2026 اَمریٖکن وینِنزیوٗلاہس پؠٹھ حملہٕ

2026 اَمریٖکن وینِنزیوٗلاہس پؠٹھ حملہٕ
حِصہٕ Operation Southern Spear، crisis in Venezuela
قٕسٕم	military intervention، ہَوٲیی حَملہٕ، اغوا، violation of international law
جاے	وینَزوٗیِلا (مُلٕک) کاراکاس، Miranda، Aragua، Vargas state
منصوٗبہٕ بندی  کرن وول	اَمریٖکی فوج
حُکُم   دِنہٕ وول	ڈونالڈ ٹرمپ
نِشانہٕ	نِکولاس مادُرو، سیلِیا فلوریس
تٲریٖخ	3 جَنؤری 2026
نتیٖجہٕ	capture of Nicolás Maduro
ہلاکتہٕ	24، 32، 2 ہَلاک 7 زخمی

2026 اَمریٖکن وینِنزیوٗلاہس پؠٹھ حملہٕ، یَتھ آپریشَن ایبسَلیوٗٹ رِزالو تہِ ونان چھِ، اوس اَکھ فَوجی آپریشَن یُس 3 جَنؤری 2026 ہَس مَنٛز امریکہ کہِ طَرفہٕ وینیٖزویلاہَس پؠٹھ کَرنہٕ آو۔ اَتھ آپریشَنَس دَوران کٔر امریکی فَوجَن وینیٖزویلاہٕکِس صَدٕر نیکولَس مادُورو تہٕ تِہُنٛزِ خانداریٚنؠ سیٖلیا فلوریسَس گِرفتار تہٕ سٟتؠ ووت امریکہٕچِ ہَوٲیی فَوجَن مُلُکٕکِس رازدٲنؠ کاراکاس تہٕ باقی جایَن پؠٹھ ہَوٲیی حَملہٕ۔ اَمِہ حَملہٕ پَتہٕ گوٚو وینیٖزویلاہَس مَنٛز سِیاسی بحران پٲدٕ۔ وینیٖزویلاہٕچِ نٲیِب صَدٕر ڈیلسی روڈریگیٚز سٟتؠ نِشان دِہی کٔرِتھ پانہٕ عبوٗری صَدٕر مُقَرَر۔ اَتھ واقعس پؠٹھ مِلیٚو دُنیاہَس مَنٛز مُختَلِف رَدِ عَمَل۔

پَسِ مَنٛظٕر

2025 ہَس مَنٛز وینیزوٗیلا تہٕ امریکہَس دَرمِیان تَناوَس مَنٛز اِضافہٕ گوٚو ییٚلہِ امریکہٕکِس صَدٕر ڈونالڈ ٹرَمپَن وینیٖزویلاہٕکِس صَدٕر نیکولَس مادُورو سُندِس حُکوٗمَتَس پؠٹھ منشیات کِننِک (Narco-terrorism) اِلزام لَگٲو۔ امریکہَن دۄہرو یہِ داوا زِ مادُورو چھُ جَنوٗبی امریکہ پؠٹھ امریکہَس مَنٛز منشیات (drugs) سوزنَس مَنٛز مُلَوٕث۔

تیلُک تہٕ جُغرافیٲیی سِیاسَتھ

صَدٕر ٹرَمپَن کٔر وینیٖزویلاہُک تیٖل کَنٹرول کَرنٕچ دِلچَسپي ظٲہِر، تہٕ ووٚنُکھ: "أسؠ چھِ تیلُک کاروبار کَران، ... أسؠ کِنَو تیٖل۔"
وینِنزیوٗلا چھُ دُنیاہٕکِ سارِوٕے کھۄتہٕ بٔڑِ تیلُکِ زَخیٖرٕ

وینِزوٗیلاہَس چھِ دُنیاہٕکِ سارِوٕے کھۄتہٕ بٔڑِ تیلُکِ زَخیٖرٕ دَستیاب، مَگر 2026 کِس حَملہٕ برٛونٛہہ ٲس اَمِچ پٲداوار امریکی پابَندیَن تہٕ اَندروٗنی بَد اِنتِظامی کِنؠ واریاہ کَم گٔمٕژ۔ جَنؤری 2026 تام ٲس مُلکٕچِ تیلٕچِ پٲداوار تَقریٖبَن 10 لَچھ بیرَل پرٛؠتھ دۄہ (1 million bpd) تام مَحدوٗد روٗزمٕژ، ییٚلہِ زَن اَمِچ زیٛادٕ تَر بَرآ مَد (Exports) چیٖن تہٕ روٗسَس کُن ٲس گَژھان۔ امریکہٕچِ نٔوِ اِنتِظامیہٕ ٲس یَژھان زِ وینیٖزویلاہُک تیٖل یِیہِ یِنہٕ والؠن ؤریَن مَنٛز مَغرِبی بازرُک حِصہٕ بَنُن تہٕ چیٖنُک اَثَر رسوٗخ یِیہِ کَم کَرُن۔

حَملہٕ تہٕ گِرفتٲری

3 جَنؤری 2026 کِس صُبحَس (وینیٖزویلا وَقتہٕ مُطٲبِق) کٔر امریکی ہَوٲیی فَوجَن کاراکاس تہٕ شُمٲلی وینیٖزویلاہَس مَنٛز مُختَلِف فَوجی ٹِکانَن پؠٹھ بمبٲری۔ اَتھ دوران آو "آپریشَن ایبسَلیوٗٹ رِزالو" تَحَت صَدٕر مادُورو تہٕ تِہُنٛزِ خاندارِنی گِرفتار کَرنہٕ۔ رِپورٹَو مُطٲبِق آو تِہَن نیو یارک نِنہٕ ییٚتہِ تِمَن پؠٹھ عَدالَتس مَنٛز مُقَدمہٕ چَلیٛو۔

رَدِ عَمَل

• وینَزوٗیِلا: نٲیِب صَدٕر ڈیلسی روڈریگیٚزَن کٔر اَمِچ سَخٕت مذمَت تہٕ ووٚنُن زِ یہِ چھُ وینیٖزویلاہٕچِ خۄد مۄختیٲری پؠٹھ حَملہٕ۔
• اَمریٖکہ: صَدٕر ٹرَمپَن ووٚن زِ یہِ چھُ منشیات خِلاف اَکھ ضِروٗری قَدَم۔ امریکی کانگریسَس مَنٛز چھُ اَتھ پؠٹھ بَحَث جٲری زِ اَما صَدٕرَس اوسا کانگریسِ ہٕنٛزِ اِجازَتہٕ وَرٲے یہِ حَملہٕ کرنُک حَق۔
• بَین الاقوٲمی: چیٖن تہٕ روٗس سَن کٔر اَمِچ مذمَت، ییٚلہِ زَن کیٚنٛہہ باقی مُلکَو کٔر اَمِچ حِمایَت۔