ثى۪قہ عیسٲے کلیسا

From Wikipedia

ثى۪قہ عیسٲے کلیسا چُھہ اکھ آزاد عیسٲے فرقہ یتھ چیٖنہٕ کِس شہر، بیجنگس منز 1917تس منز دس وۆتھ ۔ از چھہ اتھ ارتٲجہن ملکن تہٕ شى۪ن بر اعظمن منز 25 لچھ ممبر۔ یہ کلیسا چُھہ عیسٲے مذہبکہِ پى۪نٹِکوسٹل شاخُک حصہ یُس وُہـ̡ مِہ صدی ہندِس ابتداہس منز نۆن دۯاو۔ 1932 پى۪ٹھٕ چُھ یہ کلیسا ہندُستانس منز رٲیج۔ أمہ کلیساہُک مراد چُھ عیسیٰ سٕندہ دُبارٕ ظٲہر سپدنہٕ بۯونٹھ سارنٕے قومن تام انجیل واتاوٕنـ̡ ۔

ثى۪قہ عیسٲے کلیساہس چھہ داہ اصوٝل تہٕ اعتقاد:[edit]

روٝحہِ پاک[edit]

"روٝحہِ پاک حٲصل سپدُن، زبانن ہندِ کلامچہِ گوٲہی سٍتـ̡ ، چُھ اسہِ جنتُک وٲرِث آسنٕچ ضمانت"۔

بپتسمہ[edit]

"آبہٕ سٍتـ̡ بپتسمہ چُھہ گۅنہو نِشہ پاک گژھنُک تہٕ روٝحٲنی بحٲلی خٲطرٕ اکھ رسم۔ بپتسمہ گژھہِ قۆدرتی پکوٕنِس آبس منز دِنہٕ یُن، مثلن، دریا، سمندر، یا ناگ۔ بپتسمہ دِنہ وول، یٔمِس پانس بپتسمہ تٕہ روٝحہِ پاک حٲصل سپُدمت آسہِ، سُہ گژھِ حضرت عیسیٰ مسیٖح سُند ناو ہى۪تھ بپتسمہ دیُن۔ یٔمِس بپتسمہ دِنہٕ ییہِ تس گژھہ کلہٕ نۆمرٲوِتھ تہٕ بُتھ بۆن کُن کٔرِتھ پوٝرٕ پٲٹھـ̡ آبس منز غۅطہ دِیُن"۔

کھۅر چھلٕنـ̡[edit]

"کھۅر چھلنٕکہِ رسمہٕ سٍتـ̡ چُھ انسان حضرت عیسیٰ ہس تام وٲتِتھ ہى۪کان۔ بێیہِ چُھہ یہِ انسانس ہر ہمیشہ محبت، شوژر، نیٖزمی، درگذر تہٕ خدمت گزٲری یاد پاوان۔ یس أکس آبہٕ سٍتـ̡ بپتسمہ مێولمُت آسِہ تس پزن عیسیٰ مسیح سٕندِ نٲوـ̡ پننٕنـ̡ کھۅر چھلناوٕنـ̡ ۔ یێلہِ تہِ منٲسب آسہِ، اکھ أکـ̡ سٕندـ̡ کھۅر چھلنٕچ عمل گژھہ کرٕنـ̡ "۔

آغہٕ سُند کال[edit]

"آغہٕ سُند کال چُھ آغہٕ عیسیٰ مسیح سند مرُن یاد پاونُک رسم۔ أمہِ سٍتـ̡ چِھہ أسـ̡ پننس آغہٕ سٕندِس مازس تہٕ خوٝنس منز شریک سپدان یُتھ پوشِوٕنـ̡ زندگی پۯاوو تہٕ قیامژ دۅہہٕ گژھو بـێیِہ زِندٕ۔ یہ رسم گژھِ یوٝت وٕ تیوٝت پھِرـ̡ پھِرـ̡ ادا کرنہٕ یُن۔ اکٲے خمیٖرِ ورٲے ژۆٹ تہٕ دچھہ رس ییِہ استعمال کرنہٕ"۔

سبت دۅہ[edit]

"سبت دۅہ، ہفتُک سٔتیُم دۆہ (بٹوار)، چُھ چھُٹی دۅہ، یُس خداین بابرکت تہٕ مقدس بنومُت چُھ۔ یہ گژھہِ آغہٕ سٕندِ رحمتہٕ کِس سایس تل خدایہ سٕنز وۅپتھ تہٕ نجات یاد پاونہٕ رٔنگـ̡ تہٕ ینہٕ واجنہِ زندگی مںز پوشٕوٕنہ رحتٕچ آش تھٲوِتھ گزارُن"۔

عیسیٰ مسیح[edit]

"عیسیٰ مسیح، لفظ یُس ماز (بشر) بنێوو، مود کٲٹھِس پى۪ٹھ گۅنہگارن بخچٲیِش کرناونہٕ مۅکھہٕ، تۯێیمہِ دۅہہٕ سپُد بێیہِ زندٕ تہٕ کھۆت اسمانس پى۪ٹھ۔ سُہ چُھ کُن یُس آدمـ̡ ذٲژ نجات دِنہٕ وول، اسمانن تہٕ زمیٖنہِ ہُند پٲدٔ کرن وول، تہٕ کُن پۆز خدا چُھہ۔"

انجیل[edit]

"مقدس انجیل، یتھ مںز شٲمل چھہ پۯون تہٕ نۆو صحیفہ، چھہ خدایہِ سُند الہام، کُنـ̡ اسمٲنـ̡ کتاب، تہٕ عیسٲے زندگـ̡ ہُند معیار"۔

نجات[edit]

"نجات چُھہ ایٖمانہٕ کِہ وسیٖلہٕ خدایہِ سٕنزِ یٲری سٍتـ̡ میلان۔ ایمانہٕ والى۪ن پزِ پٲکی پۯاونہٕ، خدایہ سُند حمد پرنہٕ، تہٕ انسٲنِیتس سٍتـ̡ لول ورتارنہٕ باپتھ روٝح پاکس پان پُشراوُن"۔

کلیسا[edit]

"ثى۪قہ عیسٲے کلیسا، یُس سٲنـ̡ آغہٕ عیسیٰ مسیحن 'آخری روٝد'کِس زماس مںز، چُھہ قٲیم کۆرمُت، چُھہ پیغمبرن ہندِ زمانُک نوِ سرٕ تعمیر کرنہٕ آمُت ثى۪قہٕ کلیسا"۔

آخری فٲصلہ[edit]

"عیسیٰ ییہِ دُبارٕ آخری دۅہہٕ یێلہِ سُہ دُنـ̡ یہس پرکھاونہٕ مۅکھہٕ اسمانہٕ پى۪ٹھہٕ وسِہ: نیکوکارن میلہ پوشٕوٕنـ̡ زندگی، یێلہِ زن بدکارن میلہ ٲنتھہ رۆس عذاب۔"