گاڈٕسَر
| گاڈٕسَر | |
|---|---|
 2024 ہس منٛز | |
  گاڈٕسَر  گاڈٕسَر | |
| پَتا | تحصیل گریز، بَنٛڈٕپوٗر ضِلہٕ،  جۆم تہٕ کٔشیٖر، ہِندوستان |
| جَغرٲفِیایی نۄطہٕ | 34°25′18″N 75°03′26″E / 34.421669°N 75.057274°E |
| قسٕم | en:oligotrophic lake |
| بُنیٲدی اَژوُن بَہاو | شیٖن گلنہٕ سٕتؠ |
| نیروُن بَہاو | نِلم دریاو وُک اکھ سہارٕ نالہٕ |
| پونؠ سۆمبرُن وٲلؠ مُلَک |  ہِندوستان |
| زیچھَر | 0.85 کلومیٖٹَر (0.53 میٖل) |
| زیادٕ کھوتہٕ زیادٕ کَھجَر | 0.76 کلومیٖٹَر (0.47 میٖل) |
| سَطَح رۄقبہٕ | 0.7421 کلومیٖٹَر2 (0.2865 مُرَبَع میٖل) |
| سَطَح تَھزَر | 3,600 میٖٹَر (11,800 فُٹ) |
| لٔگِتھ | ڈیٚسمبر پؠٹھ اپریل |
گاڈٕسَر (لفظی معنی 'گاڈَن ہُنٛد سَر')، یَتھ یم سر (لفظی معنی یم سُنٛد سر) تہِ وَنان چھُ ، چھُ جموں و کشمیر، ہِنٛدُستانَس مَنٛز کشمیر ڈوِجن کِس بَنٛڈٕ پوٗر ضِلہٕ کِس اَکھ "الپائن تھزرَس پؠٹھ اولیگوٹروفِک جیٖل"۔ امیُک تھزر چھُ 3,600 میٖٹَر (11,800 فٹ)، زیٛادٕ کھۄتہٕ زیٛادٕ زیچھر 0.85 کلومیٹر، تہٕ زیٛادٕ کھۄتہٕ زیٛادٕ کھجر چھُ 0.76 کلومیٹر۔
ناوُک آگُر تہٕ جُغرافی
[اؠڈِٹ]
گاڈٕسرُک مطلب چھُ کٲشِرؠ پٲٹھؠ گاڈَن ہُنٛد سَر، ٹراؤٹ[1] تہٕ باقٕے قٕسمٕک گاڈن[2] ہُنٛد قۄدرٔتی روزن جاے یَتھ مَنٛز براۄن ٹراؤٹ شٲمِل چھُ۔ یمسرُک مطلب چھُ 'یمہٕ سُنٛد سَر'۔ سر چھُ نَوَمبَر پؠٹھٕ اپریلَس تام لٔگِتھ روزان تہٕ یِمَن رؠتن دوران چھُ زیٛادٕ تر شیٖنہٕ سٟتؠ ؤلِتھ آسان، تہٕ رؠتہٕ کٲلِس مَنٛز تہِ چھِ شیٖنہٕ پَل مَنٛز وٕچھنہٕ یِوان۔ یہِ چھُ الپائن مرگہٕ سٟتؠ ؤلِتھ یِم مُختٔلِف قٕسمٕک جنگلی الپائن پوشو سٟتؠ بٔرِتھ، اَمی مۄکھٕ چھِ جیٖلَس 'ویلی آف فلاورز' تہِ وننہٕ یِوان۔ جیٖل چھُ بنیٲدی طور پٲٹھؠ گلیشیر پگلنہٕ سٟتؠ آب دِوان۔ سر چھُ شُمال مغرِبس کُن وسان اَکہِ کۄلہٕ کِنہِ نیران یُس تُلیلس مَنٛز کِشَن گنگا دٔریاوَس سٟتہِ رلان چھُ ۔
واتنُک طریقہٕ
[اؠڈِٹ]گاڈسَر چھُ سریٖنَگر پؠٹھٕہٕ 108 کِلومیٖٹر شُمال مشرِقَس مَنٛز واقع۔ ناراناگ پؠٹھٕ چھِ اَکھ 28 کِلومیٖٹر الپائن وَتھ جیٖلَس کُن گژھان۔ 41 کِلومیٖٹر وَتہِ ہُنٛد بیٛاکھ وَتھ چھُ شِتکاڈی سۄنہٕ مرٕگ پؠٹھٕ شُمال مغرِبس کُن گَژھان، وِشن سَر تہٕ کرشنسرن مٔنٛزِ نیران، تہٕ دۄن پہٲڑی درَن نِچنئی تہٕ گاڈٕسَر کِن نیران، یِم دۄشوَے سطح سمندر پؠٹھٕ 4100 میٖٹر کھۄتہٕ زِیٛادٕ تھزرس پؠٹھ چھِ۔ یِنُک بہتٔریٖن وَقٕت چھُ جوٗن پؠٹھٕ ستمبرَس تام۔
گاڈٕ سَر، موتُک سَر
[اؠڈِٹ]گاڈٕسرس چھِ یم سَر تہِ وَننہٕ یِوان، ییٚمیُک مطلب یمُن سر چھُ، تہٕ اَتھ چھِ موتُک سر تہِ ونان۔ یہِ چھُ اَکھ افسانہٕ یُس حل نہ سپدان چھُ۔ رؠتہٕ کٲلِس دوران گاڈسَر کِس مضافاتَس مَنٛز چاروٲے چھِ یقین تھاوان زِ اَتہِ چھُ اَکھ سر راکشس، اَکھ مٔدرِ آبُک رَندُکھ یُس بٹھہِ پؠٹھٕ پننیو نریٛو سٟتؠ آبَس مَنٛز لَمان چھُ۔ سیاحن ہٕنٛدِس ذہنس مَنٛز چھِ اَکھ غٲر یقینی صورتحال، اَکھ قٕسمُک خطرٕ یُس تِمن بٹھِس نزدیٖک گژھنہٕ نِش رُکاوان چھُ۔ چاروٲے تہٕ چھِ چُنان سَر کِس بٔٹھِس نزدیٖک پنٕنؠن تیٖرَن چارواوُن۔ گاڈٕ چھِ عموٗمَن جیٖلَس نؠبَر کۄلہِ مَنٛز رَٹنہٕ یِوان یَتھ منٛزِ یہِ نیران چھُ۔
حَوالہٕ
[اؠڈِٹ]- ↑ Petr، T., ed. (1999). Fish and fisheries at higher altitudes: Asia. Rome: FAO. ص. 72. ISBN 92-5-104309-4.
- ↑ Petr، T., ed. (1999). Fish and fisheries at higher altitudes: Asia. Rome: FAO. ص. 72. ISBN 92-5-104309-4.