وٲدی چناب
| چناب وٲدی | |
|---|---|
| اَصٕل ناو اَنگیٖزۍ زَبانہِ مَنٛز: Chenab Valley | |
 | |
| مُلُک | کٔشیٖر |
| اِنتِظٲمی حِصَس مَنٛز | جۆم تہٕ کٔشیٖر (مَرکَزی عَلاقہٕ) |
| آبٲدی | 924٬345 |
| اِستِمالَس مَنٛز زَبانہٕ | کٲشِر زَبان |
| رۄقبہٕ | 11٬885 چَکور کِلومیٖٹَر |
| خدمَت | ڈوڈہ ضِلہٕ، کَشٹٕوار ضِلہٕ، رامبَن ضِلہٕ |
وٲدی چناب چھُ جۆم تہٕ کٔشیٖر مَنٛز اَکھ عَلاقہٕ۔[1] یھ لَفظٕ چھُ ڈوڈہ، کشتٕواڑ تہٕ رامبن ضِلس باپتھ یکجہ یوان اِستِمال کَرنہٕ۔
جَغرٲفِی[اؠڈِٹ]
چناب وادی چھُ بھارتس مَنٛز جۆم تہٕ کٔشیٖر مَنٛز وسط تہٕ عظیم ہِمالیَہ رینج کہِ درمیان واقع۔ یہٕ چھُ جۆم تہٕ کٔشیٖر کہِ ڈوڈہ، رامبان تہٕ کَشٹٕوار ضِلن ہُنٛد حصہٕ بناوان۔[1] یہٕ علاقہٕ چھُ اَکھ فعال زلزلے ہُنٛد زون۔[2]
تَوٲریٖخ[اؠڈِٹ]
برٛونٛہہ کالہِ اوس، ڈوڈی کِس أنٛدؠ پٕکؠ علاقَس سرازی آبٲدی آباد، اَمہِ پَتہٕ لوگ لوٗکو کٔشیٖر تہٕ باقی أنٛدؠ پٕکؠ کؠو علاقو پؠٹھ اَتھ جاے آباد گژھُن۔ 17مہٕ تہٕ 18مہٕ صدی مَنٛز اَمہِ ہجرتک وَجَہ چھُ تَوٲریٖخ دانَن مَنٛز غٲر واضح۔ سومنترا بوس چھُ ونان زِ کٔشیٖر مَنٛز فیوڈل طبقٕک ظُلمَن کٔرؠ لوٗکھ یمن علاقن کُن رٲغِب۔ یمن ترٛؠن ضلعن مَنٛز چھ کیشٹوار تہٕ بھادرواہُک علاقہٕ شٲمل، یم دۄشوٲے ٲسؠ جۆم تہٕ کٔشیٖر ہٕنٛدِ اُدھمپور ضِلٕک حِصہٕ۔ امہٕ علاوٕ، پادر اوس برٛونٛہہ کالہِ چیمبا ریاستُک حصہٕ تہٕ پتہٕ آو جۆم تہٕ کٔشیٖر شاہزٲدؠ رِیاسَتس مَنٛز شٲمِل کرنہٕ. کٲشِرؠ چھِ ترٛؠن ضلعن مَنٛز سارِوٕے کھوتہٕ زیاد آبٲدی ییلہ زَن گجّار، ڈوگرا، پَہٲدؠ تہٕ بھادروٲی تہٕ چھ واریاہ۔ چناب وٲدی چھِ ثقافتی ورثس تہٕ اخلاقی اقدارس سٟتؠ بھرپور، مگر سیکولرزم تہٕ رواداریچ پرٛٲنؠ روایات تہٕ چھِ موجوٗد.[3]
حَوالہٕ[اؠڈِٹ]
- ↑ 1٫0 1٫1 tahirnadeem. "'Earthquakes, cloudbursts can damage Chenab Valley dams'". Greater Kashmir ( اَنگیٖزۍ زَبانہِ مَنٛز). Retrieved 2023-01-23.
- ↑ "Chenab valley quakes not due to hydro projects: Scientists". DNA India ( اَنگیٖزۍ زَبانہِ مَنٛز). Retrieved 2023-01-23.
- ↑ Snedden، Christopher (2015). Understanding Kashmir and Kashmiris. London. ISBN 978-1-84904-342-7. OCLC 858826393.