عیٖداُلاضحٰی

عیٖداُلاضحٰی
حِصہٕ	عیٖد
یَتھ پؠٹھ مَبنی	Binding of Isaac
پرَٛتھ ؤریہِ	10 Dhu al-Hijjah
وِکی ڈیٹا پؠٹھ کٔرِو اؠڈِٹ

عیٖد الاضحٰی (عَربی: عيد الأضحى) یا عیٖد قۄربٲنی یا قربٲنی ہنٛد تہوار چھُ اسلامَس مَنٛز مناون وول دوٚیٛم تہٕ سارِوٕے کھوتہٕ بوٚڈ دۄہ۔ یہِ دۄہ چھُ ابراہیم عليه السلام سٕنٛز رضامندی ہنٛد احترام کران زِ تِمو کَریاو پَنُن نیچو خدا سٕنٛدِ فرمابردٲری خٲطرٕ قۄربان ۔ ابراہیم عليه السلام سُنٛد خدا سٕنٛدِس ناوس پؠٹھ پنُن نیچو قربان کرنہٕ برٛونٛہہ تہٕ تَس سٕنٛز یَژھ ہنٛد وجہ سٟتؠ کوٚر خدایَن تیم سٕنٛد نیچو سٕنٛزِ جایہِ قربان کرنہٕ خٲطرٕ اَکھ جانور فَراہم ۔ یہِ یاد تھاونہٕ خٲطرٕ چھُ جانور رَسمہٕ مُطٲبِق قربان یوان کرنہٕ م۔ تمہِ مازُک اَکھ حِصہٕ چھ خاندان کھؠوان یس جانور قۄربان چھُ کران ییٚلہِ زن باقٕے مازُک حِصہٕ چھُ غریبَن تہٕ ضرورتمندن مَنٛز تقسیٖم یوان کرنہٕ۔ مِٹھٲے تہٕ تحفہٕ چھ یوان دنہٕ تہٕ خاندانٕک باقٕے افراد چھِ یوان تہٕ یِمَن چھُ استقبال یوان کرنہٕ ۔ اَتھ دۄہَس چھُ کنہ ساتہٕ عٔظیٖم عید یا بٔڈ عیٖد تہِ وَنہٕ یوان ۔ تاہم عیدک جشن کرنُک ذکر چھُنہٕ قرآن شٔریٖفَس مَنٛز کرنہٕ آمت۔

اسلامی قمری کیلنڈرس مَنٛز چعید الاضحی د الحجاہ کِس دہمس دۄہس پؠٹھ یوان تہٕ چھِ ژورن دۄہَن جٲری روزان ۔ بین الاقوٲمی (گریگورین )کیلنڈرس مَنٛز چھِ یہِتٲریخ پرَٛتھ ساتہٕ مُختَلِف آسان - پرؠتھ ؤریہِ چھ تَقریٖبن 11 دۄہ برٛونٛہہ کن گژھان ۔

ابتدا

ابراہیم عليه السلام سٕنٛزِ زندگی ہنٛز اہم آزمٲیشو مَنٛز ٲس اَکھ خدا سُنٛد حُکم قبوٗل کرُن تہٕ تہنٛز اطاعت کٔرِتھ پَنُن محبوب نیٚچو قۄربان کرُن۔ بیان مُطٲبِق اوس ابراہیم عليه السلام خوابَس یِوان زِ تِم چھِ پننِس نیٚچوس اسماعیلس قۄبان کران۔ ابراہیم عليه السلام ٲس خَبَر زِ یہِ چھ ُخدا سنٛد حُکم تہٕ تمو وون پننِس نیٚچوس یَتھ کَنہِ ز قرآنس مَنٛز چھ وننہٕ آمت ۔

"بہٕ چھُس خوابَس مَنٛز وُچھان زِ بہٕ چھُسَتھ ژٕ ذبح کران"، تٔمؠ ووٚن ابا جان،"یِکینژھاہ تۄہیہِ حُکُم چھُو دِنہٕ یِوان سُہ کٔرِو پوٗرٕ، توٚہؠ لٔبو مےٚ ان شاء اللہ صٲبرو منٛزٕ'"

— سوٗرَے الصافات 37:102

ابراہیم عليه السلام کٔر خدا سٕنز مرضی مُطٲبِق گژھنس تہٕ خدایس پؠٹھ ایمان تھٲوِتھ پَنُن نیچو قۄربان کرنہٕ خٲطرٕ تیار ۔ ایبلیسن کٔر تیاری دوران کوٗشش ابراہیم عليه السلام تہٕ تہندِس خاندانس خدا سُندس حکمس پؠٹھ عمل کرنہٕ نِش رُکاونٕچ مگر ابراہیم عليه السلام کوٚر شیطان دوٗر۔ یہندِس انکار کِس یادس مَنٛز چھ حج رسومن دوران علامتی ستونن پؠٹھ کَنہِ چَلاونہٕ یوان یِم تَتھ جایہِ ہنٛز علامت چھِ یَتھ جایہِ ابلیسن ابراہیم عليه السلام رُکاونٕچ کوٗشش کر ۔

یہِ تسلیٖم کران ز ابراہیم عليه السلام اوس پَنُن قریٖبی تہٕ محبوٗب چیز قربان کرنہٕ خٲطرٕ تیار، خداین کوٚر ابراہیم تہٕ اسماعیل دۄشوٕنی ہنٛد احترام ۔ فرشتہ جبرایل چھِ ابراہیم عص ونان زِ تۄہہِ چھِ آزمٲیِش پورٕ کرنہٕ کٔرمٕژ تہٕ اَکھ جانور آو جَنت پؠٹھ اَنہٕ تہٕ ابراہیم پیش کَرنہٕ یُس اسمایل سٕنٛدِ بدلہٕ آو قۄربان کرنہٕ۔ پورٕ دنیاہس مَنٛز چھِ مُسلمان ابراہیم سٕنٛز عقیدت تہٕ اسماعیل سنٛز بقا یاد خاطرٕ عید الاضحی مناوان ۔

عیٖداُلاضحٰی پؠٹھ قۄربٲن کَرُن

عیدالاضحی ہنٛدس رؠواجس مَنٛز چھ اَکھ جانور قۄربان کرن تہٕ اَمیِک ماز چھُ ترٛیٚن بَرابَر حصن مَنٛز تقسیٖم کرُن۔ یِم حِصہٕ چھِ شٲمِل خاندانہٕ خٲطرٕ رشتہ دار تہٕ دوستن خٲطرٕ تہٕ غریب لوٗکن خٲطرٕ ۔ امیک مقصد چھ یہِ یقیٖنی بناون ز پرَٛتھ مُسلمان کَرِ عید بہتر پٲٹھؠ۔

عیٖد نؠماز

مسجد بدشہی منٛز عیٖد نؠماز

عقیدت مند چھِ مسجد مَنٛز عیٖد الاضحی ہنٛز نماز ادا کران ۔ عید الاضحی ہنٛز نؠماز چھِ آفتاب مکمل طلوع گژھنہٕ پتہٕ کنہ تہِ وقتہٕ دہر وقتہٕ برٛونٛہہ ادا کَرنہٕ یوان ۔ قدرتی آفاتن مَنٛز ہیٚکہ نؠماز 11 مہ دھو الحجاہ تہٕ پتہٕ 12 مہ دھو الحجاہ ادا کرنہٕ یِتھ۔

عید ہنٛز نؠماز گَژھِ جَماتھ مَنٛز ادا کَرنہٕ یِنؠ۔ عید گاہس مَنٛز چھِ زنانَن ہٕنٛز شرکت مُختَلِف بَرادریو مُطٲبِق مُختَلِف آسان ۔ اَتھ مَنٛز چھ زٕ رکات یَتھ مَنٛز گۄڈٕنکِس رکاہس مَنٛز سَتھ تکبیٖر تہٕ دوٚیٛمس رکاہس مَنٛز پٲنٛژھ تکبیر چھِ ۔ اَمہِ نؠماز پتہٕ چھُ امام سٕنٛد طرفہٕ خۄطبہ یا واعظ پَرنہٕ یوان ۔

نؠماز تہٕ خۄطبہ پَتہٕ مُسلمان اَکھ أکِس سٟتؠ نالہٕ موت کَران تہٕ عیٖد مُبارَک کران، تحفہٕ دِوان تہٕ أکِس بیکِس سٟتؠ کَتھ باتھ کَران۔ واریاہ مُسلمان چھِ اَتھ موقعس پؠٹھ پننین دوستن ، ہمساین ، سٲتھین تہٕ کارکُنَن عید تہوارن مَنٛز دعوت دِوان تاکہِ تِم گژھَن اِسلام تہٕ مسلم ثقافتس سٟتؠ بَہتَر پٲٹھؠ وٲقِف ۔