2026 دِلہِ جنتر منتر احتِجاج
| 2026 دِلہِ جنتر منتر احتِجاج | |||
|---|---|---|---|
 | |||
احتِجاج  ، فاقہٕ ہرتال | |||
| مُلُک | ہِندوستان | ||
| مُقام | • کناٹ پٕلیس • جنتر منتر | ||
| آغاز وَقٕت | 6 جوٗن 2026 | ||
| اِختِتام وَقٕت | 25 جُلَے 2026 | ||
| زَخمین ہُنٛد تعداد | 118 | ||
| وَجَہ | 2026 نیٖٹ تنازٕ | ||
| حیثیت | دھرمیندر پرَٛدھان دِیُت 25 جُلَے 2026 اِستیٖفہٕ تہٕ احتِجاج گوٚو ختم | ||
| جَمٲژٕ | |||
| |||
| رَہنُمٲیی شخصیت | |||
6 جوٗن 2026 پیٹھٕ چھِ کاکروچ جنتا پارٹی (سی جے پی)، اَکھ ہِنٛدُستٲنؠ نوجوانَن پؠٹھ مبنی ٹَسنہٕ سیٲسی تحریٖک یۄسہٕ اَبھِجیٖت دِپکے سٕنٛدِ دٔسؠ قٲیِم کٔرمٕژ چھِ، چھِ سُٹوڈنٹس فیڈریشن آف اِنٛڈیا، آل اِنٛڈیا سُٹوڈنٹس ایسوسی ایشن تہٕ آل اِنٛڈیا سُٹوڈنٹس فیڈریشن ہِشہِ طٲلبہِ عٔلمہِ تنظیمَن سٟتؠ نیہِ دِلہِ ہِنٛدِس جنتر منترَس مَنٛز سِلسِلہٕ احتجاج کران۔[1]مُظٲہِرین کٔر مرکٔزی وزیرِ تٲلیٖم دھرمیندر پرَٛدھان تہٕ ؤزیٖر اعظم نَرینٛدَر مودی سٕنٛدِ 2026 ہُک نیٖٹ پیپر لیٖک گژھنَس تہٕ سی بی ایس ای آن سکرین مارکنگ بےٚ قٲعدگی سٟتؠ سٟتؠ عوٲمی امتحانَن ہٕنٛدِس انعقادَس مَنٛز بٔڑِس تر اصلاحاتن پؠٹھ استعیٖفہٕ دِنٕچ منٛگ۔ کارکُن سونم وانٛگچُکن سٕنٛدِ طرفہٕ 28 جوٗن احتجاجی جایہِ پؠٹھ غٲر معینہ کال خٲطرٕ فاقہٕ ہڑتال شۆروٗع کرنہٕ پتہٕ کٔر احتجاجَن قومی توجہ پانس کُن پھِرِتھ۔[2]
اِبتِدٲیی سوشل میٖڈیا تحریٖک یَتھ کاکروچ جنتا پارٹی ناوٕ سٟتؠ زاننہٕ چھِ یِوان چھِ میی 2026 ہَس مَنٛز ڈِجٹَل کمیونیکیشن حکمت عملی مٲہر ابھیجیت دیپکے یَن سیٲسی طنز پٲٹھؠ بَنٲومٕژ۔ یہِ ناو چھُ ہندوستانٕکؠ چیٖف جسٹس سوٗریہ کانٛت سٕنٛدِس أکِس بیانَس کُن اِشارٕ کَران، یٔمؠ بےٚ روزگار نوجوانَن تہٕ سوشل میٖڈیا کارکُنَن ہُنٛد موازنہٕ "وٹِل" تہٕ "پَرزیٖوَن" سٟتؠ کوٚرمُت۔ آن لایِن بٔڑِس پیمانَس پؠٹھ مشہوٗری حٲصِل کرنہٕ پتہٕ گٔیہِ یہِ تحریٖک آف لایِن مُظٲہرَن مَنٛز تبدیٖل، یِمَن دِلہِ پُلیٖسَن اِجازت دِیُت۔
28 جوٗن 2026 گٔیہِ احتجاجٕچ حرکِیت تَمہِ وِزِ بدلییہِ ییٚلہِ لداخہِ مٲہرِ ماحولیات تہٕ تٲلیٖمی کارکُن سونم وانٛگچُک جنتر منترَس مَنٛز مُظٲہرَس مَنٛز شٲمِل گوٚو۔ تٔمؠ کٔر غٲر معینہٕ کال تام فاقہٕ ہڑتال شۆروٗع، یَتھ مَنٛز بٔڑؠ ہجوٗم تہٕ مُختٔلِف جمٲژ شٲمِل ٲسؠ، یِمن مَنٛز بُزرگ شہری تہٕ شہری تنظیمہٕ شٲمِل ٲسؠ، تہٕ پارلیمنٹَس کُن مارٕچ کرنُک مطالبہٕ کوٚرُن۔
جُلَے 2026 کِس منٛزس مَنٛز، دِلہِ پُلیٖسس مَنٛز قیادتٕچ تبدیلی پتہٕ، افسَرو ہٹٲوؠ احتجاجی جایہِ پؠٹھ بیریکیڈ تہٕ زبردستی وانٛگچُک ہسپتال مُنتقل۔ امہٕ کارروٲیی، دیپکے سٟتؠ وابستہٕ سیاہی لگاونہٕ کس واقعس سٟتؠ، کٔر میڈیاہک توجہ نوجوانن ہنٛز بےٚ روزگٲری کین احتجاج تہٕ بٔڑ مسٲیلن کُن پانس کُن پھیٖرِن۔[3]
اَتھ وقتس دوران گٔیہِ واریاہ کٲشِرؠ سِیاسَت دان خاص کر نیشنل کانفرنسٕکؠ رکن تہٕ جۆم تہٕ کٔشیٖر ہُنٛد ؤزیٖرِ اعظم عمر عبداللہ تہِ جنتر منترَس پؠٹھ تہٕ کٔرٕکھ احتِجاج شۆروٗع زِ جۆم تہٕ کٔشیٖر (مَرکَزی عَلاقس) گوٚژھ واپس رِیاستُک درجہٕ دِنہٕ یُن۔[4]
دھرمیندر پرَٛدھان دِیُت 25 جُلَے 2026 اِستیٖفہٕ تہٕ احتِجاج گوٚو ختم
حَوالہٕ
[اؠڈِٹ]- ↑ Pandey، Geeta (1 July 2026). "Why India's cockroach protesters are still on the streets in over 40C heat". BBC News ( اَنگیٖزؠ زَبانہِ مَنٛز). Retrieved 16 July 2026.
- ↑ Pandey، Geeta (16 July 2026). "Indian activist urged to end hunger strike as he loses 9.1kg in 19 days". BBC News. Archived from the original on 18 July 2026. Retrieved 18 July 2026.
- ↑ "'Atmosphere of intimidation': PIL in Delhi high court questions continuous surveillance of Jantar Mantar protesters". The Times of India. 15 July 2026. ISSN 0971-8257. https://timesofindia.indiatimes.com/city/delhi/atmosphere-of-intimidation-pil-in-delhi-high-court-questions-continuous-surveillance-of-jantar-mantar-protesters/articleshow/132419094.cms.
- ↑ Desk، GK Video. "Democracy being strangled; we were denied a peaceful protest for J&K statehood: CM Omar". www.greaterkashmir.com ( اَنگیٖزؠ زَبانہِ مَنٛز). Retrieved 2026-07-21.