تہٕ تٲلیٖم

عبدالاحد زرگر صٲب زایِہ 1303ھ بمُطأبق 1882ء سِریٖنَگَر کِس زونی مَر علاقس مَنٛز۔ اَتِہ اوس یِمن ماتامال۔ تِہنٛدِس بابٕہ صٲبس اوس غلام محی الدین زرگر ناو۔ تِہُند خاندٲنی پیشِہ اوس شال وۄنٕنؠ۔ زرگر صأبنِس گرَس مَنٛز چھُ ابتدا پؠٹَھے فقیٖرَن تٕہ بُزرگن ہُنٛد یُن گژُھن روٗدمُت۔ یِہنٛدِس بُڈؠ ببَس تہٕ بابہٕ صٲبس نِش أسؠ جان جان خدا دوست بزرگ یِوان گژھان تٕہ أتھؠ ماحولس مَنٛز پرٛیتھیو زرگر صٲب تِہ۔ مُروجٕہ تٲلیٖم حٲصِل کرنٕہ خأطرٕہ آیِہ زرگر صٲب بُلبُل لنکرٕ أکِس پرایویٹ مدرسَس مَنٛز تراونٕہ تٕہ مزید اَتھ سٟتؠ گٔے کأدی کدل أکِس اوخُن صأبس نِشہ تِہ تس نِش کٔرٕکھ کم جادٕ عربی یِچ زان حٲصِل۔

زرگر صأبن کور 14 ژوداہ وری وأنسِہ مَنٛز پیر یِم کاوٕڈارِ روزان أسؠ تٕہ تِمن اوس ناو جناب عبدالکبیر لون صأب عبدالکبیر لون صأبس سٟتؠ سٕتی گٔے زرگر صأب مزیز ووستادن نِش تِہ یِمن مَنٛز قأبل زِکر تَمِہ وقتٕکؠ میرواعظ کشمیر مولانا احمداللہ (عمہ صأب) صأبس نِش تٕہ رسول بٹ صأب یِم چھِ کوژھل کأم آسمٕتؠ کران وازٕ پورِ سرینگرٕ روزان أسمٕتؠ۔ پیر ثناواللہ صأب یِم زن بٹٕہ گنڈ ترال چھِ أسمٕتؠ روزان عزیز صأب یتو یِم ناگُم ژوڑرٕ چھِ أسمٕتی روزان أمِہ علاوٕ مامٕہ صأب یِم ڈُمٕہ کدلٕ نواکدلٕہ چھِ روزان أسمٕتؠ۔

احد زرگر|زرگر صأبن پنُن وَنُن چھُ زٕ بہ اوسُس پنٕنؠ جوٗلؠ ہیتھ پھیران آسان أکِس ہیوان اَکھ چیز تٕہ بییِس بیٛاکھ چیز البتہ عبدالکبیر لون صأبنِس صحبتس اندر روٗدؠ یوتام لون صأب زندٕہ أسؠ۔ زرگر صأبُن تعلق اوس دۄن روحأنی سِلسِلن (قادری)، تٕہ (کُبروی) سلسِلن سٟتؠ۔

احد زرگر|زرگر صأب أسؠ سیٹھاہ کم غذا کھیوان نہایت خوش پوش روزُن پسند کران۔ خلوت نشینی أسؠ پسند کران۔ زرگر صأبن چھِ زٕ ۲ خاندر کٔرؠ مٕتؠ۔ گوڈنِچ خاندارین گٔیکھ کینٛہہ کال گٔژھتٕھے رحمتِ حق تٕہ پتِہ کۄرُکھ بیٛاکھ خاندر ویجبیارِ۔ یہندِ بطنٕہ منٛزٕ پانژ ۵ اولاد زٕ ۲ نیچِوؠ ترےٚ ۳ کورِ زایِہ۔

شٲیِری

زرگر صأبَن چھ، حمد، نعت، منقبت، غزلیات، اکہٕ نندُن، مولوی نامہٕ تہٕ اَکھ مثنوی گُل صنوبر، لیچھمٕژ۔

[ حــمد ]

احد زرگر|دمہٕ دمہٕ حمداہ ژےٚ کُن چُھس دپان کیاہ لیٚوکھ تَھم ازلس تَے ازلٕچِہ باگنَے بیشک چھ بے پَے عأقل وُچِھم حأران

[ نعــت]

احد زرگر|چھُ بے شک سو بسو انوارِ محمدؐ چھُ دیٖدن روبرو دیٖدارِ محمدؐ کمامہ حُسنٕہ کِس کعبس زٕ محراب امامٕہ تَتھ چھُ خوش گُفتارِ محمدؐ۔۔۔۔۔

[مناقب ]

احد زرگر|امیرا ؒ دۄن جہانَن چَھے امیری بہٕ چُھس پیٖری مۓ کرتَم دستگیٖری ژےٚ روٚس کۄسہٕ جاے چَھم ییٚتِہ کرَے فریاد سیاه کارس کٔرِو وُنکیٛن مےٚ امداد پوٚرُم لا تقنَطو مِن رحمتِ اللہ اُمید تی چَھم ژٕ چُھکھ نا میون مولا

[ غــزلیات ]

احد زرگر|1:مےٚ چیوٚ مَے أمہِ عشقٕنہِ وانہٕ دیکھو 2: الست بِرَبِکُم گوم نِدا کمہِ تام شَیے 3: قوالہٕ ژٕ دیوٗ تارِ صدا سُے چھُ مُدا میون 4: رنگ بألی ڈوٚلُم تازٕ گُلس ، سُے مےٚ دِلس کان 5: ترأوِتھ ژوٚلُم سُہ دلبر تھأوتھ فراق افسوس ۔۔۔۔۔۔۔۔۔۔۔۔۔۔۔۔۔۔۔

تٕہ أمِہ علاوٕہ

احد زرگر|[اَکٕہ نَندُن] [مولوی نامٕہ] مثنوی [گُل صنوبر] تٕہ لیچھمٕژ . یِمن اندر زرگر صأبن کٲشُر ، اُردوٗ ، فارسی تٕہ عربی علاوٕہ سنسکرت زبأنؠ ہٕندؠ الفاظ ورتأومٕتی . زرگر صأبنِہ شاعری مَنٛز چھُ اَکھ بِدون اندازِ باوت ، لفظن ہُنٛد الگ ورتاو سرینٛیر تٕہ کٔشِش یۄس عاشقن وولسَنس چَھ انان .

احد زرگر|زرگر صأب چھُ تَقریٖبَن سأرسٕے کشیٖرِ پھیٛورمُت تِکیازِ زرگر صأبٕنؠ مُرید تٕہ طألب چھِ کشیٖرِ ہِندین تَقریٖبَن سأرنٕے علااقن تٕہ گامن اندر أسمٕتؠ یِمن اندر پنڈت برادری ہٕند تٕہ واریاہ شأمل چھِ ٲسمٕتؠ .

احد زرگر|زرگر صأب سَپٕدؠ 21 نَوَمبَر 1983ء ژندٕروارِ دۄہ رحمت حق . تِم آے نروَرِ سرینگرٕ پَننِس آبأئی مقبرس سٟتؠ أکِس الگ مقبرس اندر سُپرد خاک کرنٕہ .اَتھ مقبرس پؠٹھ آو اَکھ شاندار تٕہ خوبصورت روضِہ تعمیر کرنٕہ . زرگر صأبن دۄہ چھُ پریتھ ؤریٕہ 12 اَگَست سیٹھاہ شاندار طریقس پؠٹھ مناونٕہ یوان .