ہیملیٚٹ

ہیملیٚٹ
ایڈون بوتھ، امریکی اداکار بطور ہیملیٚٹ، 1976
لؠکھن وول	وِلیَم شیکسپِیَر
کِردار	Prince Hamlet، King Claudius، Gertrude، Polonius، Ophelia، Horatio، Laertes، Rosencrantz and Guildenstern، The Ghost، Fortinbras، The Gravediggers، Yorick، Rosencrantz، Guildenstern، Voltemand، Cornelius، Marcellus، Bernardo، Francisco، Reynaldo، Osric، First Player، Second Player، Third Player، Fourth Player، A Captain، Undertaker I، Undertaker II، Priest، Sailor I، Sailor II
اصلی زَبان	اِبتدٲے جدیٖد اَنٛگریٖزؠ
صِنف	شیکسپیئرن ٹریجڑی

ہیملٹ، پرنس آف ڈنمارک چھ اَکھ ٹرٛیجِک ڈراما یس انگریزی شٲیِر ڈرامہ نگار وِلیَم شیکسپِیَر چھ لیکھمُت۔ یم ٲس 1599 تہٕ 1601 ہس درمیان اکہ بالیغ تخلیٖق کس دورس مَنٛز بناونہٕ آمژٕ۔

ہیملیٚٹ چھِ شیکسپیئرک سارِوٕے کھۄتہٕ زیوٗٹھ ڈراما، تہٕ یہٕ چھ عالمی ادبُک سارِوٕے کھۄتہٕ طاقتور تہٕ بااثر کامؠن مَنٛز شُمار یوان کرنہٕ۔یہٕ ٲس شیکسپیئرک پننہٕ زِندگی دوران سارِوٕے کھۄتہٕ مشہوٗر کامؠن مَنٛز اَکھ۔ایم چھ وآریا باقؠن مُصنفینن متٲثر کوٚرمت جان وولف گینٛگ وون گوئٹے تہٕ چارلٕس ڈِکِنٛز پیٹھہٕ جیمز جوائس تہٕ ایرس مرڈوک تام۔

پٔلاٹ

ایٚکٹ اَوَل

ڈرامہ ہیملیٹُک مرکزی کردار چھُ ڈیٚنمارکُک شہزاد ہیملیٚٹ۔ سُہ چھُ بادشاہ ہیملیٚٹ (مٲلِس تہٕ اوس ہیملیٚٹ ناو) سُنٛد نیٚچُو۔ بھوت چھُ شہزادٕ ہیملیٹَس واقعٕچ پوٗرٕ تفصیٖل دِوان۔ تٔمِس چھُ بھوت نِش پتہ لگان زِ أمؠ سٕنٛدِس مٲلؠ سُنٛد مرُن اوس أمؠ سٕنٛدِس پیٚتٕر کلاڈیَسن أمؠ سٕنٛدِس کنَس مَنٛز زَہر تراونہٕ سٟتؠ گوٚمُت، تہٕ یہِ زِ سۄرپھ ٹۄپھ دٔلیٖل ٲس غلط۔ شہزاد ہیملیٚٹ سٕنٛز موج گرٹروڈن کوٚر تؠم سٕندِس مٲل سٕندِ مرنہٕ پتہٕ فوراً کلاڈیسس سٟتؠ خاندر، یمہِ سٟتؠ ہیملیٹس واریاہ پریشان گٔیہ۔ پتہٕ گوٚو سُہ بھوت سٕنٛدِ طرفہٕ لبنہٕ یِنہٕ والیٚو حٔقیٖقتو سٟتؠ بیٚیہِ تہِ صدمس مَنٛز گژھان۔ ہیملیٚٹ چھُ بھوت سٕنٛدِ جُملہٕ 'خوٗنُک بدلہٕ' سٟتؠ پریشان تہٕ اُلجھان۔ تہٕ سُہ چھُ پنٛنِس عٲشق اوفیلیاہس نِش ژلان۔

ایٚکٹ دۆیِم

اوفیلیا سُند مول پولونیئس تہٕ بوے لیٹیرس چھُ تس ہیملیٹس سٟتؠ محبت کرنہٕ نش منع کران، تہٕ سۄ چھِ سرد جواب ہیتھ نیران۔ ہیملیٚٹ چھُ پننِس عٲشق تہٕ پننہٕ ماجہٕ دۄشوٕنی ہنٛز بے وفائی سٟتؠ تباہ گژھان۔ سُہ چھُ مایوسی مَنٛز ڈوبان۔ حالتہٕ نِش بچنہٕ خٲطرٕ چھِ بادشاہ تہٕ ملکہ پنٕنؠ دوست رومین فروڈ تہٕ گلڈا سٹرن ڈرامہ پیش کرنہٕ خٲطرٕ کٲم کران۔ ہیملیٹ چھُ أمؠ سٟتؠ خۄش گژھان۔ تہٕ چھُ سیٚٹ اپ کران پْلے ۔ أکِس منظرَس مَنٛز چھُ سُہ ہاوان زِ اَکھ بابتھٕر چھِ پننِس پیٚترٕ سٕنٛدِس کَنس مَنٛز زہر تراوان۔ یہِ وُچھِتھ چھُ بادشاہ (کلاڈیئس) ڈرامہ نامکمل تراوان۔ تَوَے چھُ ہیملیٚٹ سُنٛد شَک زِ 'أمؠ سُنٛد پیٚتٕر چھُ أمؠ سٕنٛدِس مٲلؠ سُنٛد قٲتل' پوٗرٕ یقیٖنی بنان۔

ایٚکٹ ترٛیِم

موج گرٹروڈ چھِ ہیملیٹس تمس سمکھنہٕ خٲطرٕ آلَو کران۔ پتہٕ چھُ سُہٕ کلاڈیئس خۄدا سٕنٛدِس عبادتس مَنٛز جذب گژھان وچھان۔ تہٕ انتقام نِنٕچ خواہش چھِ أمؠ سٕنٛدِس ذہنس مَنٛز بیدار گژھان۔ مگر أمؠ سُنٛد دِل چھُ نہٕ ہاران تہٕ سُہ چھُ پتہٕ انتقام نِنُک فٲصلہٕ کران تہٕ چھُ پنٛنہِ ماجہِ نِش گَژھان۔ سُہ چھُ شَرارتہٕ سان پنٛنہِ ماجہِ ہِنٛز بے عزتی کَران۔ پتہٕ، پردس پتھ کُن کینٛہہ ژھٹ ژھٹ ہِش حرکت زٲنِتھ، ہیملیٚٹ چھُ أمِس تلوار سٟتؠ حملہٕ کران۔ ییٚمہِ کہِ وجہ سٟتؠ اوفیلیا سُنٛد مول پولونیئس، یُس ژوٗرِ (کھٹِتھ) اوس، مران۔ ہیملیٚٹ چھُ تتہٕ پننس مٲل سُند روٗح ؤچھان۔

ژوٗرِم

یِمَو سارِوٕے سٟتؠ پریشان گژھِتھ چھُ کلاڈیئسَس ہیملیٚٹ اِنگلینڈ سوزان۔ ہیملٹُک عٲشق اوفیلیا مٲلؠ سُنٛد مرنہٕ سٟتؠ شرارت سٟتؠ تہٕ پتہٕ آبس پھٹان۔ ہیملیٚٹ تہٕ لارٹس، یِم اِنگلینڈ پؠٹھ واپس آیہٕ، اوفیلیا سنٛز قبرِ پؠٹھ آمنہٕ سامنہٕ یِوان۔ کلاڈیَس چھُ زٲنِتھ مٲنِتھ عدالتَس مَنٛز دۄشوٕنی درمیان لڑایہِ ہُنٛد اِنتظام کران۔ گرٹروڈ (ہیملیٚٹ سٕنٛز موج) چھِ زہر دار شراب چَنہٕ سٟتؠ مران، لارٹس تہٕ چھُ ہیملیٚٹ سنٛز تلوار سٟتؠ زخم سٟتؠ مران۔ تہٕ ٲخرس مَنٛز، ہیملیٹ تہٕ کلاڈیئس چھِ زہریلہٕ تلوارو سٟتؠ مران۔ تَوَے چھِ ژور لاشہٕ سٹیجس پؠٹھ پیوان۔ ہیملیٚٹ سُنٛد دوست ہوریٹو چھُ ہیملیٹٕچ حقیٖقی دٔلیٖل وننہٕ خٲطرٕ زندٕ روزان۔