ہَوٲیی سرٛیٚہہ
ہَوٲیی سرٛیٚہہ، یعنی ہَواہس مَنٛز آبہٕ بُخاراتَن ہُنٛد تعداد، چھُ ہَواہُک سارِوٕے کھۄتہٕ بَدَلوُن، یا اَتھؠر، صِفتھ، تہٕ اَکھ بۆڈ کِردار موٗسؠ مَس تہٕ آب و ہَواہَس مَنٛز۔
ہَوٲیی آبہٕ بُخار چھُ واریٛاہَو وجَہَو کِنؠ موٗسؠ مَس مَنٛز اَکھ ضۆروٗری کِردار۔ یہِ چھُ اَختابہٕ تہٕ زٔمیٖنہٕ پؠٹھٕ یِوٕنہِ تَژرٕ کؠرَن پانَس مَنٛز شرٛۄپہٕ راوان تہٕ ہَوٲیی تَژرٕکِس دَرجس پؠٹھ قوبوٗ انان۔ ہَواہَس مَنٛز بُخارُک تعداد یوٗت ژۆر آسہِ، تیٛوٗت آسہِ گُپِتھ طاقَتھ موجوٗد طوٗفانن ہٕنٛدِ بَننہٕ خٲطرٕ۔ پؠٹھٕ، باہ لَگنس (بُخارٕ پؠٹھٕ باہ، یا لۄکٕٹؠ آبہٕ کَترٕ، بَننس) تہٕ کُنہِ تہِ شکلہِ مَنٛز آب وَشنس مَنٛز (سُہ روٗد، ڈوٹھ، یا شیٖن ٲسؠ تَن)، چھُ ٲخٕر یِہوے بُخار ذِمہٕ وار۔
بُتراتہِ پؠٹھٕ، زٔمیٖنہٕ پؠٹھٕ تہِ تہٕ سۆدرٕ پؠٹھٕ تہِ، چھُ بُخار ؤتھِتھ ہَواہَس اژان۔ بیٚنہِ-بیٚنہِ جایہِ چھُ آبہٕ بُخاراتن ہُنٛد تعداد اَلَگ آسان، تِکیٛازِ ہَوایٕچ سرٛیٚہہ رَٹنٕچ ہؠکتھ چھےٚ تَژرٕکِس دَرجس پؠٹھ آیٔژ آسان۔ مَثلاً، ۳۰ درجہِ سؠلسیٖیَسَس پؠٹھ ہیٚکہِ ہَوا ۴٪س تام آبہٕ بُخاراتن ہُنٛد تعداد رٔٹِتھ، اما -۴۰ درجہِ سؠلسیٖیَسَس پؠٹھ چھُ نہٕ 0.۲٪ کھۄتہٕ ژۆر رَٹُن مُمکِن۔
نؠسبی ہَوٲیی سرٛیٚہہ
[اؠڈِٹ]ییٚلہِ ہَوا کُنہِ تژرٕکِس درجس پؠٹھ سارِوٕے کھۄتہٕ ژۆر مُمکِن سرٛیٚہہٕ تعداد رٔٹِتھ چھُ آسان، تَتھ ہؠکَو پوٗرؠرٕ-سۆس یا پوٗرٕ سرٛیٚہہٕ-بۆرُت ؤنِتھ۔ أتھؠ تعدادٕکہِ پوٗرؠرٕ مُقابلہٕ چھُ نؠسبی ہَوٲیی سرٛیٚہہ کَڈنہٕ یِوان۔ پوٗرؠرٕ-سٔستِس ہَواہَس آسہِ نؠسبی ہَوٲیی سرٛیٚہہ ۱۰۰٪۔ بُترٲژ ہٕنٛدِس سَطحَس نِشہِ چھُ مُشکل سانٕے زانٛہہ نؠسبی سرٛیٚہہ ۳۰٪ کھۄتہٕ بۄن وَسان۔ پوٗرؠرٕ-رۆس ہَوا ہیٚکہِ ترٛیٚیَو وَتَو کِنؠ پوٗرؠرٕ-سۆس بٔنِتھ — بُخار ؤتھِتھ ہَواہَس اژنہٕ سٟتؠ؛ دۄیَو ہَواہَو ہٕنٛدِ رَلنہٕ سٟتؠ اگر تِمن آسَن تَژرٕکؠ درجہِ الگ، دۄشوے گۄڈٕ پوٗرؠرٕ-رٔسؠ مَگر مِلہٕ مِش گٔژھِتھ پوٗرؠرٕ-سٔسؠ؛ یا، زیٛادٕ اکثر، ہَواہٕکہِ تٕرنَنہِ سٟتؠ، ییٚمیُک نٔتیٖجہٕ سرٛیٚہہ رَٹنٕچ ہؠکتھ کَم گَژھٕنؠ چھُ آسان، کُنہِ وِزِ پوٗرؠرٕ-سۆس بَننہٕ کِس حدس تام۔
مُطلَق ہَوٲیی سرٛیٚہہ
[اؠڈِٹ]مُطلَق ہَوٲیی سرٛیٚہہ گَو ہَواہَس مَنٛز سرٛیٚہُک پۆز تعداد یا گَنؠر۔ یہِ چھُنہٕ نؠسبی سرٛیٚہٕکؠ پٲٹھؠ تژرٕکِس درجس پؠٹھ آیۆت۔ ٹرٛاپِکی ریگِستانن، زَن صحرا یا میٚکسِکی ریگِستانن، چھُ ہَواہس مَنٛز سؠٹھاہ اَباسہٕ وُن، یعنی غٲب، سرٛیٚہہ آسان، مگر تژرُک درجہِ ژۆر آسنہٕ سٟتؠ چھُ نؠسبی سرٛیٚہہ کَم آسان۔ یَتھ بر عکس، واریٛاہ تھَدؠن جَغرٲفیٲیی عرضن مَنٛز چھُ مُطلَق ہَوٲیی سرٛیٚہہ کَم آسان، مگر تٟرِ سٟتؠ چھُ نؠسبی سرٛیٚہہ زیٛادٕ گژھان۔[1]
حَوالہٕ
[اؠڈِٹ]- ↑ "Humidity". Encyclopaedia Britannica.