محمد یوسف تاریگامی

وِکیٖپیٖڈیا پؠٹھٕ، اَکھ آزاد اِنسایکلوپیٖڈیا

محمد یوسف تاریگامی چھُ ہندوستٲنہِ سیاست دان یُس جوٚم تہٕ کٔشیر پؠٹھ چھُ۔ سُہ چھُ گپکر اعلامیہٕ خٲطرٕ پیپلز الائنس ہُنٛد کنوینر تہٕ ترجمان۔[1]

امہِ برٛونٛہہ کٔر أمہِ 1996، 2002، 2008 تہٕ 2014 ہَس مَنٛز جوٚم تہٕ کٔشیٖر قونوٗن ساز اسمبلی مَنٛز کُلگام اسمبلی حلقٕچ نُمٲیِنٛدٕگی ۔[2][3][4] [5] سُہ چھُ کمیونسٹ پارٹی آف انڈیا (مارکسسٹ) ہُک سینٹرل کمیٹی ممبر تہٕ کشمیرَس مَنٛز سی پی آئی (ایم) ہُک سٲبقہٕ ریاستی سکریٹری۔

ابتدائی زندگی[اؠڈِٹ]

تاریگامی زاو 17 جُلَے 1949 کُلگام کِس تاریگام گامَس مَنٛز أکِس کٔمیٖن دار خانٛدانَس مَنٛز۔[6] أمہِ سُنٛد خانٛدانُک ناو چھُ أمہِ سٕنٛدِ گامہٕ تاریگام پؠٹھٕ آمُت۔ أمؠ سُنٛد مول چھُ مرحوٗم غلام رسول بلکہ۔ [7]کٔشیٖرِ مَنٛز سیٲسی ہنگامہٕ کِنہِ ہٮ۪وٚک نہٕ سُہ بی اے فاینل ایئر اِمتحانَس مَنٛز شٲمِل گژھِتھ۔[8] تٔمؠ مٲر 1975 تھس مَنٛز بچہٕ زیٚنہٕ وِزِ پنٕنؠ خانٛدارِنہِ، یَتھ دوران سُہ اَکھ سیٲسی قٲدی اوس۔[9]

سیٲسی زندگی[اؠڈِٹ]

یوسف تاریگامی آو چاولگام کِس عبدالکبیر وانی سٕنٛدِس اثرس مَنٛز کمیونسٹ پٲٹھؠ تشکیل دِنہٕ۔ 1967 تھس مَنٛز، ییٚلہِ سُہ 18 وُہُر اوس، تاریگامی تہٕ أمؠ سٕنٛدؠ دوست غلام نبی ملک، یُس وۄنؠ سی پی آئی (ایم) ہُک جوٚم تہٕ کٔشیٖر سکریٹری چھُ، کوٚر اننت ناگ ڈگری کالجَس مَنٛز انٹیک صلاحیت بڑاونٕچ منٛگہِ خٲطرٕ احتجاجُک اہتمام ۔[10] یِم دۄشوٕے ٲسہِ تَمہِ وِزِ أکِس مقٲمی کمیونسٹ گروپُک حِصہٕ یَتھ ریوولیوشنری سٹوڈنٹس اینڈ یوتھ فیڈریشن ونان چھِ۔[11] تِمو کٔر ڈپٹی کمشنر سٕنٛدِس دفترَس مَنٛز 36 گٲنٛٹَن بھوک ہڑتال تہٕ حُکامن آیہِ کالجٕچ کُل انٹیک بڑاونہٕ خٲطرٕ مجبوٗر کرنہٕ۔[12] کامیاب مُہِم پتہٕ کٔر تاریگامی ین کٔمیٖن دارن ہِنٛدِس رہنُما عبدالقادر سٕنٛدِس قیادتس مَنٛز جوٚم تہٕ کٔشیٖرس مَنٛز مُختٔلِف کٔمیٖن تحریٖکن مَنٛز حصہٕ، مگر ییٚلہِ تِم ڈیموکریٹک کانفرنسس مَنٛز شٲمِل گٔیہِ، یۄسہٕ 1967 مَنٛز سی پی آی (ایم) ہُنٛد حِصہٕ ٲس، تِہنٛزِ سیٲسی سرگرمیَن کٔر زِیٛادٕ ٹھوس شکل حٲصِل۔[13] تاریگامی گوٚو کمیونسٹ رہنُما رام پیارے صرافس نزدیٖک تہٕ کٔرٕن أمؠ سٕنٛدِ مطالعہٕ کِس طورس پیٚٹھ کٲم۔ ییٚلہِ صراف سی پی آئی (ایم) نِش الگ گوٚو نکسل تحریٖکَس حمایت کرنہٕ خٲطرٕ تہٕ کٔرٕن سی پی آئی (مارکسسٹ-لیننسٹ) مَنٛز شٲمِل، تِتھے پٲٹھؠ گوٚو تاریگامی تہِ۔[14]

1967 تھس مَنٛز آو سُہ زبردستی توٚمُل خٔریٖدٲری خٕلاف زٔمیٖن دارن ہُنٛد مقصد تُلنہٕ خٲطرٕ قٲد کرنہٕ۔ 1975 کِس اندرا شیخ سمجھوتہٕ پتہٕ، یَتھ تحت جوٚم تہٕ کٔشیٖر یونین آف انڈیاہُک اَکھ جزوی یونٹ بناونہٕ آو، تاریگامی ین کوٚر حق خودارادیتُک مطالبہٕ، تہٕ تٔمؠ سٕنٛزِ سرگرمیہِ سٟتؠ گوٚو سُہ جیلَس مَنٛز۔ ییٚلہِ سُہ جیلَس مَنٛز اوس، أمؠ سٕنٛز خانٛدارِنؠ موٗد۔ حکوٗمتَن کوٚر سُہ أکِس رٮ۪تَس پیرولَس پؠٹھ یَلہٕ مگر ترٛٮ۪و دۄہَو پتہٕ کوٚرُن سُہ دُوبارٕ گِرِفتار۔[15]

1979 [16] ییٚلہ پاکستانٕکؠ سابق وزیر اعظم ذولفکار علی بھٹوہس پھانسی دنہٕ سٟتؠ کشمیرس مَنٛز ہنگامہٕ گوٚو، شیخ عبداللہ ین کوٚر مارکسسٹن مقابلہٕ تہٕ تاریگامی بنییہ تمن گۄڈنکیٚن لوکن مَنٛز شٲمل یمن پؠٹھ متنازعہ پبلک سیفٹی ایکٹ (پی ایس اے) تحت مقدمہٕ آو درج کرنہٕ۔ [16] واقعہ پتہٕ گٔیہ ملک تہٕ تاریگامی دۄشوے سی پی آٮٔی (ایم) یس مَنٛز دوبارٕ شٲمل تہٕ کورکھ کلگامس مَنٛز بطور مرکزی دھارٕکؠ سیاست دان پنن سفر دوبارٕ شۆروٗع۔ پننہ سیٲسی سفرس مَنٛز چھ سہ مختٔلف جیلن مَنٛز قٲد آمت کرنہٕ یَتھ کٔنہ زن سب جیل ریاسی، ریڈ 16 تہٕ پاپا II ہٕنٛدیٚن خطرناک اذیتٲتی مرکزن مَنٛز۔

2005 ہس مَنٛز کوٚر دہشت گردانہ سِریٖنَگرَس مَنٛز سخٕت حفاظتس مَنٛز تھونہٕ آمٕژ تلسی باغ کالونی مَنٛز دٲخل تہٕ کوٚرن تاریگامی تہٕ وزیر تٲلیٖم غلام نبی لون سٕنٛد گھرن پؠٹھ حملہٕ۔ لون آو مارنہٕ۔ [17] (2015 مَنٛز، غلام نبی لون سٕنٛد مرنہٕ پتہٕ دہو ؤریو پتہٕ، اوس کشمیرس مَنٛز امی ناوک بیٛاکھ اَکھ وزیر یس پیپلز ڈیموکریٹک پارٹی پی ڈی پی یس سٟتؠ تعلق اوس تھوان۔ [18] 2005 کس حملس مَنٛز، تٲریگامی سٕنٛدؠ محافظو کوٚر حملہ آورن سٟتؠ لڑٲیہ، حالانکہ أمؠ سنٛد اَکھ محافظ آو مارنہٕ۔ چھ حکومت ہند طرفہٕ زیڈ زمرٕ تحفظ حٲصل کرن وول۔

2016 [19] مَنٛز کٔر تٔمؠ سابق رکن پارلیمان، تارک حمید کراہس لوک سبھایہ ہٕنٛز رکنیت نش استیفی دنہٕ خٲطرٕ تنٛخ تہٕ ووٚن ز تٔمس گژھہٕ ہنٛدستٲنہ پارلیمنٹس مَنٛز کشمیرک مسلہٕ ووتٕنؠ۔ [19] ووٚن ز کشمیرس سۭتہ کتھ باتھ گژھ نہٕ کتھ بات کرن والین ہند ذٔریعہٕ بلکہ سینئر پارلیمنٹیرینزن ہنز کمیٹی بناوتھ پارلیمنٹ چہ شمولیتہٕ سٕتہ۔ سہ چھ کشمیرٕچ رؠوایت محنت کش طبقٕک قربانین پؠٹھ بنیمٕژ سمجھان۔ تمہ [20] ز 1865 ہکہ زالداگر شہداہن تھوٚو کاریگرن پؠٹھ استحصال تہٕ ظلمس خلاف جدوجہدٕچ بنیاد تہٕ زالداگرس مَنٛز حکمران طبقس خلاف شۆروٗع کرنہٕ آمت شولباف احتجاجن چھ محنت کش طبقٕک واریاہن تحریٖکن ہنٛد آغاز کوٚرمت یم کامیاب نٔتیٖجس پؠٹھ ووچھان چھ۔

تٔمؠ وُچھ کٔشیٖرِ مُتعلِق بی جے پی ہٕنٛز پالیسی بےروزگٲری تہٕ اِقتصٲدی جمود ہِویٚو اہم مسلو نِش لوٗکَن توجہ ہٹاونس مَنٛز کامیاب، پنٕنؠ مُہِم کٔشیٖرِ أنٛدؠ پٔکھؠ پنٕنؠ مُہِم پنٛنہِ جنگجوُ قوم پرستی برٛونٛہہ پکناونہٕ خٲطرٕ اَکھ گاڑِ پٲٹھؠ۔ سُہ چھُ آرٹیکل 370 تہٕ 35 اے یَس پؠٹھ بی جے پی ہُنٛد نقطہٕ نظر قوم کِس اتحادس خٲطرٕ اَکھ بوٚڑ نقصان سمجھان تِکیازِ امہِ سٟتؠ گژھِ رِیاسَتھ جوٚم تہٕ کٔشیٖر ہندوستانہٕ نِش الگ گژھنُک بٲعث، ییٚمہِ سٟتؠ کٲشرٮ۪ن ہُنٛد قومس سٟتؠ اتحاد ہُنٛد احساس تہِ ختم گژھہِ۔[21][22]

آرٹیکل 370 ہٹاونہٕ مَتہٕ[اؠڈِٹ]

آرٹیکل 370 ختم کرنہٕ پتہٕ فوراً آو تاریگامی 35 ہن دۄہن سرینگر مَنٛز گھرس مَنٛز نظر بنٛد کرنہٕ۔ اَگَست 2019 ہَس مَنٛز کٔر سی پی آئی (ایم) جنرل سکریٹری سیتارام یچوری یَن محمد یوسف تاریگامی ژھانٛڑنہٕ خٲطرٕ سپریم کورٹَس مَنٛز ہیبیاس کارپس عرضی دٲخل، ییٚمِس جوٚم تہٕ کٔشیٖرَس مَنٛز نشانہٕ بناونہٕ آمُت اوس۔ سیتارام یچوری یَس دِیُت عدالتَن جوٚم تہٕ کٔشیٖرُک دورٕ کرنُک اِجازت صرف پننِس پارٹی سٲتھیَس سٟتؠ مِلنہٕ خٲطرٕ۔ یوسف تاریگامی آو سرینگر مَنٛز حراستَس مَنٛز تھاونہٕ تِکیٛازِ جوٚم تہٕ کٔشیٖرُک پنُن خاص درجہٕ روٗدمُت، تہٕ سُہ آو 5 سَتَمبَر 2019 ہَس مَنٛز سپریم کورٹ کِس حُکمَس پتہٕ طبی دیکھ بھال باپتھ نَیہِ دِلہِ کِس آل انڈیا انسٹی ٹیوٹ آف میڈیکل سائنسز منتقل کرنہٕ۔

تاریگامی اوس ریاستُک گۄڈنیُک سیٲسی رہنما ییٚمؠ آرٹیکل 370 ختم کرنہٕ پتہٕ پریس کانفرنسس مَنٛز خطاب کوٚر۔ تٔمؠ کٔر مودی حکومتس جوٚم تہٕ کٔشیٖرُک سٲبقہٕ وزیر اعلیٰ فاروق عبداللہ پبلک سیفٹی ایکٹس تحت حراستَس مَنٛز نِنہٕ خٲطرٕ تَنقیٖد۔ تٔمؠ ووٚن، "أسؠ، عبداللہ تہٕ باقٕے چھِنہٕ دہشت گرد,... أسؠ تہِ چھِ زِنٛدٕ روزُن یژھان، اَکھ کٲشِرؠ، چھُ یہِ ونان،".. یہِ چھِ میٲنؠ اپیل، مہربٲنی کٔرِتھ بوزِو اسہِ تہِ۔ اوسط کٲشِرؠ چھُنہٕ آسمانہٕ منٛگان، أسؠ چھِ صرف تۄہہِ سٟتؠ مارٕچ کرنُک موقعہٕ منٛگان۔

تاریگامی یَن کوٚر سپریم کورٹَس مَنٛز مرکزی وزارت داخلہ کِس أکِس حُکمَس چیلنج یَتھ مَنٛز سٲرِسٕے مُلکہٕ پؠٹھ لوٗکَن جوٚم تہٕ کٔشیٖر کِس علاقَس مَنٛز زٔمیٖن ہینُک اِجازت دِیُتمُت، یَتھ مَنٛز زرعی زٔمیٖن تہِ شٲمِل چھِ۔ آرٹیکل 370 ختم کرنہٕ پتہٕ ووٚن تٔمؠ ووٚن، "کٲشِرؠ چھِ بے عزتی کرنہٕ آمٕتؠ، دھوکہ دِنہٕ آمٕتؠ محسوٗس کران۔" تٔمؠ کٔر حکوٗمتٕک اَتھ داواہٕچ تردید زِ کٔشیٖرِ مَنٛز چھِ معموٗل، تہٕ کوٚرُن اِشارٕ زِ مودی حکومتن بنوو کشمیر قبرستانَس مَنٛز۔[23][24]

24 اکتوبر 2020 آو سُہ پیپلز الائنس فار گپکر ڈیکلیریشن (پی اے جی ڈی) ہُک کنوینر مُنتخب کرنہٕ۔ سَتن جمٲژن ہِنٛدِ پی اے جی ڈی یَن کٔر 276 سیٹو منٛزٕ 110 سیٹہٕ زینِتھ گۄڈٕنِکِس ڈِسٹرکٹ ڈیولپمنٹ کونسل (ڈی ڈی سی) اِنتِخابس مَنٛز کامیٲبی حٲصِل، تہٕ تاریگامی ووٚن زِ نٔتیٖجہٕ چھِ اَمہِ کَتھِ ہُنٛد واضح اِشارٕ زِ جوٚم تہٕ کٔشیٖرٕکہِ لوٗکھ چھِ "پنٕنؠ حقوٗق بحالی" یژھان۔ تٔمؠ ووٚن زِ پی اے جی ڈی خٲطرٕ چھُ جوٚم تہٕ کٔشیٖر کٮ۪ن لوٗکَن ہُنٛد وقار ساروِی کھۄتہٕ زِیٛادٕ اہمیت تھاوان۔[25][26]

انتخابی سیاست[اؠڈِٹ]

تاریگامی روٗد کُلگام حلقہٕ پؠٹھ اِنتِخابی انتخاباتن مَنٛز بار بار کامیاب۔ سُہ بنیو 1996، 2002، 2008 تہٕ 2014 کٮ۪ن اسمبلی اِنتِخاباتن مَنٛز کُلگام (ودھان سبھا حلقہٕ) پؠٹھ قونوٗن ساز اسمبلی ہُنٛد رُکُن۔ 1996 کِس اسمبلی اِنتِخابس مَنٛز اوس أمہِ سُنٛد زیننُک فرق 51.56 فیٖصد۔[27] تٔمؠ تھوٚو 2002، 2008 تہٕ 2014 ہَس مَنٛز ترتیٖب وار 30.27، 0.47 تہٕ 0.63 فیصد زیننہٕ کِس مارجن سٟتؠ حلقہٕ برقرار۔[28][29] یِمن وقتن دوران اوس سُہ جوٚم تہٕ کٔشیٖر قونوٗن ساز اسمبلی ہُنٛد وٲحِد منتخب کمیونسٹ سیاست دان تہِ۔

حَوالہٕ[اؠڈِٹ]

  1. ↑ Ali، Jehangir. "After Months of Turmoil and Dormancy, PAGD Puts up United Face in J&K". The Wire.
  2. ↑ Iqbal، Aadil Ikram Zaki (2014-12-23). "Jammu and Kashmir Assembly Election Results 2014: Complete list of winning candidates". India News, Breaking News | India.com ( اَنگیٖزۍ زَبانہِ مَنٛز). Retrieved 2021-05-21.
  3. ↑ "Detailed Results, 2008 Assembly Election" (PDF). Chief Electoral Officer, UT of Jammu, Kashmir & Ladakh.
  4. ↑ "2002 Assembly Constituency-wise Results at a Glance" (PDF). Chief Electoral Officer, UT of Jammu, Kashmir & Ladakh.
  5. ↑ "Jammu & Kashmir Assembly Election Results in 1996". www.elections.in. Retrieved 2021-05-21.
  6. ↑ "This 71-yr-old leader is reason no one's surprised by Left's good show in Kashmir DDC polls". 24 December 2020.
  7. ↑ "Mohamad Yousuf Tarigami(Communist Party of India (Marxist)(CPI(M))):Constituency- KULGAM(KULGAM) - Affidavit Information of Candidate". myneta.info. Retrieved 2021-05-21.
  8. ↑ "Mohamad Yousuf Tarigami(Communist Party of India (Marxist)(CPI(M))):Constituency- KULGAM(KULGAM) - Affidavit Information of Candidate". myneta.info. Retrieved 2021-05-21.
  9. ↑ "This 71-yr-old leader is reason no one's surprised by Left's good show in Kashmir DDC polls". 24 December 2020.
  10. ↑ "This 71-yr-old leader is reason no one's surprised by Left's good show in Kashmir DDC polls". 24 December 2020.
  11. ↑ "This 71-yr-old leader is reason no one's surprised by Left's good show in Kashmir DDC polls". 24 December 2020.
  12. ↑ "This 71-yr-old leader is reason no one's surprised by Left's good show in Kashmir DDC polls". 24 December 2020.
  13. ↑ "This 71-yr-old leader is reason no one's surprised by Left's good show in Kashmir DDC polls". 24 December 2020.
  14. ↑ "This 71-yr-old leader is reason no one's surprised by Left's good show in Kashmir DDC polls". 24 December 2020.
  15. ↑ "Yusuf Tarigami - Kashmir's Communist". NewsClick ( اَنگیٖزۍ زَبانہِ مَنٛز). 2019-09-16. Retrieved 2021-05-21.
  16. ↑ 16٫0 16٫1 "This 71-yr-old leader is reason no one's surprised by Left's good show in Kashmir DDC polls". 24 December 2020.
  17. ↑ Prasad, Vijay (16 Sep 2019). "Yusuf Tarigami - Kashmir's Communist". Newsclick. https://www.newsclick.in/yusuf-tarigami-kashmir-communist-CPIM. Retrieved 16 Sep 2019. 
  18. ↑ "Journalist beating: Agriculture Minister Ghulam Nabi Lone willing for apology after uproar". 23 June 2015.
  19. ↑ 19٫0 19٫1 "Tariq Hameed Karra should have raised Kashmir issue in Parliament: CPI(M) leader Mohammad Yousuf Tarigami". The Indian Express ( اَنگیٖزۍ زَبانہِ مَنٛز). 2016-09-28. Retrieved 2021-05-21.
  20. ↑ "Tradition of Kashmir has always been sacrifices of working class: Tarigami". Greater Kashmir ( اَنگیٖزۍ زَبانہِ مَنٛز). 2021-05-01. Retrieved 2021-05-21.
  21. ↑ Bhakto، Anando. "Operation Kashmir". Frontline ( اَنگیٖزۍ زَبانہِ مَنٛز). Retrieved 2021-05-21.
  22. ↑ Bhakto، Anando. "Operation Kashmir". Frontline ( اَنگیٖزۍ زَبانہِ مَنٛز). Retrieved 2021-05-21.
  23. ↑ Mohan, Archis (2019-10-26). "Kashmiris have been humiliated, feel betrayed: Mohammed Yousuf Tarigami". Business Standard India. https://www.business-standard.com/article/politics/kashmiris-have-been-humiliated-feel-betrayed-mohammed-yousuf-tarigami-119102600743_1.html. 
  24. ↑ Scroll Staff. "Kashmir has been turned into a graveyard, says CPI(M) leader released from detention". Scroll.in ( اَنگیٖزۍ زَبانہِ مَنٛز). Retrieved 2021-05-21.
  25. ↑ Rashid, Hakeem Irfan. "Way forward in J&K is up to centre: CPM leader Mohammad Yousuf Tarigami". The Economic Times. https://economictimes.indiatimes.com/news/politics-and-nation/way-forward-in-jk-is-up-to-centre-tarigami/articleshow/77710525.cms. 
  26. ↑ BHAKTO، ANANDO. "Mohammad Yousuf Tarigami: Threads of resistance are available". Frontline ( اَنگیٖزۍ زَبانہِ مَنٛز). Retrieved 2021-05-21.
  27. ↑ "Jammu & Kashmir Assembly Election Results in 1996". www.elections.in. Retrieved 2021-05-21.
  28. ↑ "Detailed Results, 2008 Assembly Election" (PDF). Chief Electoral Officer, UT of Jammu, Kashmir & Ladakh.
  29. ↑ "2002 Assembly Constituency-wise Results at a Glance" (PDF). Chief Electoral Officer, UT of Jammu, Kashmir & Ladakh.
https://ks.wikipedia.org/w/index.php?title=محمد_یوسف_تاریگامی&oldid=85432 پؠٹھٕ اِستِمال کۄٚرمُت