غۄلام نبی آزاد

غۄلام نبی آزاد
پٲدٲیِش	(1949-03-07) مارٕچ 7, 1949 ڈوڈہ ضِلہٕ، ہِندوستان
پیٚشہِ	سِیاسَتھ دان، سَمٲجی کارکُن
تٲلیٖم	یونِورسِٹی آف کَشمیٖر
سِیٲسی جَمأژ رُکُن	ہِندوستٲنؠ قومی کانٛگرٛیس
اِنتِخاب وۄمیدوار	2014 Indian general election in Udhampur Lok Sabha constituency
مَزہَب	اِسلام
وِکی ڈیٹا پؠٹھ کٔرِو اؠڈِٹ

غۄلام نبی آزاد یا غُلام نبی آزاد (پیدٲیش 7 مارٕچ 1949) چھ اَکھ ہِندوستٲنؠ سیاست دان ییٚمہ 2014 تہٕ 2021 ہس درمیان راجیہ سبھا مَنٛز بطور قائد حزب اختلاف کٲم کٔر۔ تٔمہ کٕر 2005 پؠٹھٕ 2008 تام سابقہ رِیاسَتھ جموں و کشمیر وزیر اعلٰی تہٕ کٲم۔ 26 سَتَمبَر 2022 کوٚر آزادن پنٕنؠ سیٲسی پارٹی ڈیموکریٹک پروگریسو آزاد پارٹی ہُنٛد اعلان۔ سہ چھ ڈیموکریٹک پروگریسو آزاد پارٹی ہنٛد اہم سرپرست تہٕ بانی۔

آزادن کٔر بطور وزیٖرِ صحت تہٕ خاندانٕچ فلاح و بؠہبوٗدچ خدمت انجام۔ تٔمہ چھ منموہن سِنٛگھ حکومتس مَنٛز بطور وزیٖرِ پارلیمانی امور 27 اکتوبر 2005 ہس تام کٲم کٔرمٕژ، ییٚلہ سہ جموں و کشمیرک وزیر اعلی مقرر گوٚو۔ 26 اَگَست 2022 دیت آزادن انڈین نیشنل کانگریس پؠٹھ استیفا تہٕ قومی سطحس پؠٹھ بنٲوٕن اَکھ نوٚو پارٹی بناونس پؠٹھ غور۔

أمہ کٕر 2002 کس اسمبلی انتخابس مَنٛز جموں و کشمیرس مَنٛز کامیٲبی سان پارٹی ہنٛز قیادت تٕہ۔ تٔمس آو 2022 ہس مَنٛز ہندوستٲنہ حوٚکوٗمَتھ کہ طرفہٕ عوٲمی مٗتعلقہٕ شعبن مَنٛز ہِندوستانُک ترٛیٚیم سارِوٕے کھۄتہٕ بوٚڑ شہری اعزاز پدم بھوشن دِنہٕ۔

اِبتدٲے زِندگی

غۄلام نبی آزاد اوس گوٚڈنکہ رِیاسَتھ جموں و کشمیر کس ڈوڈا ضلع کس گانڈوہ تحصیل (بھلیسا) کس سوتی ناو کس گامس مَنٛز زیٖنمٗت۔ أمہ سٕنٛدؠ مول موج ٲسؠ رحمت اللہ بٹ تہٕ باسا بیگم۔ تٔمؠ کٔر پنٛنس گامہٕ کس مُقٲمی سکوٗلس مَنٛز شرکت۔ پتہٕ گوٚو اعلٰی تٲلیٖم خٲطرٕ جۆم تہٕ کٔرٕن جی جی ایم سائنس کالج پؠٹھ بیچلر آف سائنسٕچ ڈگری حٲصل۔ اَمہِ علاوٕ کٔر أمہ 1972 تھس مَنٛز کشمیر یونیورسٹی سری نگر پؠٹھٕ زولوجی مَنٛز ماسٹرز ڈگری تہٕ حٲصل۔

سیٲسی پیشورانہٕ زِندگی

غۄلام نبی آزادن نیو دلہ منٛز 25 مئی 2004 مرکزی وزیر شہری ترقی ہنٛد ذمہٕ وار۔

رام ناتھ کووند صدر ہند، چھ 1 اگست 2018 دوہ پارلیمنٹ ہاوس، نیہ دلہ منز اکس تقریبس منز شری غلام نبی آزادس 2015 ہک شاندار پارلیمنٹیرین ایوارڈ پیش کران۔

ذٲتی زِندگی

آزادن کوٚر 1980 مَنٛز اَکھ مشہوٗر کشمیری گلوکارہ شمیما دیو آزاد سٟتؠ خانٛدر، تہٕ یمن چھ اَکھ نیٚچوٗ صدام نبی آزاد تہٕ اَکھ کوٗر صوفیہ نبی آزاد۔

یَنام

• مارٕچ 2022 ہس مَنٛز میول غلام نبی آزادس صدر رام ناتھ کووند سٕنٛد طرفہٕ پدم بھوشن
• آؤٹ سٹینڈنگ پارلیمنٹیرین ایوارڈ 2015، پارلیمنٹ ہاؤس، نئی دہلی 1 اَگَست 2018

مزیٖد پرُن

• سلپری سلوپ، انڈیا ٹوڈے، 14 نَوَمبَر 2005۔
• غلام نبی آزاد انڈیا ٹوڈے، 21 مئی 2009۔