ایبولا

ایبولا
بیاکھ ناو	Ebola haemorrhagic fever (EHF), Ebola virus disease
زٕ نرسٕ چِھ Mayinga N'Seka نزدیٖک کھڑا آسان۔
شعبہٕ	اِنفیکشَن بؠمارِ
عَلامژ	تَپھ، گلہ خراش، مَژھن ہٕنٛز دَگ، کلہٕ دود، ڈایریا، خوٗن یُن
مُشکِلات	کم بلڈ پریشر سیال کم گژھنہٕ سٟتؠ
عام شروعات	زٕ دوہ پیٹھ ترٛین ہفتن تام ایکسپوزر پتہٕ
وَجہ	ایبولا وایرس کِس براہ راست رٲبطہٕ مَنٛز یِنہِ سٟتؠ پھہلان
تَشخیٖص	Finding the virus, viral RNA, or antibodies in blood
مُختَلِف تَشخیٖص	ملیریا، کولرا، ٹائیفائیڈ تپھ، میننجائٹس، باقی وائرل ہیموریجک بخار
بَچاو	مربوط طبی خدمات
علاج	تعاون خدمت
دَوا	Atoltivimab/maftivimab/odesivimab
پیش گوئی	25–90% موتُک شرح

ایبولا یَتھ ایبولا وائرس بیماری تہِ ونان چھِ، چھ انسانن تہٕ باقٕے پرائمیٹس ہند اَکھ وائرل ہیمورجک بخار یوس ایبولا وایرس کہ وجہ سٟتؠ چھ گژھان۔ نِشانن تہٕ علامتہٕ چھ عام طور بخار۔ ہۆٹ خراب، مَژھن ہنٛز دگ تہٕسر درد۔ ۔ُلٹی، ڈایریا، تہٕ خش تہ چھِ آسان، اَتھ سٟتؠ سٟتؠ چھِ کرٛہنماز تہٕ بۄکہٕ وچن ہنز کم کٲم شٲمل اَتھ وقتس پؠٹھ چھ کیٚنٛہہ لوکھ اۆنٛدروٗنی حصہ بیرونی دونونی طرفو خون بہن شۆروٗع کران۔ اَتھ بیمارس چھ موتک خطرٕ زیٛادٕ آسان، یمہٕ سٟتؠ 25% پؠٹھ 90% افراد چھ ہلاک گژھان، اوسطا تَقریٖبَن 50%۔ یہِ چھ اکثر سیال کم گژھنہٕ سٟتؠ بلڈ پریشر کم گژھنہٕ کہ وجہ سٟتؠ آسان، تہٕ عام طور پٲٹھؠ چھ علامتہٕ ظٲہر گژھنہٕ پتہٕ شیٚیہ پیٚٹھٕ 16 دۄہن پتہٕ گژھان۔

یہِ وایرس چھ جسم کہ سیالس سٟتؠ براہ راست رابط کہ ذریعہ پھلتھ، یَتھ کٕن زن بیمار انسانن یا دیگر جانورن ہند خون۔ حالٕے جسمٲنی رٲبطہٕ سٟتؠ آلودٕ گژھن والیٚن چیزن سٟتؠ رٲبطہٕ سۭتہ تہ ہیٚکہ پھیلاو پھلتھ۔ انسانن سمیت پرائمیٹس درمیان ہوا کہ ذریعہٕ بیمار پھیلاو، لیبارٹری یا قدرتی حالاتن مَنٛز چھُ نہٕ دستاویز کرنہٕ آمت۔ ایی وی ڈی نش صحت یاب گژھنہٕ پتہٕ کٲنٛسہ شخص سنٛد سیمن یا ماجہ ہنٛد دۄد ہیٚکہ وائرس واریاہن ہفتن پیٚٹھٕ رؠتن تام واتتھ۔ خیال چھُ یوان کرنہٕ ز پھلن ہنٛد چمگادڑ چھ فطرتک عام کیریئر، یس اَمہِ سٟتؠ متٲثر گژھنہٕ بغٲر چھ وایرس پھلاونس قٲبل۔ باقی بیمٲر یَتھ کٔنہ زن ملیریا کولرا، ٹایفایڈ بخار مینینجائٹس تہٕ باقی وایرل ہیمورجک بخار ہیکن ای وی ڈی ہیوؠ ٲستھ۔ خونک نمونہٕ چھ وائرل آر این اے وائرل اینٹی باڈیز یا بذاتہ وائرس خٲطرٕ ٹیسٹ یوان کرنہٕ تاکہ تشخیصٕچ تصدیق گژھتھ۔

وبٲئی کنٹرول خٲطرٕ چھ مربوط طبی خدمات تہٕ کمیونٹی ہنز شمولیت ہنز ضرورت۔ اَتھ مَنٛز چھ تیزی سان پتہ لگاون، تمن لوکن ہیند رابطک سراغ لگاون شٲمل یمن ہیند سامنہٕ آو، لیبارٹریچ خدماتن تام فوری رسائی، متاثرہ لوکن ہیند خیال تھون، تہٕ آخری رسومات یا دفنک ذریعہٕ مردارن ہیند مناسب ٹھکانہ لگاون۔ بیمار لوکن ہنٛد جسمٕک سیال تہٕ ٹشوک نمونہٕ پزٕ خاص احتیاط سان ننہٕ یُن۔ . اَتھ مَنٛز چھِ مُنٲسِب حِفاظتی پَلو لاگُن تہٕ بٮ۪مارِ وٲلِس نفرَس أنٛدِ پٔکہِ اَتھٕ چھلُن تہِ شٲمِ 2019 ہَس مَنٛز آو امریکہَس مَنٛز زائر ایبولا وایرَس خٲطرٕ ایبولا ویکسیٖنٕچ منظوٗری دِنہٕ۔ اَٹولٹیوِماب مَفتِوِماب اوڈیسیوِماب ہیٚکو اَتھ قٕسمس خٲطرٕ تہِ اِستعمال کٔرِتھ۔ معاون کوششہٕ چھِ نتائجن تہٕ بہتر بناوان۔ اَتھ مَنٛز چھِ یا تہِ اورل ریہائیڈریشن تھراپی (رژھ موٚدُر تہٕ نمکین آب چیٚنہٕ) یا نالَس مَنٛز سیال دِنہٕ سٟتؠ سٟتؠ علامتن ہُنٛد علاج تہِ شٲمِل۔

امہٕ بیمارِ ہٕنٛز شناخت ٲس گۄڈٕنِچہِ لٹہِ 1976 مَنٛز کرنہٕ آمٕژ، بیک وَقٕت دۄن پھٔہلن مَنٛز: اَکھ نزاراہس مَنٛز (جۆنوٗبی سوڈانُک اَکھ قصبہٕ) تہٕ بیٛاکھ یامبوکو (جمہوری جمہوریہ کانگو) مَنٛز، اَکھ گام یُس ایبولا دریاو نسبتاً نزدیٖک چھُ ییٚتہِ یہِ بیمٲرؠ پنُن ناو تھاوان چھ۔۔ ای وی ڈی وباء چھ سب صحارا افریقا کس ٹراپیکل علاقن مَنٛز وقفے وقفے سٟتؠ گژھان۔ 1976 پیٹھہٕ 2012 ہس تام، ورلڈ ہیلتھ آرگنائزیشن چھ 24 وبائہن ہنٛز اطلاع یَتھ مَنٛز 2,387 کیس چھ تہٕ 1,590 موت چھ۔ تٲریخہ تام ساروٕے کھۄتہٕ بوٚڑ وبٲیی اوس مغربی افریقہس مَنٛز وبٲیی، یۄس دَسَمبَر 2013 پیٚٹھٕ جَنؤری 2016 تام گٔیہ، یَتھ مَنٛز 28,646 کیس تہٕ 11,323 ہلاک گٔیہ۔ یہِ آو نہٕ ؤنؠ 29 مارٕچ 2016 ایمرجنسی قرار دنہٕ۔ افریقہس مَنٛز گوو باقی وباء مئی 2017 ہس مَنٛز ڈیموکریٹک ریپبلک آف کانگوہس مَنٛز شۆروٗع، تہٕ 2018 ہس مَنٛز گوو۔ جُلَے 2019 مَنٛز، ورلڈ ہیلتھ آرگنائزیشنن کوٚر کانگو ایبولا وباء عالمی صحتک ایمرجنسی قرار۔