میانؠ کٔشیٖر

وِکیٖپیٖڈیا پؠٹھٕ، اَکھ آزاد اِنسایکلوپیٖڑیا
Jump to navigation Jump to search

میانؠ کٔشیٖر چھِ اَکھ نَظٕم یس ظریف احمد ظریف چھ لچھمژ

یہِ چھِ پٔزؠ پأٹھی سۄرگچ اَکھ تصویر

یہِ چھِ سأنؠ کشیر یہِ چھ میأنی کشیر

ییتہِ تھنہٕ پٚیے صوٗفج سنت ریشٚی پیر

یہِ چھِ سأنؠ کٔشیٖر یہِ چھِ میأنی کٔشیٖر

اَتھ لوٕ ہتہ لولُک شوٗژر چُھم

یہِ چھ جۄشبویہ مشکاوان رُم رُم

تھنہٕ پیمٕتی ییتہ کم کم ولہٕ ویٖر

یہِ چھِ سأنؠ کٔشیر یہِ چھِ میأنی کٔشیٖر

اَمہِ کُنرک آسن لۄلہ للہ نوو

اَمہِ گٹہِ مَنٛز گاشک آگر ہوو

یہِ چھ شوقل خابن ہُنٛد تأبیر

یہِ چھِ سأنؠ کٔشیٖر یہِ چھِ میأنی کٔشیٖر

اَتھ بونؠن ویرؠن ہُنر شہؠجار

اَتھ اَردُلی بالن پٹھ دؠودار

یہِ چھ انہری جابن ہُنٛد تأمیٖر

یہِ چھِ سأنؠ کٔشیٖر یہِ چھِ میأنی کٔشیٖر

یٚیتہِ وۄسہٕ درۄسہٕ لولٕچ یارٕ بلن

تن من چھوٚل وؠتھِ بٚییہِ جھیِل ڈلن

یٚیتہِ للہ چوو نُندٕ ریشٚی امرؠت شیٖر

یہِ چھِ سأنؠ کٔشیٖر یہِ چھِ میأنی کٔشیٖر

اَتھ ازلے باگہِ چُھ بارٕنی تون

اَتھ پھۄلہٕ وُن رَلہٕ وُن مالٕنی کرون

یہِ چھ متیرن مسکن شتھرن تیٖر

یہِ چھِ سأنؠ کٔشیٖر یہِ چھِ میأنی کٔشیٖر