عُثمانیہ سلطنَت

سلطنت عثمانیہ، تٲریخی تہٕ بول چال کس طورس پؠٹھ ترک سلطنت کہِ ناوٕ سٟتؠ زاننہٕ یوان اوس اَکھ سامراجی دائرٕہ یُس اناطولیہ مَنٛز مرکوز اوس یم 14مہِ پیٹھہٕ 20 مہِ صدی کہِ شروعاتس تام جۆنوٗب مشرقی یورپ، مغربی ایشیا تہٕ شمٲلی افریقہ کہِ زیادٕہ تر حصس پؠٹھ حُکُومَت کٔر۔ امہِ علاوٕ کوٛر 16 مہٕ صدی کس شروعاتس تہٕ 18 مہٕ صدی کس شروعاتس درمیان جۆنوٗب مشرقی وسطی یورپک کنہہ حصن پؠٹھ تہٕ حُکُومَت۔

سلطنت اُبرے أکِس بیلک یا پراصالتِ پؠٹھ، یٔمٕچ بنیاد شمال مغربی اناطولیہ ہَس مَنٛز 1299 مَنٛز تُرکومان قبٲئلٕکی رہنما عثمان اولن ٲس تھٲومٕژ۔ تٔمؠ سٕنٛدٮ۪و جانشینو کٔر اناطولیہ ہُنٛد زیٛادٕ تر حصہٕ فتح تہٕ 14مہِ صٔدی ہٕنٛدس وسطس تام پھٔہلِتھ بلقانس مَنٛز، تہٕ کٔرٕن پنٕنؠ لۄکٕٹ سلطنت أکس بین البراعظمی سلطنتس مَنٛز تبدیل۔ عثمانیو کوٚر 1453ہس مَنٛز مَحمَد دوم سٕندِ ذریعہِ قسطنطنیہ(یس از استانبُل ونان چھِ) کہِ فتح سٟتؠ بایزَنطینی سلطنت ختم، یم عثمانین ہند ایکِس بڑِس علاقائی طاقت کِس طورس پؠٹھ ظہورٕچ نشاندٕہی کٔر۔ سلیمان قانونی (1520–1566) کہِ تحت وٲژ سلطنت پننہِ طاقت، خوشحالی تہٕ سیٲسی ترقی کِس عروجس پؠٹھ۔ ۔17 مہٕ صدی کس آغازس تام، عثمانیو کٔر 32 صوبن تہٕ متعدد جاگیردارن ہنٛز صدارت ، یم وقتس سٟتؠ سٟتؠ یا تہٕ سلطنتس مَنٛز جذب آیہٕ کرنہٕ یا مختلف درجن ہنٛز خودمختاری دنہٕ۔قسطنطنیہ (جدید دورُک استنابل) مَنٛز پننہٕ دارالحکومت تہٕ بحیرہ رومک طاس(انگریزی پٲٹھی Mediterranean) کس اکس اہم حصس پؠٹھ قبضَس سٟتؠ، سلطنت عثمانیہ ٲس اربس تہٕ یورپس درمیان شین صدین تام تعٲملک مرکز۔

ییلہِ زَن کہِ یہٕ خیال اوس یوان کرنہٕ زِ سلطنت عثمانیہ ٲس سلیمان دی میگنیفیسنٹ کہِ مرنہٕ پتہٕ زوال کِس دورس مَنٛز دٲخل گمٕژ، جدید تعلیمی اتفاق رائے چھُ یہٕ ظٲہر کران زِ سلطنت رود 18مہِ صدی کہِ زیادٕہ تر حصس مضبوط معیشت، معاشرٕ تہٕ فوج برقرار تھاوان۔ تاہم، 1740 پیٹھہٕ 1768 تام امُن کس اکس طویل عرصس دوران، عثمانی فوجی نظام گو پننیٚن اہم یورپی حریفن، ہیبسبرگ تہٕ روسی سلطنتن پتھ۔، نتیجتاً گوو عثمانین 18مہِ صدی کِس ٲخرس تہٕ 19مہِ صدی کِس شروعاتس مَنٛز شدید فوجی شکستہٕ ، یمہِ کہِ نتیجس مَنٛز علاقہٕ تہٕ عالمی وقار دۄشوٕنی ہند نقصان گوو۔ ایم کٕر اصلاح تہٕ جدیدیت کہِ ایکہِ جامع عملہِ ہٕنز ترغیب یَتھ تنزیمت ونان چِھہ۔ 19 مہٕ صدی دوران، سلطنت عثمانیہ بنییہٕ مزید علاقائی نقصانات برداشت کرنہٕ باوجود، اۆنٛدروٗنی طور پٲٹی واریاہ زیٛادٕ طاقتور تہٕ منظم۔ ، خاص طورس پؠٹھ بلقانس مَنٛز، یتہٕ واریاہ نٔی ریاستہٕ ابھریے۔

19 مہٕ صدی کس آخرس مَنٛز، مختلف عثمانی دانشورو کٔر یورپی خطوط سٕتی معاشرس تہٕ سیاستس مزید آزاد بناونٕچ کوشش، یٚیمِک نتیجہٕ 1908 کس ینگ ترک انقلابس(Young Turk revolution) مَنٛز کمیٹی آف یونین اینڈ پروگریس(Committee of Union and Progress )کس قیادتس مَنٛز گیہٕ، یٔمی دٔیٚیم آئینی دور قٲئم کوٚر تہٕ آئینی بادشاہتس تحت مسابقتی کثیر جماعتی انتخابات متعارف کٔری۔ تاہم، تباہ کُن بلقان جَنٛگو پتہٕ، سی یو پی بنیو تیزی سان بنیاد پرست تہٕ قوم پرست، 1913 مَنٛز کٔر بغاوت ہنٛز قیادت یٔمی اَکھ جماعتی حکومت قٲئم کٔر۔ سی یو پی یَن کوٚر جرمن سلطنتس سٕتی اتحاد سِفارتی تنہائی نِش بچنٕچ امید مَنٛز ییٚمی امکی حالیہ علاقٲیی نۄقصانَن مَنٛز اہم کردار ادا کوٚر۔ یَتھ پٲٹھی گٔی یہٕ مرکزی طاقتن ہند طرفہٕ گوڈنِچہِ جنگہِ عظیمس مَنٛز شٲمل۔ اَتھ عرصس دوران روٗز سلطنت اختلافَس، خاص طور پؠٹھ عرب بغاوتس سٕتی جدوجہد تہٕ بیٚیہ آرمینیائی، اسوری تہٕ یونانین خلاف نسل کشی کرنس مَنٛز مشغول۔

گۄڈٕنِچہِ جنگہِ عظیمہٕ پتہٕ کوٚر فاتح اتحادی طاقتو سلطنت عثمانیہ پؠٹھ قبضہٕ تہٕ کٔرٕکھہ سلطنت تقسیم، ییٚمِہ کِن جۆنوٗبی علاقہٕ برطانیہ تہٕ فرانسس نِش روٗد۔ مقبوضہ اتحادین خٕلاف مصطفی کمال اتاترک سٕنٛز قیادتس مَنٛز کامیاب ترک جَنٛگ آزادی ہنٛد بٲعث بنیو اناطولیہ کس مرکزس مَنٛز جمہوریہ ترکی ہنٛد ظہور تہٕ 1922 مَنٛز عثمانی بادشاہت ہنٛد خاتمہٕ، یمہٕ سٕتی سلطنت عثمانیہ گٔی رسمی طور پٲٹھی ختم۔