2025 بنگلور رَشَس منٛز لتہٕ مۆنٛڈ

2025 بنگلور رَشَس منٛز لتہٕ مۆنٛڈ

تٲریٖخ	4 جوٗن 2025
وَقٕت	5 pm - 7 pm (آئی ایس ٹی)
پَتا	M. چناسوامی سٹیڈیم, بنگلور
قٕسٕم	رَشَس منٛز لتہٕ مۆنٛڈ
وَجہ	جشنن دورانُک زیادٕ رَش
ہَلاک	11
زخمی	50

4 جوٗن 2025 گوٚو بنگلورو، ہندوستانَس مَنٛز روئل چیلنجرز بنگلوروُک گۄڈٕنیُوک اِنڈین پریمیئر لیٖگ ٹایٹل زینُک جشن مناوَن وٲلِس فتح پریڈَس دوران رَشَس مَنٛز لتہٕ مۆنٛڈ۔ یہِ واقعہٕ گوٚو ٹیمُک ہوم گراؤنڈ ایم چناسوامی سٹیڈیمَس نٮ۪برٕ کٔنؠ ییٚتہِ واریٛاہ تعدادَس مَنٛز بیٖڑھ جمع اوس گوٚمُت۔ سٹیڈیمَس سٟتؠ لٔگِتھ سڑکَن پؠٹھ سپدَن وٲلِس کرشَس مَنٛز گٔیہِ کاہ نَفر ہلاک تہٕ 50 کھۄتہٕ زِیٛادٕ زخمی ۔

واقعات

4 جوٗن 2025 دۄہ دُپہرَس 2 بجے پٮ۪ٹھٕ کٔر بٔڑِس تعدادَس مَنٛز مداح چنناسوامی سٹیڈیمَس أنٛدؠ پٔکھؠ جمع گژھُن۔ دُپہرَس 3 بجہِ گٔیہِ بٔڑِس تعدادَس مَنٛز لوٗکَن ہٕنٛدِ یِنہٕ سٟتؠ سٹیڈیمَس أنٛدؠ پٔکھؠ ٹریفک رُکاونہٕ۔ دُپہرَس 3.30 بجہِ پٮ۪ٹھٕ کٔر شائقین نزدیٖکی سڑکَن پؠٹھ واقع 13 گیٹو منٛزٕ أکِس ذٔریعہٕ سٹیڈیمَس مَنٛز دٲخٕل گژھنٕچ کوٗشش۔ شائقین خٲطرٕ مُفت پاسَن ہٕنٛدِ اعلانَس کِس نٔتیٖجَس مَنٛز گٔیہِ ٹکٹ ہولڈرَن سٟتؠ ٹکٹ کم شائقین سٹیڈیمَس مَنٛز اژنٕچ کوٗشِش۔ اَمہِ کِس نٔتیٖجَس مَنٛز گوٚو ہنگامہٕ ییٚلہِ لوٗکَو بیریکیڈَن پؠٹھ دَکہٕ دِیُت تہٕ باڑَن تہٕ دیوارن پؠٹھ کھسُن۔ پُلیسَن کٔر لٲٹھی چارجُک اِستعمال کٔرِتھ بیٖڑھ پؠٹھ قوبوٗ کرنٕچ کوٗشش۔