کلونازپام

کلونازپام (اَنٛگریٖزی: Clonazepam) یُس کلونوپین برانڈس تحت کٕنٛنہٕ چھُ یوان، چھُ اَکھ دَوا یُس دورٕ گژھن، گھبراہٹ، تہٕ حرکتک عارضہٕ روکاون تہٕ علاج کرنہٕ خٲطرٕ چھ اِستِمال یوان کرنہٕ یَتھ اکاٹھیا چھ ونان۔ یہِ چھ بینزوڈیازیپائن کلاسک ٹرانکولایزر یہٕ چھ ٲس ذریعہٕ ننہٕ یوان۔ اثر چھ اکہ گھنٹس مَنٛز شۆروٗع گژھان تہٕ شیٚیہ پیٚٹھٕ بہہ گھنٹن تام روزان۔

عام ضمنی اثراتس مَنٛز چھ نیندر نہٕ یِنؠ، خراب ہم آہنگی تہٕ اشتعال شٲمل۔ اگر اچانک رکاونہٕ ییہٕ تیلہٕ ہیکن طویل مدتی اِستِمال نتیجہٕ رواداری، انحصار تہٕ واپسی ہنٛز علامتہٕ آستھ۔ انحصار چھ تمن لوکن مَنٛز گژھان یم ژور ہفتہٕ کھوتہٕ زیٛادٕ کلونازیپم چھ نوان۔ خودکشی ہنٛد خطرٕ چھ زیٛادٕ آسان، خاص طور پٲٹھؠ تمن لوکن مَنٛز یم گۄڈٕ پیٚٹھٕ افسردہ چھ آسان۔ اگر حملس دوران یییہ اِستِمال کرنہٕ تیلہٕ ہیکہ یہِ بچس نقصان واتٲوتھ۔ کلونازیپم چھ GABAA ریسیپٹر سٟتؠ جڑان، یَتھ کٔنؠ چھ چیف انفیکٹو نیورو ٹرانسمیٹر γ-امینو بیوٹریک ایسڈک (GABA) اثر بڑان۔

کلونازپام آو 1960 مَنٛز پیٹنٹ کرنہٕ تہٕ 1975 مَنٛز روچی پؠٹھ ریاستہائے متحدس مَنٛز کننہٕ۔ یہِ چھ عام دوا۔ کس طورس پیٚٹھ دستیاب۔ ترقی پذیر دنیا مَنٛز چھ تھوک قٟمَتھ 0.01 تہٕ 0.07 امریکی ڈالر درمیان۔ ریاستہائے متحدہس مَنٛز چھ گولین ہنٛد قۭمت تقریبن 0.40 امریکی ڈالر۔ 2017 مَنٛز، اوس یہِ ریاستہائے متحدس مَنٛز 34 ہم سارِوٕے کھوتہٕ زیٛادٕ عام طور تجویز کرنہٕ آمت دَوا، یَتھ مَنٛز 20 ملین کھوتہٕ زیٛادٕ نسخہٕ ٲس آمت دینہٕ۔ دنیاہ کیو وارہیو علاقن مَنٛز چھ یہٕ عام طور پٲنٹھ تفریحی دَوا کس طورس پؠٹھ اِستِمال گژھان۔