ہٲنٛز

ڈَل ہأنٛز

ہٲنٛز چھِ کٔشیٖرِ ہِنٛدِ ناوِ سوار۔ یِم چھِ وادی کشمیرَس مَنٛز اَکھ اَہَم نسلی جمٲژ، یُس بنیٲدی طور پٲٹھؠ ڈل، وولر، انچار تہٕ مانسبل سَرَن تہٕ وؠتھہِ مَنٛز خَنہٕ بَل ضِلہٕ اننت ناگ تہٕ چھَژھبَل (ضِلہٕ سرینگر) درمیان لبنہٕ چھُ یِوان۔ ہأنٛز چھِ منجھیَن تہٕ ملاہَن ہِوی یِم رؠوٲیتی ناوِ وٲلؠ چھِ۔ ڈُنٛگہٕ تہٕ گَرٕ ناو ہأنٛز چھےٚ صاف آسنہٕ خٲطرٕ تہٕ انٛگریٖز تہٕ ہِنٛدُستٲنہِ اصل پٲٹھہِ بولنہٕ خٲطرٕ مشہوٗر۔ وننہٕ چھُ یِوان زِ تِم چھِ ذہین تہِ، تہٕ ہؠکَن کم وختَس پؠٹھ بٹلر، وازٕ، شکأرؠ یا گائیڈ ہِش فرائض انجام دِتھ۔

قسٕم

•ڈَل ہأنٛز : یِمن چھِ فرأنٚگ ہأنٛز تہٕ ونان۔یِم چھِ تِم ہأنٛز یم ڈلس مَنٛز چھِ روزان۔

•گاڈٕ ہأنٛز : یم ہأنٛز چھِ گاڈٕ رٹنس تہٕ کٕننس سٟتؠ وابستہٕ تھاوان۔

•ڈُنٚگہٕ ہأنٛز : یم ہأنٛز چھِ ڈُنٛگن یا ناون مَنٛز روزان۔

بییٚہ تہٕ چھِ ہأنٛزن مَنٛز واریاہ قٕسم لبنہٕ یوان مثلن: سیرٕ ہأنٛز ، مؠژٕ ہأنٛز ، مٹہٕ ہأنٛز ، چوٗنہٕ ہأنٛز بیٚترِ۔