2010 مَژِھل ایٚنکَونٛٹر
مَژِھل فیک ایٚنکَونٛٹر ، یَتھ مَژِھل ایٚنکَونٛٹر تہٕ ونان چھ، چھٗ اَکھ پُلیٖس ایٚنکَونٛٹر حَوالہٕ دِوان، یٗس ہنٛدستٲنہ فوجن 29 اپریل 2010 دوہ ترٛیٚن کٲشرؠن شہری شزاد احمد خان (27) شعفی احمد لون (19) تہٕ ریاض احمد لون (20) مٲرِتھ تہٕ یمن پؠٹھ مُفکرانہٕ دہشت گردانہ آسنٗک لیبل لگٲوتھ کوٚر۔ ہندوستان، پاکستان تہٕ چیٖنس درمیان 1947 ہس مَنٛز شورش شروٗع گژھنہٕ پتہٕ جموں و کشمیر منٛز اِنسٲنی حقوٗقن ہنٛز ساروٕے کھۄتہٕ بٔڑ خلاف ورزی مانٛنہٕ ینہٕ وٲلؠ ترٛیٚو آیہ جموں و کشمیر کس کۄپوور ضِلہٕ کس مَژِھل علاقس مَنٛز لائن آف کنٹرولس پؠٹھ مارنہٕ۔
یہِ اوس خبر ر میڈیا تہٕ قومی تہٕ بین الاقوٲمی اِنسانی حقوٗق تنظیمن، یمن مَنٛز ایمنسٹی انٹرنیشنل شٲمل چھ، سٟتؠ سٟتؠ حزب اختلاف تہٕ مرکزی دھارٕک سِیٲسی پارٹین، یمن مَنٛز تمہ وقتٕچ حکمران جماعت نیشنل کانفرنس تہٕ انڈین نیشنل کانگریس شٲمل چھ، بٔڑس پیمانس پؠٹھ کوٚرمُت۔ مَژِھل فیک ایٚنکَونٛٹر بنیو٘ جموں و کشمیر کس تٲریٖخس مَنٛز گوڈنیوک مٗقابلہ ییٚلہٕ فوجن پننؠن اہلکارن خطس مَنٛز اِنسٲنی حقوٗقن ہنز خلاف ورزی باپت سزا دژ۔[1]
پس منظر
[اؠڈِٹ]اپریل 2010 ہَس مَنٛز آیہِ نادیہل گامٕکہِ ترٛےٚ نفر عبدالحمیٖد تہٕ عباس احمد سٕنٛدِ طرفہٕ کٲم کٔرِتھ فوجی ذٔریعہٕ بشیر احمد لون سٕنٛدِ دٔسؠ نوکری ہُنٛد وعدٕ تہٕ 2000 رۄپیہِ دۄہ اجرتُک لالچ دِنہٕ۔ اَمہِ بجایہِ آیہِ تِم 4 راجپوتانہ رایفٕلزَس پرٛٮ۪تھ أکِس 50,000 رۄپیَن مَنٛز حَوالہٕ کرنہٕ تہٕ ایٚل او سی یَس نزدیٖک أکِس مُقابلَس مَنٛز مارنہٕ، یَتھ پٲکِستٲنہِ دہشت گرد قرار دِنہٕ آو ۔ اَمہِ پتہٕ کوٚر فوجن ہتھیار تہٕ پٲکِستٲنہِ کرنسی بازیافت کٔرِتھ دراندازی ہِنٛز کوٗشِش ناکام بناونُک دعوا ۔ پُلیٖس تٔحقیٖقاتہٕ پتہٕ، یَتھ مَنٛز کال رِکارڈ تہِ شٲمِل چھُ، حٔقیٖقت برٛونٛہہ کُن، ییٚمہِ سۭتہِ یہِ ظٲہِر گوٚو زِ مُتٲثِریٖن ٲسہِ کَلاروٗس، کُپواڑس مَنٛز ییٚلہِ مَژِھلس مَنٛز مُتٲثِریٖنَن ہٕنٛدٮ۪و عیالَو اوس تِم لاپتہ گژھنٕچ اطلاع دِژم أکؠ ڈرایورَن کوٚر تِم کۄپوور اتناونُک اعتراف۔ فوجن کٔر لاشہٕ مَژِھلس مَنٛز دفن، مگر پُلیسَن کٔر مُداخلت، ییٚلہِ فوجن مُتٲثِریٖنَن ہُنٛد بُتھ کرٛہُن رنٛگ کوٚرمُت پتہٕ کٔر پُلیسن تِم أکِس مُقٲمی قبرستانَس مَنٛز دفن۔
۔[2]
عدٲلتی مُقَدمہٕ
[اؠڈِٹ]نَو فوجی اہلکارَن (اَکھ کرنل تہٕ زٕ میجر) تہٕ زٕ عام شہریَن سٟتؠ کاہ نفرَن پؠٹھ آو جعلی انکاؤنٹر کیسَس مَنٛز قَتٕل، اغوا، مُجرِمانہٕ سٲزِش تہٕ مشترکہٕ ارادُک اِلزام لگاونہٕ۔ فوجن ییٚلہِ مُلزِم پیش کرنہٕ خٲطرٕ مقٲمی عدالتٕک حُکُم ماننہٕ نِش اِنکار کوٚر، یہِ مقدمہٕ آو ہایی کورٹس مَنٛز تبدیٖل کرنہٕ، ییٚمہِ فوجی عدالتٕچ انکوائری ہُنٛد حُکُم دِیُت۔ 2014 ہَس مَنٛز دِیُت سمری جنرل کورٹ مارشل (ایس جی سی ایم) ملزمَن عمر قٲدُک سزا، ییٚمِچ تصدیٖق فوجن 2015 ہَس مَنٛز کٔرمٕژ۔ فوجٕکہِ ترٛےٚ ذٔریعہٕ آیہِ بٔری کرنہٕ۔ یہِ اوس 25 ؤرؠ یَن مَنٛز گۄڈٕنِچہِ لَٹہِ ییٚلہِ فوجن جموں و کشمیرَس منٛز عام شہری مارنہٕ کِس اِلزامَس مَنٛز عمر قٲدٕچ تصدیٖق کٔر۔
پتہٕ
[اؠڈِٹ]ترٛیٚیو ہنٛد مارنہٕ پؠٹھ آیہ لُکن سخٕت تنقیٖد کرنہٕ ییٚمہ سٟتؠ بغاوت گٔیہ یَتھ مَنٛز جموں و کشمیر پولیس تہٕ سینٹرل ریزرو پولیس فورس (سی آر پی ایف) سٕتہ مختٔلف جھڑپن مَنٛز 113 پؠٹھ 120 نفر ہلاک تہٕ ہتہٕ بٔدؠ افراد زخمی گٔیہ۔[3]
پتہٕ ترقی
[اؠڈِٹ]آرمڈ فورسز ٹریبونلن دژ 5 سزا یافتہٕ فوجی اہلکارن ضمانت تہٕ 2017 ہس مَنٛز معطل کٔرٕن یمن ہنٛز سزا۔[4] وۄنٛگوو، تمہ وقتہٕ چہ حکمران جماعت جموں و کشمیر پیپلز ڈیموکریٹک پارٹی ہنٛز وزیٖرِ اعلی، محبوبہ مفتی سٕنٛز حکومتن کٔر نہٕ سزا یافتہٕ فوجی اہلکارن ہنٛد عمر قید معطل کرنس چیلنج کینٛہہ۔[5]
بییٚہِ وِچٕھو
[اؠڈِٹ]حَوالہٕ
[اؠڈِٹ]- ↑ "Six Army men sentenced to life in Machil fake encounter case". The Hindu. 2016-05-12. Retrieved 2022-02-21.
- ↑ "As Institutions Fail Kashmiris, Machil Fake Encounter Victims' Families Vow to Keep Fighting". The Wire. 2010-04-29. Retrieved 2022-02-21.
- ↑ "Machil 'fake' encounter: Tribunal stays life term to 5 soldiers, gives them bail". Hindustan Times. 2017-07-26. Retrieved 2022-02-21.
- ↑ "Machil fake encounter: Armed Forces Tribunal suspends life terms, grants bail to five military men". Scroll.in. 2017-07-26. Retrieved 2022-02-21."Machil fake encounter: Armed Forces Tribunal suspends life terms, grants bail to five military men". Scroll.in. 2017-07-26. Retrieved 2022-02-21.
- ↑ "Machil Fake Encounter:Armed Forces Tribunal Likely To Hear Case On Jan10". Kashmir Observer. 2019-12-31. Retrieved 2022-02-21.