حٔقیٖقی عیسٲے کلیسا

حٔقیٖقی عیسٲے کلیسا

مولوٗماتھ
قٕسٕم	Christian denomination (en) religious organization (en)
صَنعت	religious congregations and associations (en)
تَوٲریٖخ
تَخلیٖق	1917, بیٖجنٛگ
بٲنؠ	Paul Wei (en)
سرگرمی
دٲیرٕ کار	تَمام دُنیاہس مَنٛز
اثر ترٛومُت	Pentecostal Assemblies of the World (en) ، Seventh-day Adventist Church (en) تہٕ Restorationism (en)
کارپوریٹ گورننس
صٔدرِ دفتر	بیٖجنٛگ (چیٖن)
صٔدرِ دفتر	لاس ایٚنٛجلِس (کیلیفورنیا)
یَمیُک حِصہٕ	پروٹسٹنٹ عیسٲیَتھ Pentecostalism in China (en)
وؠب سایِٹ	tjc.org

حٔقیٖقی عیسٲے کلیسا چھُہ اَکھ آزاد عیسٲے فرقہ یَتھ چیٖنہٕ کِس شَہَر، بیجنگس مَنٛز 1917تس مَنٛز دس وۆتھ ۔ از چھہ اَتھ ارتٲجہن ملکن تہٕ شى۪ن بر اعظمن مَنٛز 25 لچھ ممبر۔ یہِ کلیسا چھُہ عیسٲے مذہبکہِ پى۪نٹِکوسٹل شاخُک حصہ یُس وُہؠ مہِ صدی ہندِس ابتداہس مَنٛز نۆن دۯاو۔ 1932 پى۪ٹھٕ چھُ یہِ کلیسا ہندُستانس مَنٛز رٲیج۔ أمہ کلیساہُک مراد چھُ عیسیٰ سٕنٛدؠ دُبارٕ ظٲہر سپدنہٕ بۯونٹھ سارنٕے قومن تام انجیل واتاوٕن۔

حٔقیٖقی عیسٲے کلیساہس چھُ داہ اصوٗل تہٕ اعتقاد پؠٹھ مُشتَمِل

روٗحہِ پاک

"روٗحہِ پاک حٲصل سپدُن، زبانن ہندِ کلامچہِ گوٲہی سٟتؠ ، چھُ اسہِ جنتُک وٲرِث آسنٕچ ضمانت"۔

بپتسمہ

"آبہٕ سٟتؠ بپتسمہ چھُہ گۄنہو نِشہ پاک گژھنُک تہٕ روٗحٲنی بحٲلی خٲطرٕ اَکھ رسم۔ بپتسمہ گژھہِ قۆدرتی پکوٕنِس آبس مَنٛز دِنہٕ یُن، مثلن، دریا، سمندر، یا ناگ۔ بپتسمہ دِنہ وول، یٔمِس پانس بپتسمہ تہٕ روٗحہِ پاک حٲصل سپُدمت آسہِ، سُہ گژھِ حضرت عیسیٰ مسیٖح سُنٛد ناو ہى۪تھ بپتسمہ دیُن۔ یٔمِس بپتسمہ دِنہٕ ییہِ تس گژھہ کلہٕ نۆمرٲوِتھ تہٕ بُتھ بۆن کُن کٔرِتھ پوٗرٕ پٲٹھؠ آبس مَنٛز غۄطہ دِیُن"۔

کھۄر چھلٕنؠ

"کھۄر چھلنٕکہِ رسمہٕ سٟتؠ چھُ اِنسان حضرت عیسیٰ ہس تام وٲتِتھ ہى۪کان۔ بیٚیہِ چھُہ یہِ انسانس ہر ہمیشہ محبت، شوژر، نیٖزمی، درگذر تہٕ خدمت گزٲری یاد پاوان۔ یس أکس آبہٕ سٟتؠ بپتسمہ میٚولمُت آسہِ تس پزن عیسیٰ مسیح سٕندِ نٲوؠ پننٕنؠ کھۄر چھلناوٕنؠ ۔ ییٚلہِ تہِ منٲسب آسہِ، اَکھ أکؠ سٟنٛدؠ کھۄر چھلنٕچ عمل گژھہ کرٕنؠ "۔

آغہٕ سُنٛد کال

"آغہٕ سُنٛد کال چھُ آغہٕ عیسیٰ مسیح سند مرُن یاد پاونُک رسم۔ أمہِ سٟتؠ چھہِ أسؠ پننس آغہٕ سٕندِس مازس تہٕ خوٗنس مَنٛز شریک سپدان یُتھ پوشِوٕنؠ زندگی پۯاوو تہٕ قیامژ دۄہہٕ گژھو بـیٚیہِ زِندٕ۔ یہِ رسم گژھِ یوٗت وٕ تیوٗت پھِرؠ پھِرؠ ادا کرنہٕ یُن۔ اکٲے خمیٖرِ ورٲے ژۆٹ تہٕ دچھہ رس ییہِ اِستِمال کرنہٕ"۔

سبت دۄہ

"سبت دۄہ، ہفتُک سٔتیُم دۆہ (بٹوار)، چھُ چھُٹی دۄہ، یُس خداین بابرکت تہٕ مقدس بنومُت چھُ۔ یہِ گژھہِ آغہٕ سٕندِ رحمتہٕ کِس سایس تل خدایہ سٟنٛز وۄپتھ تہٕ نجات یاد پاونہٕ رٔنگؠ تہٕ ینہٕ واجنہِ زندگی مںز پوشٕوٕنہ رحتٕچ آش تھٲوِتھ گزارُن"۔

عیسیٰ مسیح

"عیسیٰ مسیح، لفظ یُس ماز (بشر) بنیٚوو، مود کٲٹھِس پى۪ٹھ گۄنہگارن بخچٲیِش کرناونہٕ مۄکھہٕ، تۯیٚیمہِ دۄہہٕ سپُد بیٚیہِ زندٕ تہٕ کھۆت اسمانس پى۪ٹھ۔ سُہ چھُ کُن یُس آدم زٲژ نجات دِنہٕ وول، اسمانن تہٕ زمیٖنہِ ہُنٛد پٲدٔ کرن وول، تہٕ کُن پۆز خدا چھُہ۔"

انجیل

"مقدس انجیل، یَتھ مںز شٲمل چھہ پۯون تہٕ نۆو صحیفہ، چھہ خدایہِ سُنٛد الہام، کُنؠ اسمٲنؠ کتاب، تہٕ عیسٲے زندگؠ ہُنٛد معیار"۔

نجات

"نجات چھُہ ایٖمانہٕ کہِ وسیٖلہٕ خدایہِ سٕنزِ یٲری سٟتؠ میلان۔ ایمانہٕ والى۪ن پزِ پٲکی پۯاونہٕ، خدایہ سُنٛد حمد پرنہٕ، تہٕ انسٲنِیتس سٟتؠ لول ورتارنہٕ باپتھ روٗح پاکس پان پُشراوُن"۔

کلیسا

"حٔقیٖقی عیسٲے کلیسا، یُس سٲنؠ آغہٕ عیسیٰ مسیحن 'آخری روٗد'کِس زماس مںز، چھُہ قٲیم کۆرمُت، چھُہ پیغمبرن ہندِ زمانُک نوِ سرٕ تعمیر کرنہٕ آمُت حٔقیٖقیٕ کلیسا"۔

آخری فٲصلہٕ

"عیسیٰ ییہِ دُبارٕ آخری دۄہہٕ ییٚلہِ سُہ دُنؠ یہس پرکھاونہٕ مۄکھہٕ اسمانہٕ پى۪ٹھہٕ وسہِ: نیکوکارن میلہ پوشٕوٕنؠ زندگی، ییٚلہِ زن بدکارن میلہِ ٲنتھہِ رۆس عذاب۔"