مَدَتھ:صَفہٕ پَکناوُن

وِکیٖپیٖڈیا صَفَس ہیٚکِو تیٚلہِ ناوبَدلی کٔرِتھ ییٚلہِ زنہٕ اَمیُٛک ناو غَلَط لیٚکھِتھ آسہِ یا ناو بدلاونٔچ ضۆروٗرَتھ پیٚیِہ۔ اَتھ چھُ وَنان صَفہٕ پَکناوُن.

صَفہٕ پَکناونہٕ باپَتھ گژھِ صٲرفہٕ سُنٛد کھاتہٕ دٲخِل گٔژھِتھ آسُن تہٕ کھاتہٕ گژھہِ خود تَصدیق صٲرِف (ژور دۆہ پرٛون آسُن بیٚیِہ گژھہِ ییٚمہِ کھاتہٕ سٟتؠ کم از کم داہ اؠڈِٹ کرنہٕ آمتؠ آسٕنؠ) آسُن۔ اَگر تُہؠ تَکنیٖکی رُکاوَٹھ موٗجوٗب صَفہٕ ہیٚکو نہٕ پَکنٲوِتھ، تَتھ حالتَس مَنٛز گَژھِ اِنتِظٲمؠ اِطلاع اُنجُمَنَس پؠٹھ عَرضی دیِن.

پَکناوُن بَٹنٕچ جاے

صَفہٕ پَکناونہٕ خٲطرٕ :

1. تَتھ صَفس پؠٹھ گژھِو یۄس تۄہہِ پکناوُن چھُو یژھان.
2. صَفس پؠٹھہٕ کنہِ ژھٲنڈیو پَکنایو یختِیار.
   • موبایل سائٹ پؠٹھ پَکنایو یختِیار ژھانڈنہٕ خٲطرٕ دبایو صَفہٕ کِس ہیٚرمِس کونَس مَنٛز ترٛین پھیٚریٚن پؠٹھ تہ تتہِ گژھن بیٚیہ سَتھ یختِیار ظٲہر یمو مَنٛز شیٚیِم یختِیار چھُ پَکنایو.
   • ڈیسکٹاپ سائٹ پؠٹھ پَکنایو یختِیار ژھانڈنہٕ خٲطرٕ دبایو صَفہٕ کِس ہیٚرمِس دٔچھنِس کونَس مَنٛز بیٚیہِ یختِیار تہٕ تتہِ نیرن ترٛے یختِیار بیٚیہِ یمو مَنٛز دوٚیم آسہِ پَکنایو.
   • اگر صَفس پؠٹھ چھُنہ کُنہِ تہِ جاے پَکنایو لِنٛک نظرِ گژھان، ایمُک مطلب چھُ زِ صَفہٕ چھُ آمُت محفوظ کرنہٕ۔ ایمہٕ قٔسمُک صَفہٕ پَکناونہٕ باپَت پرٛژھیو تَکنیٖکی پَکناوُن عَرٕضی صَفس پؠٹھ.
3. پَکنایَو یختِیارس پؠٹھ دبٲیَو تہٕ بَریَو تَفصیٖل
   • صَفہٕ پَکنایو دَبس مَنٛز لؠکھیٚو کھوورِ اندٕ صَفُک نۆو ناو تہٕ کریو منتخب ایمُک کَتھ صَفہٕ تےٚ چھا پَکناوُن کنہٕ نہ.
   • ٲخٕر دِیِو اؠڈِٹ خلاصہٕ کِس طرزس پؠٹھ صَفہٕ پَکناونُک اَکھ ژھۆٹ وَجہ.
4. تمام تَفصیٖل بَرنہٕ پتہٕ ییٚلہِ تیار آسیَو تہٕ دَبایَو صَفہٕ پَکنایو بٹُن، اگر کامیاب رود تیٚلہِ گژھہِ صَفس ناو بدلی تہٕ نۆو سرنامہٕ ای تھاونہٕ۔ پرٛون صَفہٕ بنہِ ریڈائریکٹ صَفہٕ، تہٕ اَمٕچ کانٛہہ تہِ لِنٛک واتہِ وٕ نٔوِس صَفس پؠٹھ.
5. کامیاب صَفہٕ پَکناوُن چھُ یِوان دَرٕج کرنہٕ پَکناوُن لاگَس مَنٛز۔ تہٕ کامیاب پَکناونَس پؠٹھ چھِ یہِ پٲغام اِظہار گَژھان:

Y صَفہٕ "$3" (لِنکہٕ | اؠڈِٹ | مِٹاوُن) آو پَکناونہٕ "$4" جاے (اؠڈِٹ | تَوٲریٖخ | لِنکہٕ | رَد کٔرِو | لاگ) (پَکاوُن لاگ)