ہیپاٹایٹس B
ہیپاٹایٹس B چھ اَکھ متعدی بیمٲر یس ہیپاٹایٹس بی وایرس (ایچ بی وی) کہ وجہ سٟتؠ گژھان چھِ یۄس کرٛیٚہنہٕ ماز مُتٲثِر کران چھ۔ یہِ چھِ اَکھ قسمک وایرل ہیپاٹایٹس آسان۔ یہِ ہیٚکہ دۄشوٲے شدیٖد تہٕ خطرناکھ انفیکشنک سبب بنتھ۔[1]
ابتدٲیی انفیکشنس دوران چھنہٕ واریاہن لوٗکن کانٛہہ علامت آسان۔ باقین خٲطرٕ ہؠکن بؠمار گژھنہٕ پتہٕ 30 پیٚٹھٕ 180 دۄہن پتہٕ علامتہٕ ظٲہر گژھتھ تہٕ اَتھ مَنٛز ہؠکن تیزی سان بؠمار گژھنٕچ شروٗعات گژھِتھ یَتھ مَنٛز متلی، دُرٛۄکھ، زرد ژم، تھکاوٹ۔ سیاہ پیشاب تہٕ یٔڑ دگ شٲمل ہیٚکہ ٲستھ۔ شدیٖد انفیکشن دوران چھ علامتہٕ عام طور پٲٹھؠ کینٛہہ ہفتن تام روزان، حالانٛکہ کینٛہہ لوٗکھ چھ شیٚن رؠتن تام بؠمٲرؠ محسوٗس کٔرِتھ ہیٚکان۔ شدیٖد مرحلہٕ ایچ بی وی انفیکشن کہ نتیجس مَنٛز گژھن وٲلہ موت چھ نایاب۔ شیٚن رؠتن کھۄتہٕ زیٛادٕ کالس تام روزن وول ایٚچ بی وی انفیکشن چھ عام طور دایمی (خطرناکھ) مانٛنہٕ یوان۔ تِمن لۆکن مَنٛز چھ دایمی ہیپاٹایٹس بی گژھنک امکان زیٛادٕ آسان یم کم وٲنٛسہ مَنٛز ایچ بی وی سٟتؠ متٲثر چھ آسان۔ زؠنہٕ وز یا اَمہِ پتہٕ جلدٕیہ لگ بگ 90% افرادن مَنٛز چھ دایمی ہیپاٹایٹس بی chronic hepatitis B پٲدٕ گژھان، ییٚلہ زن پانژن ؤرین ہنٛدؠ پتہٕ بؠمار گژھن والؠن مَنٛز چھ 10% کھۄتہٕ کم افرادن مَنٛز دایمی بیمار پٲدٕ گژھان۔ زیٛادٕ تر دایمی بؠمارن chronic disease سٟتؠ چھ نہٕ کنٛہہ علامات آسان۔ تاہم، سرہوسس تہٕ کرٛیٚہنہٕ مازس کنسر چھ بالآخر دایمی(chronic ) ایچ بی وی سٟتؠ تَقریٖبَن 25% مَنٛز تیار گژھان۔
یہِ وایرس چھ متعدی خوٗن یا جسم کہ سیال body fluids کہ ایکسپوزر کہ ذریعہ منتقل گژھان۔ تِمن علاقن مَنٛز ییٚتہ یہِ بؠمار عام چھ، زؠنہٕ وِزِ یا بچپنس مَنٛز باقین لوکن ہنٛدس خوٗنس سٟتؠ رٲبطہٕ سٟتؠ گژھن وول انفیکشن چھِ ساروٕے کھۄتہٕ زیٛادٕ عام طریقہٕ ییٚمہ سٟتؠ ہیپاٹایٹس بی حٲصل چھ گژھان۔ تِمن علاقن مَنٛز یتہ بؠمار چھ نایاب، نسس اندر دَوا ہک اِستِمال تہٕ جنسی تعلقات چھِ انفیکشنک سارِوٕے کھۄتہٕ زیٛادٕ عام وتہٕ۔ باقی خطرٕ والیٚن عواملن مَنٛز چھ صحتٕچ دیکھ بھال، خوٗنٕچ منتقلی blood transfusions، ڈایلیسس مَنٛز کٲم کرٕن، بؠمار شخصس سٟتؠ روزن، انفیکشنٕچ شرح زیٛادٕ وٲلؠ مٕلکن مَنٛز سفر کرن، تہٕ أکس ادارس مَنٛز روزن شٲمل۔ ٹیٹو تہٕ اکیوپنکچر چھِ 1980 کس دہایی مَنٛز کیسن ہِنٛز اَکھ اہم تعدادک بٲعث بنیمٕتؠ، تاہم بہتر نس بندی سٟتؠ چھِ یہٕ کم عام گومُت۔ ہیپاٹایٹس بی وایرس ہیٚکہ نہٕ اتھہٕ سٟتؠ، کھؠن ہٕنٛدؠ بانہٕ بٲگرٲوتھ، مۄنہِ ، مألہٕ مۆت، ژاسہِ ، پۆنٚدِ یا دۄد چنہٕ سٟتؠ پھولِتھ۔ انفیکشنٕچ تشخیص ہیکہ ایکسپوزر کہ 30 پیٹھہٕ 60 دۄہن پتہٕ گژھتھ۔ تشخیصٕچ تصدیٖق چھ عام طور پٲٹھؠ وایرس کیٚن حصن تہٕ وایرس خَلاف اینٹی باڈیز خٲطرٕ خونٕچ جانٛچ کٔرِتھ کرنہٕ یوان۔
ہیپاٹایٹس بی انفیکشن چھ 1982 پؠٹھ ویکسنیشن کہ ذریعہ رکاونہٕ یوان۔ 2022 ہس تام، چھ ہیپاٹایٹس بی ویکسیٖن انفیکشن رکاونہٕ خٲطرٕ 98% تہٕ ویکسین چھ واریاہن ڈوزن مَنٛز دنہٕ یوان۔ اِبتدٲیی ڈوز پتہٕ، مکمل اثرٕ خٲطرٕ چھ پتہٕ زٕ یا ترٛےٚ ویکسین ڈوز درکار آسان۔ ورلڈ ہیلتھ آرگنایزیشن (ڈبلیو ایچ او) چھِ تجویٖز کران زِ بچہٕ چھ زؠنہٕ پتہٕ 24 گھنٹن مَنٛز ویکسین حٲصِل کران ییلہٕ ممکن آسہٕ۔
2019 ہس تام اوس اندازٕ مطٲبق 296 ملین افراد، یا عالمی آبٲدی ہنٛد 3.8%، دایمی ہیپاٹایٹس بی انفیکشن۔ اَمہِ ؤرؠ یہِ گٔیہ مزیٖد 15 ملین افرادن شدیٖد انفیکشن، تہٕ ایچ بی وی کہ نٔتیٖجس مَنٛز گٔیہ 820,000 حلاک۔ سرہوسس تہٕ کرٛیٚہنہٕ مازس کنسر چھ زیٛادٕ تر ایچ بی وی سٟتؠ متعلق موتُک ذمہٕ دار۔ ہیپاٹایٹس بی اوس اصلی "سیرم ہیپاٹایٹس" ناوٕ سٟتؠ زاننہٕ یوان۔[2]
حَوالہٕ
[اؠڈِٹ]- ↑ "Hepatitis MedlinePlus". U.S. National Library of Medicine. Retrieved 2020-06-19.
- ↑ Barker LF، Shulman NR، Murray R، Hirschman RJ، Ratner F، Diefenbach WC، Geller HM (1996). "Transmission of serum hepatitis. 1970". Journal of the American Medical Association. 276 (10): 841–844. doi:10.1001/jama.276.10.841. PMID 8769597.