کیٛوپن آب و ہَوٲیی ورگہٕ-بنٛدی

کیٛوپن آب و ہَوٲیی وَرگہٕ-بنٛدی (Köppen climate classification) چھےٚ اَکھ نِظام یُس جَرمن مٲہِرِ نباتات تہٕ موٗسمؠ یٲتی مٲہِر ولادِمِر کیٛوپنن بَنوو۔ یہِ بناونس مَنٛز اوس تٔمؠ سُنٛد مقصد یِتھؠ فارمُلا بَناوٕنؠ یِم موٗسِمؠ یٲتی سرحدٕ کَرٕہَن تِتھؠ پٲٹھؠ قرار یُتھ تِم رَلہٕ ہَن سبزارٕکؠن زونن۔ تٔمؠ چھٲپ پنٕنؠ گۄڈنٕچ سِکیٖم ۱۹۰۰س مَنٛز، تہٕ دۆیِم نَظر دِتھ چھٲپٕن بییٚہِ ۱۹۱۸س مَنٛز۔ ۱۹۴۰س مَنٛز پنہٕ نِس مَرنس تام روٗد سُہ پَنٕنہِ وَرگہٕ-بنٛدی پۆت نظر دِتھ سُداران۔

امہِ کِنؠ چھِ آب و ہَوا پانٛژن بڈؠن ورگن مَنٛز بٲگرِتھ، یِم اَنٛگریٖزی اچھرو کِنؠ چھِ ہاونہٕ یِوان، زن A (اے، ٹرٛاپِکی)، B (بی، ہۆکھ)، C (سی، معتدل)، D (ڈی، براعظمی)، تہٕ E (ای، قطبی). ورٕگ B ورٲے چھِ سٲری ورٕگ تژرٕکِس درجہِ کِس بُنؠ یادس پؠٹھ قرار کرنہٕ یِوان، ییٚلہِ ورٕگ B آب و ہَوا ہۄچھرٕ کِنؠ چھُ پٲدٕ سپدان۔^[1]

پیٚٹھؠ نظر

کیٛوپن موٗسؠ می ورگہٕ-بنٛدی سِکیٖم ہاوَکھ وؠستار ٹیبل^[2]^[3]^[4]
أکیُٛم	دوٚیُم	ترٛیٚیُم
(ٹرٛاپِکی) A	(روٗدٕ وَن) f (ؤہراتھ) m (سَوانا، ہۆکھ وَنٛدٕ) w (سَوانا، ہۆکھ رؠتہٕ کول) s
(ہۆکھ) B	(ہۆکھ ریگِستان) W (اَڈٕ-ہۆکھ اِستپی) S	(تۆت) h (تُرُن) k
(معتدل) C	(ہۆکھ وَنٛدٕ) w (ہۄچھرٕ رۆستُے) f (ہۆکھ رؠتہٕ کول) s	(تۆت رؠتہٕ کول) a (وُشُن رؠتہٕ کول) b (تُرُن رؠتہٕ کول) c
(براعظمی) D	(ہۆکھ وَنٛدٕ) w (ہۄچھرٕ رۆستُے) f (ہۆکھ رؠتہٕ کول) s	(تۆت رؠتہٕ کول) a (وُشُن رؠتہٕ کول) b (تُرُن رؠتہٕ کول) c (واریٛاہ تُرُن وَنٛدٕ) d
(قطبی) E	(ٹنٛڈرٛا) T (یَخہٕ وُرُن) F

وَرٕگ A: ٹرٛاپِکی آب و ہَوا

یَتھ مَنٛز یِنہٕ خٲطرٕ پَزِ کُنہِ جایہِ ہُنٛد آب و ہوا یُتھ آسُن زِ سارِوٕے کھۄتہٕ تٕرنِس رؠتَس مَنٛز آسہِ درمیٲنی تژرُک درجہِ ۱۸ درجہِ سؠلسیٖیَس یا امہِ ہیٛۆر۔

Af (اے اؠف) = ٹرٛاپِکی روٗدٕ وَنہٕ آب و ہَوا؛ درمیٲنی روٗدٕ تعداد پَزِ پرٛتھ رؠتہٕ کم کھۄتہٕ کم ۶۰ مِلی میٖٹر آسُن۔

Am (اے اؠم) = ٹرٛاپِکی ؤہرٲژ آب و ہَوا؛ سارِوٕے کھۄتہٕ ۂکھِس رؠتس مَنٛز پَزِ ۶۰ مِلی میٖٹرٕ کھۄتہٕ کم روٗدٕ تعداد آسُن، مگر ${\textstyle 100-\left({\frac {\text{و۔ (mm)}}{25}}\right)}$ کھۄتہٕ پَزِ ژۆر آسُن، ییٚتؠتھ و۔ = ؤرؠ یُک کُل روٗدٕ تعداد۔

Aw یا As (اے اؠم یا اے اؠس) = ٹرٛاپِکی سَوانا آب و ہَوا؛ سارِوٕے کھۄتہٕ ۂکھِس رؠتس مَنٛز پَزِ ۶۰ مِلی میٖٹرٕ کھۄتہٕ کم روٗدٕ تعداد آسُن، تہٕ ${\textstyle 100-\left({\frac {\text{و۔ (mm)}}{25}}\right)}$ کھۄتہٕ تہِ پَزِ کم آسُن، ییٚتؠتھ و۔ = ؤرؠ یُک کُل روٗدٕ تعداد۔

وَرٕگ B: ۂکھؠ تہٕ اَڈٕ-ۂکھؠ آب و ہَوا

اُستیُٛرت وُڈٕر، قَرَہ قَلپَقستان، اتھ علاقس چھُ BWk، یعنی تُرُن ریگِستٲنؠ آب و ہَوا

یِم چھِ تِم آب و ہَوا یِہٕنٛز مۄکھ خوٚصوٗصیتھ واریٛاہ کم روٗدٕ تعداد چھےٚ آسان، مگر ییٚتہِ قطبی آب و ہواہن ہٕنٛدِ پٲٹھؠ واریٛاہ کم تژرُک درجہِ چھُنہٕ آسان۔ روٗدٕ تعدادُک حد کڈنہٕ خٲطرٕ چھِ گۄڈٕ ؤرؠ یِکِس درمیٲنی تژرٕکِس درجس (سؠلسیٖیَسس مَنٛز) ۲۰ سٟتؠ گونان، تہٕ پَتہٕ چھِس جوران:

ا) ۲۸۰، اگر ۷۰٪ یا تَمہِ ژوٚر کُل روٗدٕ تہٕ شیٖنہٕ تعداد سونٛتہٕ تہٕ رؠتہٕ کٲلؠ رؠتن مَنٛز پیٚیہِ، یا

ب) ۱۴۰، اگر ۳۰-۷۰٪ حِصہٕ کُل روٗدٕ تہٕ شیٖنہٕ تعدادُک پیٚیہِ سونٛتہٕ تہٕ رؠتہٕ کٲلؠ رؠتن مَنٛز، یا

پ) صِفر، اگر ۳۰٪ کھۄتہٕ کم حِصہٕ پیٚیہ سونٛتہٕ تہٕ رؠتہٕ کٲلؠ رؠتن مَنٛز

یَتھ جایہِ امہِ حدُک ژھۆرُے ۵۰٪ یا تَمہِ کم پیٚیہِ، تتھ جایہِ یِیہِ BW (ہۆکھ، ریگِستٲنؠ) آب و ہَوا ماننہٕ، تہٕ ییٚتؠتھ امیُٛک ۵۰-۱۰۰٪ پیٚیہِ تَتہِ یِیہِ BS (اَڈٕ-ہۆکھ، اِستپی) آب و ہَوا ماننہٕ۔

ترٛیٚیمہِ اچھرٕ سٟتؠ چھُ تژرُک درجہِ ہاونہٕ یِوان؛ h چھُ ہاوان تِم آب و ہَوا ییٚتؠتھ ؤرؠ یُک درمیٲنی تژرُک درجہِ ۱۸ درجہِ سؠلسیٖیَسس بروبر یا تَمہِ ہیٛۆر آسہِ، تہٕ k تِم آب و ہَوا ییٚتہِ یہِ امہِ بۄن آسہِ۔

وَرٕگ C: معتدل آب و ہَوا

سیٖسیٖل، اتھ علاقس چھُ *Csa*، یعنی تۆت-رؠتہٕ کٲلؠ بَحرِ روٗمی آب و ہَوا

یِمَن آب و ہَوا ہن مَنٛز چھُ سارِوٕے کھۄتہٕ تٕرنِس رؠتس درمیٲنی تژرُک درجہِ ۰ (صِفر، یا -۳ درجہِ) پؠٹھٕ ۱۸ درجہِ سؠلسیٖیَسس تام آسان۔ تِمن جاین یِم Csچہِ تہٕ Cwچہِ شرطہٕ، دۄشوے، چھےٚ پوٗرٕ کران، چھُ Cs وَرٕگ دِنہٕ یِوان اگر کُل روٗدٕ تہٕ شیٖنہٕ تعداد آسہِ وَنٛدَس ژۆر، تہٕ Cw اگر رؠتہٕ کالہِ آسہِ کُل روٗدٕ تعداد ژۆر۔ یِتھے پٲٹھؠ چھُ Dw تہٕ Dsس مَنٛز تہِ بیٚنؠر کَرنہٕ یِوان۔

Cfa (سی اؠف اے) = اۆدُر تَلہٕ-ٹرٛاپِکی آب و ہَوا؛ سارِوٕے کھۄتہٕ تٕرنِس رؠتَس آسہِ درمیٲنی تژرُک درجہِ صِفر (یا -۳) درجہِ سؠلسیٖیَسہٕ ہیٛۆر، تہٕ کم کھۄتہٕ کم أکِس رؠتَس آسہِ درمیٲنی تژرُک درجہِ ۲۲ درجہِ سؠلسیٖیَسہٕ ہیٛۆر، بیٚیہِ آسہِ کم کھۄتہٕ کم ژۄن رؠتَن درمیٲنی تژرُک درجہِ ۱۰ درجہِ سؠلسیٖیَسہٕ ہیٛۆر، تہٕ Cs تہٕ Cw شرطہٕ آسن نہٕ پوٗرٕ گژھان۔

Cfb (سی اؠف بی) = معتدل سۆدٕرؠ آب و ہَوا یا تَلہٕ-ٹرٛاپِکی تھۆد-علاقٲیی آب و ہَوا؛ سارِوٕے کھۄتہٕ تٕرنِس رؠتَس آسہِ درمیٲنی تژرُک درجہِ صِفر (یا -۳) درجہِ سؠلسیٖیَسہٕ ہیٛۆر، تہٕ سارِنٕے رؠتَن آسہِ درمیٲنی تژرُک درجہِ ۲۲ درجہِ سؠلسیٖیَسہٕ بۄن، بیٚیہِ آسہِ کم کھۄتہٕ کم ژۄن رؠتَن درمیٲنی تژرُک درجہِ ۱۰ درجہِ سؠلسیٖیَسہٕ ہیٛۆر، تہٕ Cs تہٕ Cw شرطہٕ آسن نہٕ پوٗرٕ گژھان۔

Cfc (سی اؠف سی) = تَلہٕ-آرکٹِک سوٚدٕرؠ آب و ہَوا؛ سارِوٕے کھۄتہٕ تٕرنِس رؠتَس آسہِ درمیٲنی تژرُک درجہِ صِفر (یا -۳) درجہِ سؠلسیٖیَسہٕ ہیٛۆر، تہٕ سارِنٕے رؠتَن آسہِ درمیٲنی تژرُک درجہِ ۲۲ درجہِ سؠلسیٖیَسہٕ بۄن، بیٚیہِ آسہِ کم کھۄتہٕ کم ۱-۳ رؠتَن درمیٲنی تژرُک درجہِ ۱۰ درجہِ سؠلسیٖیَسہٕ ہیٛۆر، تہٕ Cs تہٕ Cw شرطہٕ آسن نہٕ پوٗرٕ گژھان۔

Cwa (سی ڈَبلیٛوٗ اے) = ؤہرٲژ اۆدُر تَلہٕ-ٹرٛاپِکی آب و ہَوا؛ سارِوٕے کھۄتہٕ تٕرنِس رؠتَس آسہِ درمیٲنی تژرُک درجہِ صِفر (یا -۳) درجہِ سؠلسیٖیَسہٕ ہیٛۆر، تہٕ کم کھۄتہٕ کم أکِس رؠتَس آسہِ درمیٲنی تژرُک درجہِ ۲۲ درجہِ سؠلسیٖیَسہٕ ہیٛۆر، بیٚیہِ آسہِ کم کھۄتہٕ کم ژۄن رؠتَن درمیٲنی تژرُک درجہِ ۱۰ درجہِ سؠلسیٖیَسہٕ ہیٛۆر۔ سارِوٕے کھۄتہٕ أدرِس رؠتہٕ کٲلؠ رؠتَس آسہِ روٗدٕ تعداد سارِوٕے کھۄتہٕ ۂکھِ وَنٛدٕ رؠتہٕ کہِ کھۄتہٕ کم از کم داہ گۆن ژۆر۔

Cwb (سی ڈَبلیٛوٗ بی) = تَلہٕ-ٹرٛاپِکی تھۆد-علاقٲیی آب و ہَوا، یا ؤہرٲژ معتدل سوٚدٕرؠ آب و ہَوا؛ سارِوٕے کھۄتہٕ تٕرنِس رؠتَس آسہِ درمیٲنی تژرُک درجہِ صِفر (یا -۳) درجہِ سؠلسیٖیَسہٕ ہیٛۆر، تہٕ سارِنٕے رؠتَن آسہِ درمیٲنی تژرُک درجہِ ۲۲ درجہِ سؠلسیٖیَسہٕ بۄن، بیٚیہِ آسہِ کم کھۄتہٕ کم ژۄن رؠتَن درمیٲنی تژرُک درجہِ ۱۰ درجہِ سؠلسیٖیَسہٕ ہیٛۆر۔ سارِوٕے کھۄتہٕ أدرِس رؠتہٕ کٲلؠ رؠتَس آسہِ روٗدٕ تعداد سارِوٕے کھۄتہٕ ۂکھِ وَنٛدٕ رؠتہٕ کہِ کھۄتہٕ کم از کم داہ گۆن ژۆر۔

Cwc (سی ڈَبلیٛوٗ سی) = تُرُن تَلہٕ-ٹرٛاپِکی تھۆد-علاقٲیی آب و ہَوا، یا ؤہرٲژ تَلہٕ-آرکٹِک سوٚدٕرؠ آب و ہَوا؛ سارِوٕے کھۄتہٕ تٕرنِس رؠتَس آسہِ درمیٲنی تژرُک درجہِ صِفر (یا -۳) درجہِ سؠلسیٖیَسہٕ ہیٛۆر، تہٕ سارِنٕے رؠتَن آسہِ درمیٲنی تژرُک درجہِ ۲۲ درجہِ سؠلسیٖیَسہٕ بۄن، بیٚیہِ آسہِ ۱-۳ رؠتَن درمیٲنی تژرُک درجہِ ۱۰ درجہِ سؠلسیٖیَسہٕ ہیٛۆر۔ سارِوٕے کھۄتہٕ أدرِس رؠتہٕ کٲلؠ رؠتَس آسہِ روٗدٕ تعداد سارِوٕے کھۄتہٕ ۂکھِ وَنٛدٕ رؠتہٕ کہِ کھۄتہٕ کم از کم داہ گۆن ژۆر۔

Csa (سی اؠس اے) = تۆت-رؠتہٕ کٲلؠ بَحرِ روٗمی آب و ہَوا؛ سارِوٕے کھۄتہٕ تٕرنِس رؠتَس آسہِ درمیٲنی تژرُک درجہِ صِفر (یا -۳) درجہِ سؠلسیٖیَسہٕ ہیٛۆر، تہٕ کم کھۄتہٕ کم أکِس رؠتَس آسہِ درمیٲنی تژرُک درجہِ ۲۲ درجہِ سؠلسیٖیَسہٕ ہیٛۆر، بیٚیہِ آسہِ کم کھۄتہٕ کم ژۄن رؠتَن درمیٲنی تژرُک درجہِ ۱۰ درجہِ سؠلسیٖیَسہٕ ہیٛۆر۔ سارِوٕے کھۄتہٕ أدرِس وَنٛدٕ رؠتَس آسہِ روٗدٕ تہٕ شیٖنہٕ تعداد سارِوٕے کھۄتہٕ ۂکھِ رؠتہٕ کالہِ رؠتہٕ کہِ کھۄتہٕ کم از کم ترٛےٚ گۆن ژۆر، تہٕ سارِوٕے کھۄتہٕ ۂکھِس رؠتہٕ کٲلؠ رؠتس آسہِ روٗدٕ تعداد ۴۰ مِلی میٖٹرٕ کھۄتہٕ کم۔

Csb (سی اؠس بی) = وُشُن-رؠتہٕ کٲلؠ بَحرِ روٗمی آب و ہَوا؛ سارِوٕے کھۄتہٕ تٕرنِس رؠتَس آسہِ درمیٲنی تژرُک درجہِ صِفر (یا -۳) درجہِ سؠلسیٖیَسہٕ ہیٛۆر، تہٕ سارِنٕے رؠتَن آسہِ درمیٲنی تژرُک درجہِ ۲۲ درجہِ سؠلسیٖیَسہٕ بۄن، بیٚیہِ آسہِ کم کھۄتہٕ کم ژۄن رؠتَن درمیٲنی تژرُک درجہِ ۱۰ درجہِ سؠلسیٖیَسہٕ ہیٛۆر۔ سارِوٕے کھۄتہٕ أدرِس وَنٛدٕ رؠتَس آسہِ روٗدٕ تہٕ شیٖنہٕ تعداد سارِوٕے کھۄتہٕ ۂکھِ رؠتہٕ کالہِ رؠتہٕ کہِ کھۄتہٕ کم از کم ترٛےٚ گۆن ژۆر، تہٕ سارِوٕے کھۄتہٕ ۂکھِس رؠتہٕ کٲلؠ رؠتس آسہِ روٗدٕ تعداد ۴۰ مِلی میٖٹرٕ کھۄتہٕ کم۔

Csc (سی اؠس سی) = تُرُن-رؠتہٕ کٲلؠ بَحرِ روٗمی آب و ہَوا؛ سارِوٕے کھۄتہٕ تٕرنِس رؠتَس آسہِ درمیٲنی تژرُک درجہِ صِفر (یا -۳) درجہِ سؠلسیٖیَسہٕ ہیٛۆر، تہٕ سارِنٕے رؠتَن آسہِ درمیٲنی تژرُک درجہِ ۲۲ درجہِ سؠلسیٖیَسہٕ بۄن، بیٚیہِ آسہِ ۱-۳ رؠتَن درمیٲنی تژرُک درجہِ ۱۰ درجہِ سؠلسیٖیَسہٕ ہیٛۆر۔ سارِوٕے کھۄتہٕ أدرِس وَنٛدٕ رؠتَس آسہِ روٗدٕ تہٕ شیٖنہٕ تعداد سارِوٕے کھۄتہٕ ۂکھِ رؠتہٕ کالہِ رؠتہٕ کہِ کھۄتہٕ کم از کم ترٛےٚ گۆن ژۆر، تہٕ سارِوٕے کھۄتہٕ ۂکھِس رؠتہٕ کٲلؠ رؠتس آسہِ روٗدٕ تعداد ۴۰ مِلی میٖٹرٕ کھۄتہٕ کم۔

وَرٕگ D: براعظمی آب و ہَوا

یِمَن آب و ہَوا ہن مَنٛز چھُ سارِوٕے کھۄتہٕ تٕرنِس رؠتس درمیٲنی تژرُک درجہِ ۰ (صِفر، یا -۳ درجہِ) درجہِ سؠلسیٖیَسہٕ کھۄتہٕ کَم آسان، تہٕ کم کھۄتہٕ کم کُنہِ أکِس رؠتس مَنٛز ۱۰ درجہِ سؠلسیٖیَسہٕ ہیٛۆر آسان۔

Dfa (ڈی اؠف اے) = تۆت-رؠتہٕ کٲلؠ براعظمی آب و ہَوا؛ سارِوٕے کھۄتہٕ تٕرنِس رؠتَس آسہِ درمیٲنی تژرُک درجہِ صِفر (یا -۳) درجہِ سؠلسیٖیَسہٕ بۄن، تہٕ کم کھۄتہٕ کم أکِس رؠتَس آسہِ درمیٲنی تژرُک درجہِ ۲۲ درجہِ سؠلسیٖیَسہٕ ہیٛۆر، بیٚیہِ آسہِ کم کھۄتہٕ کم ژۄن رؠتَن درمیٲنی تژرُک درجہِ ۱۰ درجہِ سؠلسیٖیَسہٕ ہیٛۆر، تہٕ Ds تہٕ Dw شرطہٕ آسن نہٕ پوٗرٕ گژھان۔

Dfb (ڈی اؠف بی) = وُشُن-رؠتہٕ کٲلؠ براعظمی آب و ہَوا؛ سارِوٕے کھۄتہٕ تٕرنِس رؠتَس آسہِ درمیٲنی تژرُک درجہِ صِفر (یا -۳) درجہِ سؠلسیٖیَسہٕ بۄن، تہٕ سارِنٕے رؠتَن آسہِ درمیٲنی تژرُک درجہِ ۲۲ درجہِ سؠلسیٖیَسہٕ بۄن، بیٚیہِ آسہِ کم کھۄتہٕ کم ژۄن رؠتَن درمیٲنی تژرُک درجہِ ۱۰ درجہِ سؠلسیٖیَسہٕ ہیٛۆر، تہٕ Ds تہٕ Dw شرطہٕ آسن نہٕ پوٗرٕ گژھان۔

Dfc (ڈی اؠف سی) = تَلہٕ-آرکٹِک آب و ہَوا؛ سارِوٕے کھۄتہٕ تٕرنِس رؠتَس آسہِ درمیٲنی تژرُک درجہِ صِفر (یا -۳) درجہِ سؠلسیٖیَسہٕ بۄن، تہٕ سارِنٕے رؠتَن آسہِ درمیٲنی تژرُک درجہِ ۲۲ درجہِ سؠلسیٖیَسہٕ بۄن، بیٚیہِ آسہِ کم کھۄتہٕ کم ۱-۳ رؠتَن درمیٲنی تژرُک درجہِ ۱۰ درجہِ سؠلسیٖیَسہٕ ہیٛۆر، تہٕ Ds تہٕ Dw شرطہٕ آسن نہٕ پوٗرٕ گژھان۔

Dfd (ڈی اؠف ڈی) = واریٛاہ تُرُن تَلہٕ-آرکٹِک آب و ہَوا؛ سارِوٕے کھۄتہٕ تٕرنِس رؠتَس آسہِ درمیٲنی تژرُک درجہِ -۳۸ درجہِ سؠلسیٖیَسہٕ بۄن، تہٕ سارِنٕے رؠتَن آسہِ درمیٲنی تژرُک درجہِ ۲۲ درجہِ سؠلسیٖیَسہٕ بۄن، بیٚیہِ آسہِ کم کھۄتہٕ کم ۱-۳ رؠتَن درمیٲنی تژرُک درجہِ ۱۰ درجہِ سؠلسیٖیَسہٕ ہیٛۆر، تہٕ Ds تہٕ Dw شرطہٕ آسن نہٕ پوٗرٕ گژھان۔

Dwa (ڈی ڈَبلیٛوٗ اے) = ؤہرٲژ تۆت-رؠتہٕ کٲلؠ براعظمی آب و ہَوا؛ سارِوٕے کھۄتہٕ تٕرنِس رؠتَس آسہِ درمیٲنی تژرُک درجہِ صِفر (یا -۳) درجہِ سؠلسیٖیَسہٕ بۄن، تہٕ کم کھۄتہٕ کم أکِس رؠتَس آسہِ درمیٲنی تژرُک درجہِ ۲۲ درجہِ سؠلسیٖیَسہٕ ہیٛۆر، بیٚیہِ آسہِ کم کھۄتہٕ کم ژۄن رؠتَن درمیٲنی تژرُک درجہِ ۱۰ درجہِ سؠلسیٖیَسہٕ ہیٛۆر۔ سارِوٕے کھۄتہٕ أدرِس رؠتہٕ کٲلؠ رؠتَس آسہِ روٗدٕ تعداد سارِوٕے کھۄتہٕ ۂکھِ وَنٛدٕ رؠتہٕ کہِ کھۄتہٕ کم از کم داہ گۆن ژۆر۔

Dwb (ڈی ڈَبلیٛوٗ بی) = ؤہرٲژ وُشُن-رؠتہٕ کٲلؠ براعظمی آب و ہَوا؛ سارِوٕے کھۄتہٕ تٕرنِس رؠتَس آسہِ درمیٲنی تژرُک درجہِ صِفر (یا -۳) درجہِ سؠلسیٖیَسہٕ بۄن، تہٕ سارِنٕے رؠتَن آسہِ درمیٲنی تژرُک درجہِ ۲۲ درجہِ سؠلسیٖیَسہٕ بۄن، بیٚیہِ آسہِ کم کھۄتہٕ کم ژۄن رؠتَن درمیٲنی تژرُک درجہِ ۱۰ درجہِ سؠلسیٖیَسہٕ ہیٛۆر۔ سارِوٕے کھۄتہٕ أدرِس رؠتہٕ کٲلؠ رؠتَس آسہِ روٗدٕ تعداد سارِوٕے کھۄتہٕ ۂکھِ وَنٛدٕ رؠتہٕ کہِ کھۄتہٕ کم از کم داہ گۆن ژۆر۔

Dwc (ڈی ڈَبلیٛوٗ سی) = ؤہرٲژ تَلہٕ-آرکٹِک آب و ہَوا؛ سارِوٕے کھۄتہٕ تٕرنِس رؠتَس آسہِ درمیٲنی تژرُک درجہِ صِفر (یا -۳) درجہِ سؠلسیٖیَسہٕ بۄن، تہٕ سارِنٕے رؠتَن آسہِ درمیٲنی تژرُک درجہِ ۲۲ درجہِ سؠلسیٖیَسہٕ بۄن، بیٚیہِ آسہِ ۱-۳ رؠتَن درمیٲنی تژرُک درجہِ ۱۰ درجہِ سؠلسیٖیَسہٕ ہیٛۆر۔ سارِوٕے کھۄتہٕ أدرِس رؠتہٕ کٲلؠ رؠتَس آسہِ روٗدٕ تعداد سارِوٕے کھۄتہٕ ۂکھِ وَنٛدٕ رؠتہٕ کہِ کھۄتہٕ کم از کم داہ گۆن ژۆر۔

Dwd (ڈی ڈَبلیٛوٗ ڈی) = واریٛاہ تُرُن ؤہرٲژ تَلہٕ-آرکٹِک آب و ہَوا؛ سارِوٕے کھۄتہٕ تٕرنِس رؠتَس آسہِ درمیٲنی تژرُک درجہِ -۳۸ درجہِ سؠلسیٖیَسہٕ بۄن، تہٕ سارِنٕے رؠتَن آسہِ درمیٲنی تژرُک درجہِ ۲۲ درجہِ سؠلسیٖیَسہٕ بۄن، بیٚیہِ آسہِ ۱-۳ رؠتَن درمیٲنی تژرُک درجہِ ۱۰ درجہِ سؠلسیٖیَسہٕ ہیٛۆر۔ سارِوٕے کھۄتہٕ أدرِس رؠتہٕ کٲلؠ رؠتَس آسہِ روٗدٕ تعداد سارِوٕے کھۄتہٕ ۂکھِ وَنٛدٕ رؠتہٕ کہِ کھۄتہٕ کم از کم داہ گۆن ژۆر۔

Dsa (ڈی اؠس اے) = بَحرِ روٗمی اثرٕ-ہۆت تۆت-رؠتہٕ کٲلؠ براعظمی آب و ہَوا؛ سارِوٕے کھۄتہٕ تٕرنِس رؠتَس آسہِ درمیٲنی تژرُک درجہِ صِفر (یا -۳) درجہِ سؠلسیٖیَسہٕ بۄن، تہٕ کم کھۄتہٕ کم أکِس رؠتَس آسہِ درمیٲنی تژرُک درجہِ ۲۲ درجہِ سؠلسیٖیَسہٕ ہیٛۆر، بیٚیہِ آسہِ کم کھۄتہٕ کم ژۄن رؠتَن درمیٲنی تژرُک درجہِ ۱۰ درجہِ سؠلسیٖیَسہٕ ہیٛۆر۔ سارِوٕے کھۄتہٕ أدرِس وَنٛدٕ رؠتَس آسہِ روٗدٕ تہٕ شیٖنہٕ تعداد سارِوٕے کھۄتہٕ ۂکھِ رؠتہٕ کالہِ رؠتہٕ کہِ کھۄتہٕ کم از کم ترٛےٚ گۆن ژۆر، تہٕ سارِوٕے کھۄتہٕ ۂکھِس رؠتہٕ کٲلؠ رؠتس آسہِ روٗدٕ تعداد ۴۰ مِلی میٖٹرٕ کھۄتہٕ کم۔

Dsb (ڈی اؠس بی) = بَحرِ روٗمی اثرٕ-ہۆت وُشُن-رؠتہٕ کٲلؠ براعظمی آب و ہَوا؛ سارِوٕے کھۄتہٕ تٕرنِس رؠتَس آسہِ درمیٲنی تژرُک درجہِ صِفر (یا -۳) درجہِ سؠلسیٖیَسہٕ بۄن، تہٕ سارِنٕے رؠتَن آسہِ درمیٲنی تژرُک درجہِ ۲۲ درجہِ سؠلسیٖیَسہٕ بۄن، بیٚیہِ آسہِ کم کھۄتہٕ کم ژۄن رؠتَن درمیٲنی تژرُک درجہِ ۱۰ درجہِ سؠلسیٖیَسہٕ ہیٛۆر۔ سارِوٕے کھۄتہٕ أدرِس وَنٛدٕ رؠتَس آسہِ روٗدٕ تہٕ شیٖنہٕ تعداد سارِوٕے کھۄتہٕ ۂکھِ رؠتہٕ کالہِ رؠتہٕ کہِ کھۄتہٕ کم از کم ترٛےٚ گۆن ژۆر، تہٕ سارِوٕے کھۄتہٕ ۂکھِس رؠتہٕ کٲلؠ رؠتس آسہِ روٗدٕ تعداد ۴۰ مِلی میٖٹرٕ کھۄتہٕ کم۔

Dsc (ڈی اؠس سی) = بَحرِ روٗمی اثرٕ-ہۆت تُرُن-رؠتہٕ کٲلؠ براعظمی آب و ہَوا؛ سارِوٕے کھۄتہٕ تٕرنِس رؠتَس آسہِ درمیٲنی تژرُک درجہِ صِفر (یا -۳) درجہِ سؠلسیٖیَسہٕ بۄن، تہٕ سارِنٕے رؠتَن آسہِ درمیٲنی تژرُک درجہِ ۲۲ درجہِ سؠلسیٖیَسہٕ بۄن، بیٚیہِ آسہِ ۱-۳ رؠتَن درمیٲنی تژرُک درجہِ ۱۰ درجہِ سؠلسیٖیَسہٕ ہیٛۆر۔ سارِوٕے کھۄتہٕ أدرِس وَنٛدٕ رؠتَس آسہِ روٗدٕ تہٕ شیٖنہٕ تعداد سارِوٕے کھۄتہٕ ۂکھِ رؠتہٕ کالہِ رؠتہٕ کہِ کھۄتہٕ کم از کم ترٛےٚ گۆن ژۆر، تہٕ سارِوٕے کھۄتہٕ ۂکھِس رؠتہٕ کٲلؠ رؠتس آسہِ روٗدٕ تعداد ۴۰ مِلی میٖٹرٕ کھۄتہٕ کم۔

Dsd (ڈی اؠس ڈی) = واریٛاہ تُرُن بَحرِ روٗمی اثرٕ-ہۆت تُرُن-رؠتہٕ کٲلؠ براعظمی آب و ہَوا؛ سارِوٕے کھۄتہٕ تٕرنِس رؠتَس آسہِ درمیٲنی تژرُک درجہِ -۳۸ درجہِ سؠلسیٖیَسہٕ بۄن، تہٕ سارِنٕے رؠتَن آسہِ درمیٲنی تژرُک درجہِ ۲۲ درجہِ سؠلسیٖیَسہٕ بۄن، بیٚیہِ آسہِ ۱-۳ رؠتَن درمیٲنی تژرُک درجہِ ۱۰ درجہِ سؠلسیٖیَسہٕ ہیٛۆر۔ سارِوٕے کھۄتہٕ أدرِس وَنٛدٕ رؠتَس آسہِ روٗدٕ تہٕ شیٖنہٕ تعداد سارِوٕے کھۄتہٕ ۂکھِ رؠتہٕ کالہِ رؠتہٕ کہِ کھۄتہٕ کم از کم ترٛےٚ گۆن ژۆر، تہٕ سارِوٕے کھۄتہٕ ۂکھِس رؠتہٕ کٲلؠ رؠتس آسہِ روٗدٕ تعداد ۴۰ مِلی میٖٹرٕ کھۄتہٕ کم۔

وَرٕگ E: قطبی یا اَلپی آب و ہَوا

قطبی تہٕ اَلپی (بالہٕ) آب و ہَواہن مَنٛز چھُ پرٛتھ ریٚتیُٛک درمیٲنی تژرُک درجہِ ۱۰ درجہِ سؠلسیٖیَسہٕ بۄن آسان۔

ET = ٹَنٛڈرٛا آب و ہَوا؛ سارِوٕے کھۄتہٕ وُشنِس رؠتس آسہِ درمیٲنی تژرُک درجہِ صِفر درجہِ پؠٹھٕ ۱۰ درجہِ سؠلسیٖیَسَس تام۔

EF = یَخہٕ وُرنہٕ آب و ہَوا؛ ؤرؠ یِکؠن سارِنٕے رؠتَن آسَن درمیٲنی تژرٕکؠ درجہِ صِفر درجہِ سؠلسیٖیَسہٕ بۄن۔^[5]

حَوالہٕ

↑ "Köppen climate classification". Encyclopaedia Britannica.
1 2 Beck، Hylke E.؛ Zimmermann، Niklaus E.؛ McVicar، Tim R.؛ Vergopolan، Noemi؛ Berg، Alexis؛ Wood، Eric F. (30 October 2018). "Present and future Köppen-Geiger climate classification maps at 1-km resolution". Scientific Data. 5. Bibcode:2018NatSD...580214B. doi:10.1038/sdata.2018.214. ISSN 2052-4463. PMC 6207062. PMID 30375988. Unknown parameter |article-number= ignored (مَدَتھ) حَوالہٕ غَلطی: Invalid <ref> tag; name "Beck" defined multiple times with different content.
↑ Kottek، Markus (2006). "World Map of the Köppen-Geiger climate classification updated". Meteorologische Zeitschrift. 15 (3): 259–263. doi:10.1127/0941-2948/2006/0130.
↑ Peel، M. C.؛ Finlayson، B. L. & McMahon، T. A. (2007). "Updated world map of the Köppen–Geiger climate classification" (PDF). Hydrology and Earth System Sciences. 11 (5): 1633–1644. Bibcode:2007HESS...11.1633P. doi:10.5194/Hess-11-1633-2007. ISSN 1027-5606.
↑ Peel، Murray C.؛ Finlayson، Brian L.؛ McMahon، Thomas A. (2007). "Updated World Map of the Köppen-Geiger Climate Classification". Hydrology and Earth System Sciences. 11 (5): 1633–1644. doi:10.5194/hess-11-1633-2007.

[1] "Köppen climate classification". Encyclopaedia Britannica.

[Beck-2] 1 2 Beck، Hylke E.؛ Zimmermann، Niklaus E.؛ McVicar، Tim R.؛ Vergopolan، Noemi؛ Berg، Alexis؛ Wood، Eric F. (30 October 2018). "Present and future Köppen-Geiger climate classification maps at 1-km resolution". Scientific Data. 5. Bibcode:2018NatSD...580214B. doi:10.1038/sdata.2018.214. ISSN 2052-4463. PMC 6207062. PMID 30375988. Unknown parameter |article-number= ignored (مَدَتھ) حَوالہٕ غَلطی: Invalid <ref> tag; name "Beck" defined multiple times with different content.

[kottek2006-3] Kottek، Markus (2006). "World Map of the Köppen-Geiger climate classification updated". Meteorologische Zeitschrift. 15 (3): 259–263. doi:10.1127/0941-2948/2006/0130.

[Peel-4] Peel، M. C.؛ Finlayson، B. L. & McMahon، T. A. (2007). "Updated world map of the Köppen–Geiger climate classification" (PDF). Hydrology and Earth System Sciences. 11 (5): 1633–1644. Bibcode:2007HESS...11.1633P. doi:10.5194/Hess-11-1633-2007. ISSN 1027-5606.

[5] Peel، Murray C.؛ Finlayson، Brian L.؛ McMahon، Thomas A. (2007). "Updated World Map of the Köppen-Geiger Climate Classification". Hydrology and Earth System Sciences. 11 (5): 1633–1644. doi:10.5194/hess-11-1633-2007.

[1]

[2]

[3]

[4]

[5]