انَنت ناگ ضِلہٕ

انَنت ناگ ضِلہٕ چھُ کہِ کشیٖرِ ہُنٛد اَکھ ضِلہٕ یُس راز دٲنؠ سِریٖنَگَر پؠٹھ چھُ ۵۰ کلومیٹر دور۔ اَتھ چھِ مقٲمی لوٗکھ اِسلام آباد تہِ وَنان۔

اِنتِظٲمیہِ

2011 چہ مردم شُمٲری وِز اوس اننت ناگ ضِلہٕ اننت ناگ ، ویٚجہِ برٛور ڈور کوکرناگ پہلگام تہٕ شانگس تحصیلن پؠٹھ مُشتَمِل ۔ ضِلہٕ اوس ستن بلاکن پؠٹھ مُشتَمِل: برینگ، شانگس، اَچھہٕ وَل ڈچنی پور قٲضؠ گۆنٛڈ کھوری پور تہٕ شاہ آباد ۔

جغرافیہ

اننت ناگ ضِلُک کُل رۄقبہٕ چھُ 3574 مربع کلومیٹر (1380 مربع میٖل). ضِلہٕ کس سرحدس پؠٹھ چھ مشرقس مَنٛز کرگل ضِلہٕ تہٕ ضلعہٕ کشتوار ، دوڈا تہٕ جنوٗبس مَنٛز رامبن ضِلہٕ ، شمالس مَنٛز گاندربل ضِلہٕ تہٕ مغربس مَنٛز کلگام سرینگر ، پلواما تہٕ شۄپیان ضِلہٕ ۔