2024 جۆنوٗبی کۄرِیا مارشل لا بحران
| 2024 جۆنوٗبی کۄرِیا مارشل لا بحران | |
|---|---|
 | |
martial law  | |
| یَمِیُک پہلو | یوٗن سُک ییٛول |
| مُلُک | جۆنوٗبی کۄرِیا |
| اِنتِظٲمی حِصَس مَنٛز | جۆنوٗبی کۄرِیا |
| مُقام | جۆنوٗبی کۄرِیا |
| یَتھ دٲیرٕ اِختِیارس پؠٹھ لاگوٗ | جۆنوٗبی کۄرِیا |
| آغاز وَقٕت | 3 دَسَمبَر 2024 |
| اِختِتام وَقٕت | 4 دَسَمبَر 2024 |
| شریک | یوٗن سُک ییٛول، Park An-su ، Kim Yong Hyun |
| وَجَہ | یوٗن سُک ییٛول |
| اَمِیُک اَثر | 2024-2025 جۆنوٗبی کوریاہُک سیاسی بحران، Impeachment of Yoon Suk Yeol ، 2024 جۆنوٗبی کۄرِیا مظاہرٕ، arrest of Yoon Suk Yeol |
| نؠنراونٕچ تٲریٖخ | 3 دَسَمبَر 2024 |
2024 جۆنوٗبی کوریا مارشل لا آو صدر یوٗن سُک ییٛول سٕنٛدِ دٔسؠ 3 دَسَمبَر 2024 شۆروٗع کرنہٕ۔ یہِ واقعہٕ اوس 1980 تھس مَنٛز فوجی آمریت دوران مارشل لا لگاونہٕ پتہٕ جۆنوٗبی کوریا کِس تٲریخَس مَنٛز گۄڈنُیٛک مارشل لا ۔ صدر یونَن کٔر یہِ قدم شُمٲلی کوریا ہٕنٛدِ اثر و رسوخٕکؠ اِلزامن تہٕ حزب اِختلاف جمٲژ ہٕنٛدِ مُبینہٕ ریاستہٕ خٕلاف رٔویہ کِس تناظرس مَنٛز۔ وونہِ گۆ مارشل لا آو صِرِف شیٚن گٲنٛٹن انٛدر تُلنہٕ۔
19 فَرؤری 2026 آیہ یوٗن تہٕ اَتھ واقعس مَنٛز شٲمل باقی افراد بغاوت کس الزامس مَنٛز مجرم لبنہٕ۔ یوٗن آو عمر قیدک سزا دنہٕ، ییٚلہ زن کِم یونٛگ ہیونس آیہ 30 ؤری جیلک سزا دنہٕ۔[1]
پس منظر
[اؠڈِٹ]صدر یوٗن سُک ییٛول، یُس 2022 مَنٛز عہدٕ سمبالنہٕ پتہٕ مُختٔلِف بحرانن ہُنٛد سامنہٕ کران چھُ، أمؠ کٔر پننِس دورَس مَنٛز واریاہ تنازعہ تہٕ سیٲسی بحران پٲدٕ۔ حزب اِختلاف جماعتَو چھُ تٔمِس پؠٹھ آمرانہٕ رُجحانَن ہُنٛد الزام لگٲومُت۔ 3 دَسَمبَر 2024 ہس مَنٛز کۆر صدر یونَن ژیٖرؠ رٲژ پننِس خطابس مَنٛز قومی اسمبلی کین ارکانَن پؠٹھ "ریاستہٕ خٕلاف سرگرمیَن" تہٕ شُمٲلی کوریا سٟتؠ ہمدردی ہُنٛد اِلزام لگٲوِتھ مارشل لا ہُک اعلان۔
رد عمل
[اؠڈِٹ]مارشل لا ہُنٛد اعلان کرنہٕ پتہٕ کۆر قومی اسمبلی ہٕنٛدیو رُکنو ہنگٲمی قراردادٕ ذٔریعہٕ مارشل لا غٲر قونوٗنی قرار۔ حٲضِر تمام 190 ارکانو دِیُت قراردادٕک حقَس مَنٛز ووٹ، ییٚمہِ پتہٕ صدر یونَس پیو یہِ قدم واپس نِنؠ۔ مارشل لا آو 4 دَسَمبَر 2024 صُبحٲے 4:50 بجہِ رسمی طور تُلنہٕ۔
اثرات
[اؠڈِٹ]امہِ واقعہٕ سٟتؠ آو جۆنوٗبی کوریا ہٕچ سیاستَس مَنٛز اَکھ نۆو موڑ، ییٚتہِ صدر یوٗنَس پؠٹھ آمرانہ قدمو نِش بچنہٕ خٲطرٕ دباو آو ۔ اَمہِ قدمو سٟتؠ گٔیہِ دیٖشس مَنٛز سیٲسی تَقسیٖم گٔیہِ۔ مُشٲہِدٕ کَرن والؠو چھُ یہِ قدم "جمہوری شِکس" ہٕنٛز علامت قرار دِژمُت۔
حَوالہٕ
[اؠڈِٹ]- ↑ "Former South Korean president Yoon Suk Yeol gets life sentence over martial law attempt". CNBC. CNBC. 19 February 2026. Retrieved 19 February 2026.