اِنقِلاب فرٛانٛس

اِنقِلاب فرٛانٛس
مُلُک	فرٛانٛس
مُقام	فرٛانٛس
وَقٕت	5 مٔیی 1789
آغاز وَقٕت	14 جُلَے 1789
اِختِتام وَقٕت	9 نَوَمبَر 1799
شریک	Louis Antoine de Saint-Just
وِکی ڈیٹا پؠٹھ کٔرِو اؠڈِٹ

فرانسی اِنقِلاب اوس فرٛانسس مَنٛز سیٲسی تہٕ سمٲجی تبدیلیک دور یُس 1789 کس ایٚسٹیٹس جنرلس سٟتؠ شروٗع گوٚ تہٕ نَوَمبَر 1799 مَنٛز 18 برومیرک بغاوت تہٕ فرانسیسی قونصلیٹ تشکیل سٟتؠ ختم گوٚ۔ امکہ واریاہ خیالات چھِ لبرل جمہوریتک بُنیادی اصوٗل سمجھنہٕ یوان، ییٚلہٕ زَن امکہ اقدار تہٕ ادارٕ جدیٖد فرٛانسی سیاسی گفتگوُک مرکز چھ۔[1][2]

امک وجوہات چھ عام طورس پؠٹھ سمأجی، سیاسی تہٕ معاشی عواملک امتزاج کہ طور پأٹھؠ سمجھنہٕ یوان، یم قدیٖم حکومتن منظم کرنس مَنٛز ناکام ثأبت کٔر۔ اکہ مٲلی بحران تہٕ بٔڑس پیمانس پیٚٹھ سمٲجی مُشکلن ہٕنٛد وجہ سٟتؠ گوٚو مئی 1789 مَنٛز ایٚسٹیٹس جنرل کس کانووکیشن تام، یس جونس مَنٛز قومی اسمبلی مَنٛز تبدیل کرنہٕ آو۔ 14 جولایی مَنٛز باسٹیلس پؠٹھ طوفانن storming of the bastileکٔر اسمبلی ہنٛد طرفہٕ بنیاد پرست اقداماتن ہنٛد اَکھ سلسلہ شروٗع، یِمن مَنٛز جاگیردارانہٕ نظامک خاتمہ، فرٛانسس مَنٛز کیتھولِک چرچس پؠٹھ ریاستی کنٹرول، تہٕ حقوقک اعلان شٲمل چھ۔

ینہٕ والؠن ترٛؠن ؤرین مَنٛز اوس سیٲسی قوبو خٲطرٕ جدوجہدٕ ہنٛد غلبہٕ، یس معاشی افسردگی سٟتؠ بڑیو۔ اپریل 1792 مَنٛز فرٛانسی اِنقِلأبی جنٛگ شروٗع گژھنہٕ پتہٕ فوجی شکستک نتیجہٕ آو 10 اَگَست 1792 ہچ بغاوت۔ ستمبرس مَنٛز آو بادشاہتچ جاۓ فرٛانٛسی فرٛسٹ ریپبلکن ننہٕ، ییٚلہ زن لوئس XVI جَنؤری 1793 مَنٛز پھأسؠ دنہٕ آیہ۔

جوٗن 1793 مَنٛز بیٚیہ اکہ بغاوت پتہٕ آو ٲیین معطل کرنہٕ، تہٕ قومی کنونشن پؠٹھہٕ آو کٲفی سیٲسی اِختیار عوٲمی تحفظٕچ کمیٹی نش منتقل کرنہٕ۔ دہشت گردی ہند دور مَنٛز آیہ لگ بگ 16,000 افراد پھٲسؠ دنہٕ، یٗس جُلَے 1794 ہس مَنٛز ختم گو۔ بیرونی خطرن تہٕ اۆنٛدروٗنی حزب اختلاف کہ وجہ سٟتؠ کمزور گژھنہٕ پتہٕ آیہٕ جمہوریہ 1795 ہس مَنٛز ڈایریٚکٹر۔ کہ ذریعہ تبدیل کرنہٕ۔ ژور ؤری پتہٕ، 1799 ہس مَنٛز کوٚر قونصلیٹ نپولین بوناپارٹ سنٛز قیادت مَنٛز فوجی بغاوت مَنٛز اقتدارس پؠٹھ قبضہٕ۔ یہِ چھ عام طور پٲٹھؠ اِنقِلأبی دور کس اختتامس پٲٹھؠ وچھنہٕ یوان۔