محمد حامد انصاری
مُحمَد حامِد انصاری (1 اَپریل 1937 ہس مَنٛز پیدٲیش) چھُ اَکھ ہندوستٲنہ سیاست دان تہٕ انڈین فارن سروس (IFS) افسر یس 2007 پیٹھہٕ 2017 ہَس تام ہندوستانک 12 ہم نٲیِب صَدٕر اوس۔
1961 مَنٛز گٔیہ انصاری آیی ایف ایس مَنٛز شٲمِل۔ 38 ؤری ین پؠٹھ محیط سفارتی پیشورانہٕ زندگی مَنٛز کٔر أمہ آسٹریلیا ، افغانستان ، ایران تہٕ سعودی عربس مَنٛز بطور ہندوستٲنہ سفیر کٲم۔ تٔمہ کٕر 1993 تہٕ 1995 ہس دَرمیان اقوام متحدہس مَنٛز ہندوستانٕکہ مستقل رٗکٗن تہ کٲم۔ سُہ آو 2000 پٮ۪ٹھٕ 2002 تام علی گڑھ مسلم ینیورسٹی ہنٛد وائس چانسلر مُقرَر کرنہٕ۔[1] پتہٕ رود سہ 2006 پٮ۪ٹھٕ 2007 تام نیشنل کمیشن[1] فار مائنوریٹیزٗک چیئرمین۔
سہ آو 10 اَگَست 2007 ہندوستانٗک نائب صدر منتخب کرنہٕ تہٕ کوٚرن 11 اَگَست 2007 دوہ دفتر۔ سہ آو 7 اَگَست 2012 دوہ دوبارٕ منتخب کرنہٕ تہٕ تٔمس دیوٗت ہندوستان کس صدر پرنب مکھرجی سٕنٛد طرفہٕ حلف۔ حلف برداریٕچ تقریب آیہ 11 اَگَست 2012 راشٹرپتی بھونس مَنٛز منعقد کرنہٕ۔[2] أمہ سٕنٛز دویم میعاد گیہ اَگَست 2017 ہس مَنٛز ختم تہ کیاز تٔمس آیہ نہٕ بیٚیہ میعادٕچ پیشکش کرنہٕ۔ أمہ کوٚر 2017 کس نائب صدارتی انتخابس مَنٛز ترٛیٚیم میعاد خٲطرٕ انتخاب نہ لڑنک فٲصلہٕ۔ تمہ سند دور چھ ہندوستان کس تٲریخس مَنٛز سارِوٕے کھوتہٕ زیٛادٕ عرصس تام نائب صدر سند دورک ایس رادھا کرشنن ستہ برابر۔
ذٲتی زندگی[اؠڈِٹ]
انصاری زاو 1 اپریل 1937 کلکتہ بنگال پریذیڈنسی برطانوی ہندوستانس (موجودٕ کولکتہ رِیاسَتھ مغربی بنگالس مَنٛز) ہندوستانس مَنٛز محمد عبد العزیز انصاری تہٕ آسیہ بیگمہ نِش۔ حالانٛکہ أمہ سنٛد آبٲئی گر چھُ رِیاسَتھ اتر پردیش کِس غازی پور شہرس مَنٛز ، أمہ گزٲر پنٛنہ ابتدایہ ہنٛد ؤری کولکتہ مَنٛز۔ سہ چھ انڈین نیشنل کانگریسک سابقہ صَدٕر تہٕ آزٲدی پسند جنگجو مختار احمد انصاری سنٛد نیچو۔[3] سہ چھ اتر پردیشٕک 3 سیاست دانن یعنی افضل انصاری باباگٹھ اللہ انصاری تہٕ مافیا پیٹھہٕ سیاست دان بنےمتس مختار انصاری سند دویم کزن تہ۔[4]
- ↑ 1٫0 1٫1 "Ansari almost missed V-C post in AMU". Hindustan Times. Archived from the original on 12 May 2012. Retrieved 8 May 2012.
- ↑ Business Standard (11 August 2012). "Hamid Ansari sworn-in as Vice President for second term.". Business Standard. http://www.business-standard.com/generalnews/news/hamid-ansari-sworn-in-as-vice-president-for-second-term/42903/. Retrieved 20 August 2012.
- ↑ "Who is Mohammed Hamid Ansari?". NDTV. 7 August 2012. Retrieved 4 January 2018.
- ↑ "3 brothers, 5 seats, jail: no getting away from the Ansaris of Poorvanchal". The Indian Express. 12 May 2014. Retrieved 4 January 2018.