مایکَل جیکسَن

مایکَل جیکسَن
اِنسان
پٲدٲیِش	29 اَگَست 1958 St. Mary's Mercy Hospital، اَمریٖکہ
وَفات	جوٗن 25, 2009(2009-06-25) (ؤری 50) Ronald Reagan UCLA Medical Center، اَمریٖکہ
پٲدٲیِش ناو	Michael Joseph Jackson
عٔظیٖم خٕطاب	titular prince (فرؤری 1992 – 25 جوٗن 2009)
عَرفی ناو	King of Pop
طَرٕزِ وَفات	قَتٕل
مَرنُک وَجَہ	دِلُک دورٕ
مُقامِ دَفَن	Forest Lawn Memorial Park
مول	Joe Jackson (talent manager)
موج	Katherine Jackson
بیٚنہِ / بوے	ریبی جیکسن، جینٹ جیکسن، لا ٹویا جیکسن، Jermaine Jackson ، Marlon Jackson ، Randy Jackson ، Jackie Jackson ، Tito Jackson ، برٛینٛڈَن جیکسَن
شٔریٖکہِ حَیات	Lisa Marie Presley (26 مٔی 1994 – 20 اَگست 1996) Debbie Rowe (15 نَوَمبَر 1996 – اپریٖل 2000)
بَچہٕ	Prince Jackson ، Paris Kathrine Jackson ، Blanket Jackson، Prince Jackson
رِشتہٕ دار	Stevanna Jackson، Jaafar Jackson
خاندان	Jackson family
مُقٲمی زَبان	اَمریٖکی اَنٛگریٖزی ، اَنٛگریٖزی زَبان
زَبانہٕ	اَمریٖکی اَنٛگریٖزی ، اَنٛگریٖزی زَبان
لؠکھنٕچ زَبان	اَنٛگریٖزی زَبان
پیٚشہِ	موسیٖقی لِکھٲرؠ، موٗسیٖقار ، نَژَن وول ، انسان دوست ، گُلو کار ، نغمہٕ ساز ، video artist، music executive ، رِکارڈ پروڈیوسَر
کامہِ ہُنٛد شَعبہٕ	music industry ، performing arts ، show business ، music composing ، film industry ، entertainment industry
تٲلیٖم	Montclair College Preparatory School
رِہٲیِش	Michael Jackson Childhood Home (1958 – اَگست 1969) Hayvenhurst (5 مٔی 1971 – 14 مٔی 1988) Neverland Ranch (14 مٔی 1988 – 14 جوٗن 2005) Holmby Hills (دَسَمبَر 2008 – 25 جوٗن 2009)
کٲم (آغاز)	1964
کٲم (اِختِتام)	2009
طَرٕزِ زِندگی	perfectionism
نسٕل	اَفریٖقی اَمریٖکی
لاگان	Michael Jackson's Thriller jacket
بؠمٲرؠ	ڈبہٕ ہۆر، lupus erythematosus
آواز ہُنٛد قسٕم	tenor
موسیٖقی آلہٕ	آواز، پِیانو، drum kit ، گِٹار، electronic keyboard ، percussion instrument
رِکارڈ نامہٕ	Michael Jackson discography
فِلِم سٲزی	Michael Jackson filmography
قٲبلہِ ذِکر کٲم	Thriller ، Bad
رُکُن	The Jackson 5
مِلکیتَھ	Neverland Ranch ، Bubbles ، Tetiaroa ، Sony Music Publishing
صنف	پاپ موسیٖقی ، contemporary R&B ، soul ، disco ، rock music ، samba ، funk
رِکارڈ لیبل	Epic Records ، سونی میوزِک، Motown ، Steeltown Records
اَتھ پؠٹھ اَثر	Sammy Davis Jr. ، James Brown ، Fred Astaire ، ڈیانا راس، Jackie Wilson
قٲبلہٕ ذِکر واقعات	Super Bowl XXVII halftime show (31 جَنؤری 1993) Motown 25: Yesterday, Today, Forever Michael Jackson: 30th Anniversary Celebration Michael Jackson: Live At The Apollo 2002 (24 اپریٖل 2002) death of Michael Jackson (25 جوٗن 2009) Michael Jackson memorial service
یَنام	Grammy Lifetime Achievement Award (2010) Grammy Legend Award (1993) International Artist Award of Excellence Genesis Award Grammy Award for Best Male R&B Vocal Performance (1980) Grammy Award for Album of the Year (1984) Grammy Award for Best Male Pop Vocal Performance (1984) Grammy Award for Record of the Year (28 فرؤری 1984) Grammy Award for Best Male Rock Vocal Performance (28 فرؤری 1984) Grammy Award for Best Album for Children (1984) Grammy Award for Producer of the Year, Non-Classical (1984) Grammy Award for Best Music Film (1985) Grammy Award for Song of the Year (1986) Grammy Award for Best Music Video (1990) Grammy Award for Best Music Video (1996) Johnny Mercer Award (2002) Grammy Award for Best R&B Song (28 فرؤری 1984) Grammy Award for Best Male R&B Vocal Performance (28 فرؤری 1984) Officer of the National Order of Merit (فرؤری 1992) Medal of the City of Paris (جوٗن 1988) star on Hollywood Walk of Fame American Choreography Awards Rock and Roll Hall of Fame (2001) Echo Pop Award for the Best International Rock/Pop Male Artist (1993)
نامزَد کَرنہٕ	Grammy Award for Song of the Year (1984) Grammy Award for Song of the Year (1984) Grammy Award for Best R&B Performance by a Duo or Group with Vocals (1985)
مُطالہٕ کَرُن	Michael Jackson Studies
قَد	175 سیٚنٹِمیٖٹَر
وؠب سایِٹ	https://www.michaeljackson.com
قونوٗنی دُکان یوٗ آر ایل	https://www.shopmichaeljackson.com/
تَصویٖر مَنٛز	Men in Black II ، مایکَل
Copyright representative	Broadcast Music, Inc.
پَسَنٛد کرن وٲلؠ	Michael Jackson fandom
IMDb ID	nm0001391
وِکی ڈیٹا پؠٹھ کٔرِو اؠڈِٹ

مایکَل جوزف جیکسَن (29 اَگَست 1958 - 25 جوٗن 2009) اوس اَکھ امریکی گلوکار، نغمہٕ نگار، نژن وول تہٕ اِنسان دوست۔ "کِنٛگ آف پاپ" ناو دِنہٕ یِوان، سُہ چھُ بٔڑِس پیمانَس پؠٹھ 20 مہِ صٔدی ہٕنٛزِ ثقافتی طور اہم شخصیاتن مَنٛز اَکھ ماننہٕ یِوان۔ ژورن ؤرین ہٕنٛدس کیریرس دوران، تٔمؠ سٕنٛزو موٗسیٖقی ہٕنٛزو کامیابیو پھُٹرٲو امریکی نسلی رُکاوٹہٕ تہٕ بنوو سُہ دُنؠ‌یاہس مَنٛز اَکھ غٲلب شخصیت۔ پنؠن گؠوُن، کنسرٹ تہٕ فیشنُک ذریعہٕ، تم پھٔہلٲو مَقبوٗل موٗسیٖقی مَنٛز فنکارن خٲطرٕ بصریVisual کارکردگی، سِٹریٹ ڈانس چالہٕ یَتھ کٔنؠ موٗن واک، روبوٹ، تہٕ اینٹی گریویٹی لین مَقبوٗل کر۔ جیکسن چھُ اکثر وُنیُک تامُک ساروٕے کھۄتہٕ بوٚڑ دِل بٔہلٲیی مانٛنہٕ یِوان۔

کیرییَرُک آغاز

مایکل جیکسنن گوٚو 1964 مَنٛز پنٛنیٚن باین ہٕنٛدس پاپ گروپ جیکسن فاییو مَنٛز شٲمل تہٕ ابتدٲیی طور گِنٛدُن تنبورا تہٕ بونگو۔ تاہم، سُہ بنیو جلدی گروپُک توجہٕ ہُنٛد مرکز تہٕ سمبھٲلن مرکزی گلوکار سٕنٛز ذمہ داری۔

گلیڈس نایِٹ تہٕ بوبی ٹیلر ہیویو گلوکارو کوٚر جیکسن فایو ریکارڈ لیبل موٹاؤنک سربراہ بیری گورڈے سٟتؠ متعارف، تہٕ ڈیٹرایٹس مَنٛز مقیم کمپنی کوٚر جیکسن فایوک گوڑنچ ریلیز، "آیی وانٹ یو بیک" 1969 مَنٛز میوزک چارٹن مَنٛز سارِوٕے کھۄتہٕ سرفہٕ۔ مایکل اوس تَمہِ وِزِ صرف 11 وُہُر۔ یِنہٕ والؠن شیٚن ؤرؠ‌یَن مَنٛز، کٔر گروپن اے بی سی، دی لو یو سیو تہٕ آیی ول بی دییَر ہِش ہٹ فلمہٕ تیار۔

سولو البم

جیکسنن سمکھیو موسیقار کوینسی جونزس "وزرڈ آف اوز" کس شہری پس منظرچ تیٲری دوران۔ تٔمؠ ووٚن مایکلس پنُن سولو البم بناوُن تہٕ درخواستہٕ کس نٔتیٖجس مَنٛز آو کلاسک ڈسکو البم 'آف دی وال'۔ البمَن کٕنؠ 10 ملین کاپیہٕ تہٕ اَتھ مَنٛز ٲسؠ 'ڈونٹ سٹاپ ٹِل یو گیٹ اینف' تہٕ 'راک ود یو' ہیو مشہوٗر بٲتھ شٲمل۔

تھرلر

1982 مَنٛز، مایکل جیکسنن کوٚر پنُن مَشہوٗر پاپ میوزک البم 'تھرلر' جٲری، یم پاپ میوزک فروغ خاطرٕ اَکھ نٔو تٲریخ بنٲو۔ یہِ البم چھُ دُنؠ‌یاہُک ساروٕے کھۄتہٕ زیٛادٕ کٕنَن وول البم ماننہٕ یِوان۔ گنیز بک آف ورلڈ ریکارڈز مطٲبق، البمَن چھےٚ 65 ملین کاپیہٕ کٕننہٕ آمٕژ۔ البمٕکؠ نوو بٲتو مَنٛز ستھ گٔیہٕ میوزک چارٹن مَنٛز شٲمل گژھنس مَنٛز کامیاب۔

موٗن واک

1983 مَنٛز، موٹاؤن ٹی وی سپیشلَس مَنٛز، مایکل جیکسنن کوٚر تھرلر البم کِس بٲتس 'بلی جین' بٲتس مَنٛز اَکھ نٔو ڈانس تحریک متعارف، یُس لوٗکھ وُچھِتھ حٲران گٔیہٕ۔ اَتھ اقدام آو پتہٕ 'موٗن واک' ناو دِنہٕ۔ مون واک ڈانس چھُ اَکھ چال یُس ناظرین ہٕنزِ نظرِ دھوکہٕ دِوان چھُ یَتھ مَنٛز نژن وول بظاہر برونہہ کُن پکان چھُ مگر امہِ بدلہٕ چھُ پتھ کُن گژھان۔ موٹاؤنس مَنٛز اَمہِ ٹی وی پروگرام کس دٔیمہِ دۄہ آو تھرلر ہٕنٛدس فروختس مَنٛز واریاہ گنہٕ اضافہٕ وٕچھنہٕ۔

بیڈ تہٕ پلاسٹک سرجری

1987تٔمؠ سٕنٛدس البم "بیڈ" کس ویڈیوس مَنٛز، مایکل آو سفید شکلہِ مَنٛز وچھنہٕ، ییٚمہ سٟتؠ یہِ افواہ بڑٲو زِ تٔمِس ٲس پلاسٹک سرجری یا ژمہٕ بلیچنگ کرنہٕ آمٕژ۔ مگر یمو افواہو ہیوٚک نہٕ مایکل سٕنٛز مقبولیت نۄقصان واتناوتھ، تہٕ تٔمؠ سُنٛد البم 'بیڈ' کٕنؠ ترٕٛہ مِلیَن کھۄتہٕ زیٛادٕ کاپیہٕ۔ امہِ البم چہ مقبولیت پتہٕ، جیکسنن کوٚر پنُن گۄڑنیُک سولو ٹور شۆروٗع۔ 'بیڈ' کیٚن کنسرٹن مَنٛز، ییٚتہ جادو ہٕنٛز چالہٕ تہٕ لیزر اِستِمال ٲسؠ کرنہٕ یوان، جیکسن تہٕ آو کرینس پیٚٹھ سامعینن ہٕنٛدیٚن کلن پیٚٹھؠ گزران وٕچھنہٕ۔ اَمہِ دورٕ کیٚن ٲخری دۄہن مَنٛز، لیٚچھ جیکسنن پنٕنؠ زانہِ زِندگی تہٕ لیوٗکھ:

بہٕ چھُس دُنؠ‌یا کیٚنٛہو کُنُے لوٗکَن مَنٛز اَکھ۔

ہِپ ہاپ

1991 مَنٛز، مایکل جیکسنن کٔر موسیقار ٹیڈی ریلی پننہٕ نٔو البم 'ڈینجرز' خٲطرٕ حٲصل۔ اگرچہ یہِ البم آو نہٕ مداحن تہٕ نقادن دۄشوٕنی ہِشی پسند کرنہٕ، مگر اَتھ مَنٛز ٲسؠ مایکل سٕنٛدؠ کیٚنٛہہ مَشہوٗر بٲتھ شٲمل۔ یمن بٲتن مَنٛز چھِ بلیک اینڈ وایٹ، ریمیمبر دی ٹایم تہٕ ان دی کلوزٹ شٲمل۔

البم کس پروموشنس دوران، جیکسنن دژ امریکی ٹی وی میزبان اوپرا ونفریس پنن اَکھ شو پرفارم کرنہٕ خٲطرٕ پننہٕ کھیت 'نیورلینڈ' مَنٛز دعوت، یَتھ مَنٛز مایکلن شرکت کٔر۔ شوہس دوران ووٚن مایکلن زِ تٔمؠ سُنٛد مول اوس أمِس مار دِوان، زِ تٔمِس ٲس دۄیہِ لٹہِ پلاسٹک سرجری کٔرمٕژ تہٕ تٔمؠ سٕنٛدِ مسلُک رنگ بدلُن اوس اکہِ بیمارِ ہُنٛد نتیجہٕ یٔمؠ مسلٕکؠ زَدٕ نۄقصان واتنوو۔

اِلزام

1993 مَنٛز کوٚر 11 وُہُر جوڈی چاندلر سٕنٛدِ عیالن مایکلس پؠٹھ شُرین سٟتؠ بدسلوکی ہُنٛد اِلزام۔ مایکل جیکسنَن کوٚر اِلزامَن نکار، مگر لاس اینجلس پُلیسَن کوٚر مایکل سٕنٛدِس گَرَس پؠٹھ چھاپہٕ ییٚلہِ سُہ مشرق بعید کِس دورَس پؠٹھ اوس۔ مایکلن کوٚر پتہٕ شُرؠ سُنٛد عیال عدالتہٕ نؠبر اندازٕ مطابق 20 ملین ڈالرن مَنٛز۔ أکِس فون کالَس مَنٛز کوٚر جوڈی چاندلر سٕنٛدِ مٲلہِ اعتراف زِ مایکل جیکسن اوس بےٚ قصوٗر تہٕ مظلوٗم سُنٛد مقصد اوس دولت حٲصِل کرُن۔

خاندر

1994 مَنٛز کوٚر مایکلن مرحوٗم امریکی گلوکار ایلوس پریسلی سٕنٛز کورِ لیزا میری پریسلی سٟتؠ خانٛدر، یۄس صرف 19 رؠتن تام روٗد۔ 1997 مَنٛز، آو مایکل جیکسن راک اینڈ رول ہال آف فیمس مَنٛز شٲمل کرنہٕ، تہٕ تٔمؠ کوٚر غیر متوقع طور أکس نرس ڈیبی روہس سٟتؠ خانٛدر، ییٚمس سٟتؠ أمس اَکھ نیٚچو، پرنس مایکل اوس۔ 1998 مَنٛز، زاے تمن اَکھ کوٗر پیرس مشیل کیتھرین، تہٕ 1999 مَنٛز کوٚر مایکل تہٕ ڈیبی طلاق۔

مجسمہٕ

1995 مَنٛز، ییٚلہ مایکل پاپ میوزک شہنشاہ سُنٛد تاج لاگنہٕ اوس یوان، مایکلن لگٲو پنٕنؠ نٔو البم 'ہز سٹوری' فروغ دنہٕ خٲطرٕ یورپس مَنٛز پنٕنؠ تھٔدؠ مجسمہٕ۔ اَتھ البمس مَنٛز ٲس تٔمؠ سٕنٛدیٚن ساروٕے کھۄتہٕ مشہوٗر بٲتن تہٕ نٔوؠ بٲتن ہٕنٛز سی ڈیز شٲمل۔ نیہٕ والہٕ وریہٕ کوٚر مایکلن برٹ ایوارڈن مَنٛز پنُن ہٹ بٲتھ ارتھ سونگ پرفارم۔

شہرتس مَنٛز کٔمی

2003 مَنٛز، مایکل سُنٛد نوٚو البم، انسٹیبل، روٗد صرف شیٚن ہفتن تام میوزک چارٹن پؠٹھ۔ امہِ البمُک صرف اَکھ بٲتھ 'راک مایی ورلڈ' آو دُنؠ‌یاہس مَنٛز ریلیز کرنہٕ۔ جیکسنن دیُت البم چہ ناکٲمی ہُنٛد الزام تشہیر نہ آسنُک الزام تہٕ ووٚن زِ کٔمی اوس سونی سٟتؠ پنُن معاہدٕ تجدید کرنس انکار کہ وجہ سٟتؠ۔

أتھؠ دوران، مایکل سٕنٛز ذٲتی زندگی ٲس بیٚیہِ اکہِ لٹہِ خبرن مَنٛز ییٚلہ تٔمؠ پنُن 11 رؠتن ہُنٛد نیٚچو، شہزادہ مایکل کمبلَس مَنٛز ؤلِتھ تہٕ لوٚگُن جرمن ہوٹلٕک تِلہٕ پؠٹھ۔ أکِس ٹی وی دستاویزی فلمہِ مَنٛز کوٚر مایکل اعتراف زِ سُہ چھُ پنٕنؠ شُرِ أمِس سٟتؠ شۄنٛگان۔

گِرِفتٲری

2003 ہَس مَنٛز کوٚر پُلیسَن مایکل سٕنٛدِس نیورلینڈ رینچَس پؠٹھ بیٚیہِ چھاپہٕ تہٕ کوٚرُکھ 14 وُہُر لٔڑکہٕ گیون آرویزوَس سٟتؠ مبینہٕ بدسلوکی باپتھ گِرِفتٲری وارنٹ جٲری۔ مایکلن کوٚر پَنُن پان پُلیٖسس حوالہٕ تہٕ آو ہتھکٔرِ لاگنہٕ تہٕ آو پُلیٖس تھانس مَنٛز نِنہٕ۔

مقدمہٕ روٗد پانٛژن رؠتن تام جٲری تہٕ عدالتن کوٚر مایکل بٔری۔ مُقدِمہٕ تہٕ دیوالیہ آسنٕچ خبرٕ پتہٕ گوٚو مایکل بحرینَس مَنٛز آباد۔

واپسی

مارٕچ 2009 مَنٛز، کوٚر مایکلن أکس پریس کانفرنسہٕ مَنٛز اعلان زِ سُہ چھُ ٲخری لٹہٕ پاپ میوزک کس دُنؠ‌یاہس مَنٛز واپس قدم تھاوان تہٕ لندنس مَنٛز 50 کنسرٹن ہٕنٛدس دورس سٟتؠ واپس۔ یِمَن کنسرٹَن خٲطرٕ آیہِ 750,000 ٹکٹہٕ کٕننہٕ خٲطرٕ پیش کرنہٕ تہٕ گۄڑنِکؠن کینٛہَن دۄہَن مَنٛز آیہِ تمام ٹکٹ کٕننہٕ۔ مییَس مَنٛز، تقریبہِ ہٕنٛدیو نٲظمَو کوٚر گۄڈنِکؠ کینٛہہ شو دوبارٕ شیڈوٗل، یہِ وونُن زِ مایکلس چھِ ریہرسل خٲطرٕ زیٛادٕ وقتٕچ ضرورت۔ مگر یِمن ہٕندِ خٲطرٕ واپس یِن اوس نہٕ مُمکِن۔ تہٕ موتَن دِژ تِمَن دِنہٕ۔

موتھ

25 جوٗن 2009 مَنٛز، گُزریو سُہ لاس اینجلسس مَنٛز 50 ؤری وٲنٛسہِ مَنٛز غٲر معموٗلی مؠقدارس مَنٛز پروپوفولُک انجکشن لگنہٕ سٟتؠ دِلُک دورٕ گژھنہٕ پتہٕ۔

بیٚیہِ ؤچھِو

مایکَل 2026 فِلِم