سید علی خامنائی
.jpg)
آیت اللہ العظمیٰ سید علی حسینی خامنہ ای زاے 17 جُلَے 1939ء مَنٛز ایران کِس شہرس مشہد س مَنٛز۔ یم چھےٚ اسلامی جمہوریہ ایران کی دویم تہ موجودہ سپریم لیڈر۔ یم چھےٚ ایرانک وزیر دفاع تہ صدر تہ رودمتی۔ امام خمینی سینہ مرنہ پتہ بناوی یم 4 جون 1989ء ایرانک سپریم لیڈر۔[1]
پیدٲیِش تہٕ اِبتِدٲیی تٲلیٖم
[اؠڈِٹ]خامنائی صوب زایہ 1318 ہجری شمسیس مَنٛز مشہدس مَنٛز۔ یہندی بابہ صوب سید جواد تہ اسی بوڈ بارہ مجتہد۔ یہندی بوڈی بب آیت اللہ سید حسین خامنائی اسی آذر بیجانک تہ اسی نجف اشرفس مَنٛز روزان۔
خامنائی صوب اسی پننسی بئڈس بھائس سید محمد صوبن مکتبس مَنٛز گژھان سبق پرنہ خاطرہ۔ اَتھ مکتب اوس ناو "دار التعلیم دینیات"۔ اَمہِ پتہ گیہ تم انٹر کالج تہ تمہ پتہ حوزس مَنٛز۔ [1]
اَمہِ سندی اہم فتوی
[اؠڈِٹ]آیت اللہ سید علی خامنائی صوب چھےٚ عالمہ اسلامک شان۔ تم چھےٚ پرتھ ساتہ اسلامک تہ مسلمانن ہندی فایدہ خاطرہ فتوی دوان روزان۔
- قمہ زنی یا ہانکل واین دیژ تمو حرام قرار۔ تکیاز امی سٟتؠ چھ مذہب اہلبیت علیہ السلام بدنام گژھان تہ لوکھ چھ اَمہِ مذہبہ نشہ دوران۔[2]
- اتحاد بین المسلمین کہ خاطرہ دوت تمو یہِ فتوی کہ ز امہات المومنین و صحابہ کرامن ہنزی توہین کرنی چھےٚ حرام۔
راہ اسلام تنظیم چھےٚ ہمیشہ تہندی فتوی لوکن تام واتناونچ کوشش کران روزان۔[3]
اہم کتابہ تہ تصنیف
[اؠڈِٹ]یمو چھےٚ واریاہ کتابہ فارسیس تہ عربیس مَنٛز لیچھ مژ۔ تقریبن چھ سارنین کتابن ہُنٛد ترجمہ باقین زبانن مَنٛز کَرنہٕ آمت۔
حَوالہٕ
[اؠڈِٹ]- ↑ 1٫0 1٫1 http://www.leader.ir
- ↑ "Tatbir is a wrongful and fabricated tradition: Imam Khamenei" ( اَنگیٖزؠ زَبانہِ مَنٛز). 2016-10-07. Retrieved 2019-05-10.
- ↑ شیعہ مراجع از راہ اِسلام