لیڈوکین

 لڈوکین یَتھ لگنکائن تہ ونان چھ، چھ اَکھ دَوا یس ٹشوس اکس مخصوص علاقس مَنٛز سُن کرنس خٲطرٕ چھ اِستِمال یوان کرنہٕ (لوکل اینستھیٹک) ۔ یہِ چھ وینٹریکلر ٹیکی کارڈیا کہ علاج تہٕ اعصاب بلاکس انجام دینہٕ خٲطرٕ تہٕ اِستِمال یوان کرنہٕ۔ لڈوکین چھ ایڈرینالین اَکھ لۄکٹ مقدارس سٟتؠ ملاونہٕ (ایپینفائن) چھ دستیاب بڑٕ خوراکک اجازت دینہٕ خٲطرٕ، خون بہنس کم کرنہٕ خٲطرٕ، تہٕ سونگھنےک اثر زیٛادٕ عرصس تام برقرار تھاونہٕ خٲطرٕ۔ ییلہٕ انجیکشن کہ طور چھ اِستِمال یوان کرنہٕ تیلہٕ چھ لیڈوکین عام طور ژور منٹن مَنٛز کٲم کرن شۆروٗع کران تہٕ چھ نصف گھنٹس پؠٹھ ترہن گھنٹن تام روزان۔ لیڈوکین مرکب ہیکو براہ راست ژمہ یا میوکس میمبرینن پؠٹھ تہٕ لگٲوتھ تاکہ علاقہٕ سن۔

نس کہ استعمالہٕ سٟتؠ گژھن وٲل عام ضمنی اثراتس مَنٛز چھ نیند، پٹھ ژھنٛڑن، الجھن، نظرس مَنٛز تبدیلی، سونگھ، جھنجھن تہٕ الٹی شٲمل۔ یہِ ہیٚکم بلڈ پریشر کم تہٕ دلٕچ شرح بے قاعدگی ہنٛد سبب بنتھ۔ خدشات چھ ز یہِ جوڑن مَنٛز لگاونہٕ سٟتؠ ہکن کارٹلیج مَنٛز دشواری پیدٕ گژھتھ۔ یہٕ چھ عام طور پٲنٹھ حمل۔ مَنٛز اِستِمال خٲطرٕ مۄحفوٗظ نظر یوان۔ یمن جگرک مسلہٕ چھ تمن مَنٛز ہیٚکہ کم ڈوزٕچ ضرورت پیتھ۔ یہِ چھ عام طور تی تمن لوکن مَنٛز اِستِمال کرنہٕ خٲطرٕ مۄحفوٗظ یمن ٹیٹراکین یا بینزوکین سٟتؠ الرجک چھ۔ لیڈوکین چھ کلاس Ib قٕسمٕچ اَکھ اینٹی آررتھمک دَوا۔ امیوک مطلب چھ یہٕ ز یہٕ چھ سوڈیم چینلز بلاک کرن کٲم کران تہٕ اَتھ پٲٹھؠ چھ دل کہ سنکچنٕچ شرح کم گژھان۔ ییلہ یہٕ مُقٲمی طورس پؠٹھ سونگنہٕ خٲطرٕہ اِستِمال چھ یوان کرنہٕ تہٕ مقٲمی نیوران ہیکن نہٕ دماغک سگنل دتھ۔

یہٕ آو 1946 مَنٛز دٔریافت کَرنہٕ تہٕ 1948 آو کننہٕ۔ یہِ چھ ورلڈ ہیلتھ آرگنائزیشنک ضۆروٗری ادویاتک فہرستس مَنٛز شٲمل۔ یہِ چھ عام دَوا کس طورس پیٚٹھ دستیاب۔ 2014 ہس مَنٛز اوس ترقی پذیر دنیا مَنٛز تھوک قٟمَتھ US $0.45 پیٹھہٕ $1.05 تھوک فی 20 ملی لیٹر دواہٕچ شیشہٕ۔ یہِ چھ واریاہن برانڈ ناون تحت کٕننہٕ یوان یمن مَنٛز زایلوکین تہ شٲمل چھ۔ 2017 مَنٛز، اوس یہِ ریاستہائے متحدس مَنٛز 208 ہم سارِوٕے کھوتہٕ زیٛادٕ عام تجویز کرنہٕ آمت دَوا، یَتھ مَنٛز زٕ ملین کھوتہٕ زیٛادٕ نسخہٕ ٲس۔