2025-2026 ایٖرٲنی احتِجاج

2025-2026 ایٖرٲنی احتِجاج
2025-2026 ایٖرٲنی احتِجاج
حِصہٕ احتجاج اِسلأمی جمہوٗرییت خلاف
	تِم شہر یِمن منٛز احتجاج چالوٗ چھہِ
تٲریٖخ	2020s
جاے	ایٖران
وَجَہ	پس منظر ؤچھِو
مَقصد	اِسلأمی جمہوریہُک تختہٕ پؠٹھ والُن; معاشی بد انتظامیُک خاتمہٕ شرح مبادلہٕ ہُنٛد ڈَنجہِ روزُن; عام شہرین تہٕ تٲجرن ہٕنٛز مشکلاتن دور کرُن; ;
طریقہٕ کار	ہرتال; احتِجاج; آن لاین ایٚکٹِوِزم; سٹوٗڈنٛٹ ایٚکٹِوِزٕم;
صوٗرتحال	جٲری
جماعتہٕ
ایرٲنی سرکار	ایرٲنی احتِجاج کرن وٲلؠ
اہم حثیَت
	علی خامنہ ای; مسعود پیزشکیان; غلام حسین محسنی ایجی; احمد رضا رادان; محمد پاکپور; محموٗد حقیقت X; کانٛہہ تہٕ مَرکٔزی لیٖڈر نہٕ ; رضا پہلوی چھَ علامتی اہمیت
یوٗنِٹ یِم شأمل چِھ
	اصلی نمبر چھُ نہٕ مولوٗم کینٛہہ لچھہٕ بٔدؠ احتجاج کرن وٲلؠ
ہلاکتہٕ تہٕ نۄقصان
1 پُلیٖس سربراہ ہلاک ; کم از کم 568 زخمی	کم از کم 35 مُظٲہِرین ہلاک; ہتہٕ بٔدؠ زخمی; 1,200 گِرِفتار

2025–2026 ایٖرٲنی احتِجاج چھِ ایٖرانَس مَنٛز جٲری اَکھ بٔڑ اِحتِجاجی تَحریٖک یۄس 28 دَسمبَر 2025 شۆروٗع گٔیہِ۔ یِمَن مُظاہرَن ہُنٛد بُنیٲدی مَقَصَد چھُ مُلکٕچ خَراب مُعٲشی حالت، بَڑان درٛۄجر، تہٕ سِیٲسی نِظامَس خِلاف اِظہارِ نارٲضگی۔ یِم مُظاہَرٕ چھِ 2022 ہٕنٛدِ "زٔنؠ، زِندَگی، آزٲدی" تَحریٖک پتہٕ سارِوٕے کھۄتہٕ بٔڑ عَوٲمی بَغاوَتھ مانہٕ یِوان۔میڈیا رپوٹو دِیُت مہسا امینی سٕنٛدِ مرنہٕ پتہٕ 2022 ہٕکؠ ملک گیر احتجاجَو پتہٕ ایرانَس مَنٛز ساروٕے کھۄتہٕ بوٚڑ احتجاج۔

پَسِ مَنٛظٕر

2025 کِس ٲخِرس مَنٛز گٔیہِ ایٖرانٕچ کرنسی (ریال) ہٕنٛز قَدر واریاہ کَم۔ اَمہِ سٟتؠ بَڑِیہِ مُلکَس مَنٛز درٛۄجر واریاہ زیٛادٕ، خاص کٔرِتھ کھؠن چؠنٕچ چیزَن ہٕنٛزِ قیٖمَتَن مَنٛز اِضافہٕ۔ 28 دَسمبَر 2025 گٔیہِ تہران کِس گرینڈ بازارَس مَنٛز دُکان دارَن ہٕنٛدِ طَرفہٕ ہَرتال شۆروٗع، یۄس جَلدی باقی شَہَرَن مَنٛز تہِ پھٔلِیہِ۔^[3]

اَہَم واقعہٕ

28 دَسمبَر 2025

تِہرانَس مَنٛز شۆروٗع، یَتھ مَنٛز دُکان دار تہٕ تٲجِر شٲمِل ٲسؠ۔

جَنؤری 2026

مُظاہَرٕ پھٔۄلیٛو ایٖران کِس 27 کھۄتہٕ زیٛادہٕ صوٗبَن مَنٛز۔ پُلیٖس تہٕ سِکیورِٹی فوجو کٔر مُظاہریٖنَن پؠٹھ طاقتُک اِستِعمال۔

نعرٕ: مُظاہریٖنَن کۆر شۆروٗع "مرگ بر خامنہ ای" (خامنہ ای یَس موتھ) تہٕ "نہَ غَزہ، نہَ لؠبنان، جانَم فِدائے ایٖران" (نہَ غزہ خٲطرٕ، نہَ لؠنان خٲطرٕ، مِیوٚن زُو ایٖرانَس خٲطرٕ قۄربان)۔

نۄقصان تہٕ گِرِفتٲری

حُقوٗقِ اِنسٲنی تَنظیٖمَن ہٕنٛدِ مُطٲبِق چھِ وُنیُکھ تام 35 پؠٹھ 36 نَفَر ہَلاک گٔمٕتؠ، یِمَن مَنٛز کاہ شُرؠ تہِ شٲمِل چھِ۔ 1200 کھۄتہٕ زیٛادٕ لوُکھ چھِ حِراسَتَس مَنٛز نِنہٕ آمٕتؠ۔

رَدِ عَمَل

ایٖرٲنی حوُکوٗمَتھ: سُپریٖم لیٖڈَرَن ووٚن زِ یِم چھِ "دُشمَنَن ہِنٛز سٲزِش" تہٕ سِکیورِٹی فورسَس دیتُن سَختی سان نِپٹَنُک حُکُم۔
بَینُ الاقوٲمی: اَمریٖکہ تہٕ یوٗرَپی یَکجوت کٔر مُظاہریٖنَن پؠٹھ تَشَدُدٕچ مُذَمَتھ۔

حَوالہٕ

↑ "Iran: Police officer shot dead in Iranshahr | Caliber.Az". caliber.az ( اَنگیٖزؠ زَبانہِ مَنٛز). 8 January 2026. Retrieved 7 January 2026.
↑ "خبرگاه؛ علی اردستانی به اتهام "جاسوسی" برای اسرائیل اعدام شد – DW – ۱۴۰۴/۱۰/۱۷". dw.com ( فارسی زَبانہِ مَنٛز). Retrieved 7 January 2026.
↑ Parent, Deepa; Christou, William (2025-12-31). "‘We want the mullahs gone’: economic crisis sparks biggest protests in Iran since 2022" (in en-GB). The Guardian. ISSN 0261-3077. https://www.theguardian.com/world/2025/dec/31/we-want-the-mullahs-gone-economic-crisis-sparks-biggest-protests-in-iran-since-2022.

[1] "Iran: Police officer shot dead in Iranshahr | Caliber.Az". caliber.az ( اَنگیٖزؠ زَبانہِ مَنٛز). 8 January 2026. Retrieved 7 January 2026.

[2] "خبرگاه؛ علی اردستانی به اتهام "جاسوسی" برای اسرائیل اعدام شد – DW – ۱۴۰۴/۱۰/۱۷". dw.com ( فارسی زَبانہِ مَنٛز). Retrieved 7 January 2026.

[3] Parent, Deepa; Christou, William (2025-12-31). "‘We want the mullahs gone’: economic crisis sparks biggest protests in Iran since 2022" (in en-GB). The Guardian. ISSN 0261-3077. https://www.theguardian.com/world/2025/dec/31/we-want-the-mullahs-gone-economic-crisis-sparks-biggest-protests-in-iran-since-2022.

[1]

[2]

[3]