گرٛوکیٖپیٖڈیا

گرٛوکیٖپیٖڈیا

ہوم پیج اکتوبر 2025 منٛز
ویب سایٹہ ہُنٛد قٕسم	آن لائن انسائیکلوپیڈیا
دٕستِیاب	انٛگریٖزؠ
آگُر وول مُلُک	اَمریٖکہ
علاقہٕ  خدمت منٛز	دُنیاہس منٛز
مٲلِک	xAI
یو آر ایل	grokipedia.com
IPv6 سپورٹ	آ
تِجارتی	آ
دٲخلہٕ	اختیاری
جٲری کَرنہٕ	اکتوٗبر 27, 2025 (2025-10-27)
ؤنکین کالِک حالَتھ	چالوٗ
مُواد لاسَن	کینٛہہ مَضموٗن چھِ کریٹیو کامنز BY-SA 4.0

گرٛوکیٖپیٖڈیا چھُ اَکھ اے آے سٟتؠ بناونہٕ آمُت آن لائن انسائیکلوپیڈیا یُس xAI ہَن تیار کوٚرمُت چھُ۔ یہِ سایٹ چھِ پننِس بیٹا مرحلَس مَنٛز، یُس 27 اکتوبر 2025 لانچ اوس کرنہٕ آمُت.

گرٛوکیپیٖڈیاہَس مَنٛز چھِ اندراجات گروک لینگویج ماڈلہٕ ذٔریعہٕ بناونہٕ تہٕ ترمیم کرنہٕ یِوان، حالانٛکہِ امِکؠ مواد پٲدٕ کرنَس پتہٕ چھُنہٕ صٔحیٖح عمل پوٗرٕ پٲٹھؠ معلوٗم۔ واریاہ مَضموٗن چھِ وِکیٖپیٖڈیاہَس مَضموٗنَو پؠٹھٕ درٛامٕتؠ، یِمَن مَضموٗنَن چھِ شُروٗعاتَس وِزِ لَگ بَگ زَبٲنؠ سان نقل کَرنہٕ آمٕتؠ۔ مَضموٗنَن ہیکَن نہٕ سیدِ سیود اؠڈِٹ کٔرِتھ، حالانٛکہِ انسائیکلوپیڈیاہَس مَنٛز لاگ اِن کٔرِتھ ہیکَن غلط زانکٲری دِنہٕ باپَتھ پاپ اپ فارم کہِ ذٔریعہٕ اؠڈِٹ کٔرِتھ۔ 28 اکتوبر 2025 ہس تام، سائٹ چھ ونان ز اَتھ مَنٛز چھ تَقریٖبَن 900,000 مضموٗن، سات ملین کھۄتہٕ زیادٕہ اَنٛگریٖزی وِکیٖپیٖڈیا مَضموٗنن کہ مقابلس مَنٛز۔

xAI ہٕکؠ بانی ایلن مسکن دِژ گرٛوکیٖپیٖڈیا وِکیٖپیٖڈیا کہ متبادل پٲٹھؠ پوزیشن یُس پتہٕ کِس پروپیگنڈا ختم کرِ۔

پس منظر

ایلن مسکن چھُ ووٚنمُت زِ وِکیٖپیٖڈیا چھُ تعصب تھاوان تہٕ قدامت پسند خبرَن سٟتؠ چھُنہٕ منصفانہٕ سلوٗک کران۔ اکتوبر 2024 مَنٛز وُچھ مسکن وُچھ وِکیٖپیٖڈیا "کھووُر پنٛکھہِ left-winged درِ کارکُنَن ہٕنٛدِ دٔسؠ قبضہٕ" تہٕ ووٚنُن لوٗکَن زِ تِم کرَن نہٕ تِمَن دان۔ سَتَمبَر 2025 مَنٛز کوٚر مسکن اعلان زِ تٔمؠ سٕنٛز کمپنی چھےٚ بَنٲومٕژ ذَہٲنِیَتھ کہ ذٔریع چلاونہٕ یِنہٕ وول اَکھ نوٚو اِنسایکلوپیٖڈیا بناوان، یَتھ عارضی طور "گرٛوکیٖپیٖڈیا" ناو چھُ۔