ہِندوستان-پٲکِستان جَنٛگ 1947-1948

ہِندوستان-پٲکِستان جَنٛگ یَتھ گۄڈنیُک کٔشیٖر جَنٛگ تہٕ ونان چھِ، اوس 1947 ہَس مَنٛز آزٲدی پتہٕ ہِنٛدُستانس تہٕ پٲکِستانس درمِیان گۄڈنُیٛک فوجی تنازٕ ۔ اکتوبر 1947 تہٕ دَسَمبَر 1948 ہَس درمیان لڈنہٕ آمُت، یہِ جنٛگ گوٚو پٲکِستان پؠٹھ قٔبیٖلہٕ ملیشیاہن ہٕنٛدِ جۆم تہٕ کٔشیٖر پؠٹھ حملہٕ سٕتہِ شۆروٗع، ییٚمہِ پتہٕ ریاستٕکہِ ہِندوستانس سٟتہِ مُلکی رَلُن سپُد ۔ امہِ تنازٕ کِس نٔتیٖجس مَنٛز گوٚو اقوٲمی متحدٕچ صلح کٲری مَنٛز جنٛگ بٔنٛدی تہٕ سٲبقہٕ شٲہی ریاستٕچ تقسیٖم ییٚمہِ سٟتؠ جٲری کشمیٖر تنازٕچ بُنیاد تراونہٕ آیہ۔

پس منظر

تقسیمہٕ وِزِ آسہٕ شٲہی رِیاستہٕ ہِنٛدُستانس یا پٲکِستانس سٟتہِ شٲمِل گژھنہٕ خٲطرٕ آزاد ۔ جموں و کشمیر، یَتھ پؠٹھ مہاراجہ ہری سِنٛگھ سٕنٛز حوٚکوٗمَتھ ٲس، اوس اَکھ زیٛادٕ مُسلِم تعدادُک خطہٕ مگر وٕنیُوک تام اوس نہٕ الحاق کرنُک فٲصلہٕ کوٚرمُت۔ اکتوبر 1947 کِس ٲخرس مَنٛز ژایہِ پٲکِستان کِس شُمال مغرِبی سرحدی صوبہٕ پیٹھٕ قبیٖلہٕ جنگجوَن ہٕنٛز بٔڑ جمٲژ کٔشیٖرِ مَنٛز دٲخٕل، ییٚمیُک مقصد پٲکِستانس مَنٛز زبردستی الحاق کرُن اوس۔ پنٕنہِ اِنتظامیہ کہِ خٲتمہِ ہُنٛد مُقابلہٕ کٔرِتھ كو٘ر مہاراجن ہِنٛدُستانس فوجی مدتٕچ درخاست تہٕ کوٚرُن 26 اکتوبر 1947 مُلکی رَلنہٕ کِس دستاویزس پؠٹھ دستخط۔

جنگُک طٔریٖقہٕ

مُلکی رَلنہٕ پتہٕ آیہِ ہِنٛدُستٲنہِ فوج ہَوٲیی طور سریٖنگر واتناونہٕ تہٕ کوٚرُکھ حملہٕ آور فوج پتھ کُن۔ أتھؠ دوران کٔر پٲکِستانن قبیٖلہٕ فوجی مدد فراہم تہٕ پتہٕ کٔرٕن تناضس مَنٛز باقاعدٕ فوجی اکٲیی تعینات۔لڑایہِ سپُدكشیٖرِ ، جۆم خطہٕ ، پُرٛوٗنٛژھ تہٕ لداخ کؠن تھزر مَنٛز ۔ جنٛگَس مَنٛز آیہِ وارِیاہ بٔڑؠ مصروفِیہِ وٕچھنہٕ یِمَن مَنٛز وَرمُل، اوٗڑی، پوٗنٛچھ تہٕ سکردوٗ خٲطرٕ لڑایہِ شٲمِل چھِ۔ دۄشوٕنی فریقن کٔر علاقٲیی فٲیدٕ تہٕ نۄقصان، مگر ریاستس پؠٹھ ہیوٚک نہٕ کانٛہہ تہِ پوٗرٕ قوبوٗ حٲصِل کٔرِتھ۔

اقوام متحدٕچ مداخلت

یہٕ تنازعہ آو جَنؤری 1948 مَنٛز اقوام متحدہس برٛونٛٹھ کُن اننہٕ۔ اقوام متحدٕچ سلامتی کونسلن کوٚر جَنٛگ بٔنٛدی، پٲکِستٲنؠ قٔبیٖلہٕ تہٕ فوج واپس نِنُک تہٕ ہِنٛدُستٲنؠ فوج کم کرنُک مُطالبہٕ، اَمہِ پتہٕ علاقُک مستقبلُک تعین کرنہٕ خٲطرٕ رائے شُمٲری کرنُک مُطالبہٕ۔ حالانٛکہِ 1 جَنؤری 1949 مَنٛز آو جَنٛگ بٔنٛدی ہُنٛد اعلان کرنہٕ، مگر ہِنٛدُستان تہٕ پٲکِستانس درمیان اِختِلاف آسنہٕ کِنہِ آیہِ نہٕ فوجی طور ختم کرنہٕ تہٕ رائے شمارٕکؠ اِقدام زانٛہہ تہِ لاگوٗ کرنہٕ۔

نتیجہٕ

جَنٛگ بٔنٛدی کٔر جنٛگ بٔنٛدی ہِنٛز لٲنہِ (پتہٕ لائن آف کنٹرول) قٲیِم، ییٚمہِ سٟتؠ جۆم تہٕ کٔشیٖر ہِنٛدُستان تہٕ پٲکِستان کِس زیر اِختِیارس مَنٛز الگ الگ علاقن مَنٛز تقسیٖم گٔیہِ۔ ہِنٛدُستانن تھوٚو علاقٕک تَقریٖبَن دۄن ترٛیٚیِم حِصس پؠٹھ قوبوُ قٲیِم، ییٚلہِ زن پٲکِستانن تِمن علاقن پؠٹھ قبضہٕ تھوو یِم پتہٕ آزاد جموں و کشمیر تہٕ گلگِت بلتِستان بنییہِ۔ امہِ جنٛگن کوٚر کٔشیٖر دۄن مُلکَن درمیان دُشمنِی ہُنٛد مرکٔزی مُقام پٲٹھؠمضبوٗط تہٕ پتہٕ یِنہٕ والؠن تناضن ہٕنٛز وَتھ تیار کٔرٕن، یِمن مَنٛز 1965 تہٕ 1999 ہٕکؠ جنگہٕ تہِ شٲمِل چھِ۔