ہِندوستانٕچ تَوٲریٖخ

ہِندوستانٕچ تَوٲریٖخ

عام مولوٗماتھ

مٲدان	ہِنٛدیات

مَقام تہٕ شَخصِیَتھ

زَبان	سَنَسکرٕٛت زَبان تہٕ باقٕے زَبانہٕ

اَثَر

پَہلوٗ	ہِندوستان
حِصہٕ	history of Asia

وادی سندھٕچ تہذیب عروج کس مرحلس منز (2600–1900 BCE)

ہِنٛدوستانٕچ تَوٲریٖخ چھےٚ ساسہٕ بٔدؠ ؤری پُرٲنؠ۔ اَتھ مَنٛز چھےٚ سِنٛدھ وٲدی ہِنٛز تَہذیٖب سارِوٕے کھۄتہٕ پرٛٲنؠ تہٕ اَہَم ماننہٕ یِوان۔ اَمہِ پَتہٕ آو ویٖدِک دور یَتھ مَنٛز قدیٖم گرَٛنٛتھ تہٕ ہِندوٗ دَرٕمٕچ بُنیاد ترٛاونہٕ آے۔

جسمٲنی لحاظٕ چھُ اندازٕ زِ جدید اِنسان اوس 73,000 تہٕ 55,000 ؤری برونٛہہ برصغیر پاک و ہندس مَنٛز وٲتؠ‌مٕتؠ۔

قدیٖم دورَس مَنٛز بٔڑؠ بٔڑؠ سَلطَنَت قٲیِم گٔے، یِمَن مَنٛز موریا تہٕ گُپتا دور اَہَم چھُ۔ گُپتا دورَس چھُ ہِنٛدوستانُک سۄنہٕ سُنٛد دور تہِ وَنان تِکیازِ اَتھ دورَس مَنٛز گٔے عٔلِم، فَن تہٕ تِجارَتَس مَنٛز وارِیاہ تَرقی۔

وِچکارلوک دورَس مَنٛز آے وارِیاہ مُسلمان حُکمران یِمَو ہِنٛدوستانَس پؠٹھ حُکوٗمَت کٔر۔ دِلِ ہِنٛدِ سُلطان تہٕ اَمہِ پَتہٕ مُغل سَلطَنَت چھےٚ سارِوٕے کھۄتہٕ مَشہوٗر۔ مُغل دورَس مَنٛز گیٚہ فَن تہٕ تٲمیٖراتَس بٔڑ تَرقی، ییٚمِچ اَکھ بٔڑ مِثال تاج مَحَل چھےٚ۔

اردٲہمہِ صَدی مَنٛز آے اَنگریز تہٕ ایسٹ اِنٛڈیا کَمپَنی ہِنٛدِ ذٔریٖعہٕ کٔرِکھ ہِنٛدوستانَس پؠٹھ قَبضہٕ۔ اَنگریزَو کٔر ہِنٛدوستانَس پؠٹھ تَقریٖبَن زٕ ہَتھ ؤری حُکوٗمَت۔ ہِنٛدوستانٕکؠ لُکھ وۆتھِ اَنگریزَن خِلاف تہٕ مَہاتما گانٛدھی سٟتؠ سٟتؠ باقٕے رَہنُماہَو کٔر لُکَن ہِنٛز رَہنُمٲیی۔ وارِیاہ جَدوٗجَہَد کٔرِتھ آو ۱۵ اَگَست ۱۹۴۷ مَنٛز ہِنٛدوستانَس آزٲدی دِنہٕ۔

آزٲدی پَتہٕ بَنیوو ہِنٛدوستان اَکھ جَمہوٗری مُلُک تہٕ اَز چھُ یہِ دُنؠ‌یاہُک سارِوٕے کھۄتہٕ بۆڑ جَمہوٗری مُلُک تہٕ تیٖزی سان تَرقی کَرن وول مُلُک ماننہٕ یِوان۔