کٲشُر لِکھٲرؠ نِظام

کٲشُر لِکھٲرؠ نِظام
کٲشُر لِکھٲرؠ نِظام مَنٛز کٲشُر لفٕظ
اَشۄد اَبجَد
حِصہٕ	لِکھٲرؠ نِظام
یَتھ پؠٹھ مَبنی	• Nabataean script  • عَربی اَچھَر   • فارسی اَچھَر
ناو یا کامہِ ہٕنٛز زَبان	کٲشِر زَبان
صف بندی	دٔچھُن-پؠٹھ-کھووُر
وِکی ڈیٹا پؠٹھ کٔرِو اؠڈِٹ

کٲشُر لِکھٲرؠ یا کٲشُر فارسی عربی لِکھٲرؠ نِظام چھُ بدلٲوِتھ فارسی عربی لِکھٲرؠ نِظامُک حَوالہٕ دِوان۔

تَوٲریٖخ

کٲشرِ زبان ٲس 8 مہِ صدی عیسوی پؠٹھٕ رؠوٲیتی طور شاردا لِکھأرؠ نِظامس مَنٛز لؠکھنہٕ یِوان۔ 8 مہِ تہٕ 20 مہِ صدی عیسوی ہٕنٛدِس گۄڈٕنِکِس ژوٗرِمِس درمِیان اوس شاردا کٔشیٖر مَنٛز سنسکرت تہٕ کٲشُر خٲطرٕ نُسخہٕ تہٕ ادبی پٲداوارُک بُنیٲدی لِکھٲرؠ نِظام۔ 19مہِ صٔدی عیسوی مَنٛز کٲشِرؠ لیکھنہٕ خٲطرٕ فارسی رسم الخطُک بڑوُن اِستِمال تہٕ دیوناگری تہٕ ٹکری ہِوؠن باقٕے برہمی لِکھٲرؠ نِظامو ہٕنٛدِ بڑنہٕ سٟتؠ گٔیہِ شاردُک اِستِمال واریاہ کم۔ شاردا لِکھٲرؠ نِظام چھُنہٕ جدید کٲشِر لیکھنہٕ خٲطرٕ ناکٲفی تِکیازِ اَتھ مَنٛز چھُنہٕ کٲشرؠن آواز ہٕنٛز نمایندگی کرنہٕ خٲطرٕ کٲفی نشانہٕ کینٛہہ۔ شاردُک جدید اِستِمال چھُ کٲشرؠن پنڈتن ہٕنٛزن مذہبی رسمن تہٕ زاتُک رسمن محدوٗد۔

از کل چھَ کٲشرؠ زَبان بنیادی طور فارسی عربی زبانؠ مَنٛز لیکھنہٕ یوان (کینہہ ترمیم کٔرِتھ مثلن کٲشرؠ آواز چہ نمایندگی کرنہٕ خٲطر نَوؠن علامتن مَنٛز اِضافہٕ)۔ فارسی عربی لِکھٲرؠ مَنٛز لیکھنہٕ آمژن زبانن مَنٛز چھےٚ کٲشُر لِکھٲرؠ نِظام تمن مَنٛز اَکھ لِکھٲرؠ نِظام یم باقاعدگی سان تمام أرؠ آوازن ہِنٛز نشاندہی کران چھہِ۔ کٲشُر فارسی عربی لِکھٲرؠ نِظام چھُ جۆم تہٕ کٔشیٖر حکوٗمت تہٕ جموں و کشمیر اکیڈمی آف آرٹ، کلچر اینڈ لینگویجز طرفہٕ کٲشرِ زبانہِ ہُنٛد سرکٲرؠ لِکھٲرؠ نِظام تسلیٖم کرنہٕ یِوان۔

اَچھَر

کٲشُر فارسی عربی رسم الخط چھُ فارسی حروف تہجی پؠٹھٕ کڑنہٕ آمُت۔ کٲشرِ فارسی عربی رسم الخطس مَنٛز چھہ نہ تِمن ہُنٛد تلفظ فارسی عربی رسم الخطس نشہِ کانٛہہ فرق آسان، صرف حرفس ژ، یُس /ʒ/ بجایہ /t͡s/ تلفظ یوان چھُ۔ تاہم چھہ کٲشُر زَبان ہُنٛد آواز باقی فارسی عربی رسم الخط کھۄتہٕ نمایاں طور بۆڈ یا جنوبی ایشیا فارسی عربی لِکھٲرؠ نِظامو کھۄتہٕ زیٛادٕ۔ کٲشرِس مَنٛز چھِ 17 أرؠ اَچھَر، حرف (الف، واو، یے) یا دۄشوٕے سٟتؠ ہاونہٕ آمٕتؠ چھِ۔ کٲشرِس مَنٛز چھُ رؠواج زِ زیٛادٕ تر أرؠ اَچھَر چھِ پرؠتھ ساتہٕ لیکھنہٕ یِوان۔

زٔرؠ اَچھَر

کٲشِرؠ اَچھَر	ناو		لاطیٖنی حَرف گَردٲنی	بَینُل اَقوٲمی آواز نِشان
ب	بے	bē	b	[b]
پ	پے	pē	p	[p]
پھ	پھَ	pha	ph	[pʰ]
ت	تے	tē	t	[t]
تھ	تھَ	tha	th	[tʰ]
ٹ	ٹے	ṭē	ṭ	[ʈ]
ٹھ	ٹھَ	ṭha	ṭh	[ʈʰ]
ث	ثے	sē	s	[s]
ج	جیٖم	jīm	j	[d͡ʒ]
چ	چیٖم	chīm	ch	[t͡ʃ]
چھ	چھَ	chha	chh	[t͡ʃʰ]
ح	حَے	hay	h	[h]
خ	خَے	khay	kh	[x], [kʰ]
د	دال	dāl	d	[d]
ڈ	ڈال	ḍāl	ḍ	[ɖ]
ذ	ذال	zāl	z	[z]
ر	رے	rē	r	[r]
ڑ	ڑے	ṛē	ṛ	[ɽ]
ز	زے	zē	z	[z]
ژ	ژے	tsē	ts	[t͡s]
ژھ	ژھَ	tsha	tsh	[t͡sʰ]
س	سیٖن	sīn	s	[s]
ش	شـیٖـن	shīn	sh	[ʃ]
ص	صۄاد	sọ̄d	s	[s]
ض	ضۄاد	zọ̄d	z	[z]
ط	طۄے	tọy	t	[t]
ظ	ظۄے	zọy	z	[z]
ع	عٲن	ạ̄n	–	[∅]
غ	غٲن	gạ̄n	g	[ɡ]
ف	فے	fē	f	[f], [pʰ]
ق	قاف	qāf	q	[k]
ک	كیٖف	kīf	k	[k]
کھ	کھَ	kha	kh	[kʰ]
گ	گاف	gāf	g	[ɡ]
ل	لام	lām	l	[l]
م	میٖم	mīm	m	[m]
ن	نوٗن	nūn	n, ̃	[n] , [◌̃]
ں	نوٗن غۄنَہ	nūn gọnā	̃	[◌̃]
و	واو	wāw	v/w	[w]
ہ	ہے	hē	h	[h]
ی, ے	لۄکُٹ یے, بۆڈ یے	lọkuṭ yē, boḍ yē	y	[j]
ؠ	گول یایُگ, تالٕرؠ	gōl yāyuk, tālür'	ya, '	[ʲa], [ʲ]

أرؠ اَچھَر

ناو	Final vowel glyph (vowel and letters bē ب and rē ر)	Medial vowel glyph (vowel and letters bē ب and rē ر)	گۄڈٕ حرف آکار	IPA	نقل اَچھَر	یوٗنیکوڈ	مِثال
کٲشُر							کٲشُر لفٕظ	IPA	مطلب
زَبَر zabar	ہ، ـہ بَہ / ـبَہ / رَ	–َ بَـ / ـبَـ / رَ	اَ	[a]	a	U+064E	اَپُز apuz پَلَو palav	/apuz/ /palaʋ/	Lie Garments, clothes
مَد mad	ا با / ـبا / را	ا با / ـبا / را	آ	[aː]	ā	U+0622 U+0627	آب āb پان pān	/aːb/ /paːn/	Lie Body
اَمالہٕ amālü	–ٔ / ـٔہ بٔہ / ـبٔہ / رٔ	–ٔ بٔـ / ـبٔـ / رٔ	أ	[ə]	ạ, ö, ȧ	U+0623 U+0654	أچھ ạchh گٔر gạr	/ət͡ʃʰ/ /ɡər/	Eye Clock, watch
اَمالہٕ مَد amālü mad	ٲ بٲ / ـبٲ / رٲ	ٲ بٲ / ـبٲ / رٲ	ٲ	[əː]	ạ̄, ȫ, ä	U+0672	ٲس ạ̄s دٲن dạ̄n	/əːs/ /d̪əːn/	Mouth Pomegranate
زیر zēr	–ِ / ـہِ بہِ / ـبہِ / رِ	–ِ بِـ / ـبِـ / رِ	اِ	[i]	i, í	U+0650	اِنسان insān سِر sir	/insaːn/ /sir/	Human being Secret
کَشہِ زیر kashi zēr	ی بی / ـبی / ری	ـیٖـ / یٖـ بیٖـ / ـبیٖـ / ریٖـ	ایٖـ / ای	[iː]	ī	Initial and Medial: U+06CC and U+0656 Final: U+06CC	ایٖمان īmān سیٖر sīr وَردی wardī	/iːmaːn/ /siːr/ /ʋard̪iː/	Faith Brick Uniform
سایہِ sāyi	–ٕ / ـہٕ بہٕ / ـبہٕ / رٕ	–ٕ بٕـ / ـبٕـ / رٕ	إ	[ɨ]	ü, ụ, u', ι	Initial: U+0625 Medial and Final: U+0655	بہٕ bü کٔدٕل kạdül	/bɨ/ /kəd̪ɨl/	I Bridge
سایہِ مَد sāyi mad	–ٟ / ـہٟ بہٟ / ـبہٟ / رٟ	–ٟ بٟـ / ـبٟـ / رٟ	ٳ	[ɨː]	ǖ, ụ̄, ū'	Initial: U+0673 Medial and Final: U+065F	تٟر tǖr خٟمہٕ khǖmü	/t̪ɨːr/ /xɨːmɨ/	Cold Tent
پیش pēsh	–ُ / ـُہ بُہ / ـبُہ / رُ	–ُ بُـ / ـبُـ / رُ	اُ	[u]	u	U+064F	پُج puj	/pud͡ʒ/	Butcher
کَشہِ واوُک kashi wāwuk	ـوٗ / وٗ بوٗ / ـبوٗ / روٗ	ـوٗ / وٗ بوٗ / ـبوٗ / روٗ	اوٗ	[uː]	ū	U+0648 and U+0657	پوٗت‎ pūt	/puːt̪/	Chick
نیٖمہٕ واوُک nīmü wāwuk	ـۆ / ۆ بۆ / ـبۆ / رۆ	ـۆ / ۆ بۆ / ـبۆ / رۆ	اۆ	[o]	o, ó	U+06C6	دۆب dob	/d̪ob/	Washerman
واوُک wāwuk	ـو / و بو / ـبو / رو	ـو / و بو / ـبو / رو	او	[oː]	ō	U+0648	مور‎ mōr	/moːr/	Peacock
لٔٹؠ واوُک lạṭ' wāwuk	ـۄ / ۄ بۄ / ـبۄ / رۄ	ـۄ / ۄ بۄ / ـبۄ / رۄ	اۄ	[ɔ]	ọ, ŏ	U+06C4	گۄلاب gọlāb	/ɡɔlaːb/	Rose
لٔٹؠ واوُک مَد lạṭ' wāwuk mad	ـۄا / ۄا بۄا / ـبۄا / رۄا	ـۄا / ۄا بۄا / ـبۄا / رۄا	اۄا	[ɔː]	ọ̄, ŏa	U+06C4 and U+0627	سۄاد sọ̄d	/sɔːd̪/	One and a quarter
نیٖمہٕ یایُک nīmü yāyuk	ـےٚ / ـےٚ بےٚ / ـبےٚ / رےٚ	ـێـ / ێـ بیٚـ / ـبیٚـ / ریٚـ	ایٚـ / اےٚ	[e]	e, ë	Initial and Medial: U+06CC and U+065A Final: U+06D2 and U+065A	بیٚنہِ beni مےٚ‎ me	/beni/ /me/	Sister Me, I
یایُک yāyuk	ـے / ے بے / ـبے / رے	ـیـ / یـ بیـ / ـبیـ / ریـ	ایـ / اے	[eː]	ē	Initial and Medial: U+06CC Final: U+06D2	ریش rēsh	/reːʃ/	Beard
گول یایُک gōl yāyuk	-	ـؠـ / ؠـ بؠـ / ـبؠـ / رؠـ	اؠـ / اؠے	[ʲa]	ĕ, ya	Initial and Medial: U+0620	مؠقراض mĕqrāz	/mʲaqraːz/	Scissors

ٛ تہٕ ٚ میُٛل ٛ چھُ آواز یکجہ یا نٔسؠ آواز کڑنہٕ خٲطرٕ لگان تہٕ ژھۆٹرُن ٚ چھُ آواز ژھۆٹ کرنس خٲطرٕ لگان۔

وَرتاونُک طٔریٖقہٕ

کٲشرِس مَنٛز چھِ نِشان اِستِمال گژھان یِم آواز پرٛؠزناونَس مَنٛز مَدَتھ کران چھِ۔

لفٕظ دُچشمن سٟتؠ

کٲشِرس مَنٛز چھِ واریاہ لفٕظ دُچشمن سٟتؠ رٔلِتھ نٔو آواز بناوان مثالن چ + ھ = چھ آواز نِشان چھُ ہمیشہٕ دُچشمس پتہٕ لگان۔

دُچشمس سٟتؠ اَچھَر تہٕ آواز

دُچشمس سٟتؠ اَچھَر	نِشان آواز	صٔحیٖح آواز جاے دُچشمس پتہٕ✅	غلط آواز جاے❌
چ + ھ = چھ	ُ َ ِ	چھُ، چھَ چھِ،چھہِ،چھُہ،چھہٕ، چھُنہٕ✅	چُھ، چَھ، چِھ،چھِہ،چھہُ، چُھنہٕ❌
ک + ھ = کھ	ِٔ ِ	کھٔ، کھِ کھَ کھُ کھٕ✅ مِثال کھِلٲڈؠ	کٔھ،کِھ ،کَھ❌
ب+ ھ = بھ	َ ِ ُ	بھِ ، بھٔ، بھُ ، بھٕ✅	بِھ، بُھ،بٔھ❌
ٹ + ھ = ٹھ	َ ِ ُ	ٹھَ، ٹھِ،ٹھٔ✅ مِثال: ٹھَس	ٹَھ،ٹِھ ، ٹٔھ❌
ج+ھ	ُ ِ	جھَ،جھِ،جھٔ،جھٕ✅	جَھ،جِھ،جٔھ❌
ت + ھ = تھ	ُُِ	تھَ،تھِ،تھٔ،تھٕ✅ مِثال: تھٔنؠ	تَھ ، تٔھ❌
د + ھ = دھ	َِ	دھَ،دھِ،دھُ✅	دَھ، دِھ❌
پ + ھ = پھ	َُِ	پھَ، پھِ، پھٔ، پھُ✅ مِثال:پھُل، پھَل	پَھ،پُھ❌
ژ = ژھ	َُِ	ژھَ، ژھِ، ژھٔ،ژھٕ✅ مِثال: لَژھُل	ژَھ، ژُھ،ژِھ❌

اَچھَر ژھۆٹ آواز سٟتؠ تہٕ ہ ہُک اِستِمال

ییٚلہِ آواز أکِس اَچھَر ژھۆٹ آسہِ تیٚلہِ چھُ تَتھ اندس پؠٹھ ہ لگاونہٕ یِوان سُہ چھُنہٕ ژھۆرُے لؠکھنہٕ یِوان مِثال Ba آواز ییٖنہٕ بَ پٲٹھؠ لؠکھنہٕ یہِ چھُ بَہ پٲٹھؠ لؠکھنہٕ یِوان چاہے یہِ بیٛۆن آسہِ یا لفظس سٟتؠ مگر اندس پؠٹھ مِثال پَتہٕ چھُ پَ+ت+ہٕ پٲٹھؠ لؠکھنہٕ یوان نا کہِ پَتہٕ۔ ہ چھُنہٕ ا، ر، ڑ، ز، ژ، د،ڈ،ذ ہِوؠن اَچھرَن لگاونہٕ یِوان کیٚنٛہہ یِمن پؠٹھ چھُ نِشان سیٛۆدُے لگاونہٕ یِوان مِثال ڈرٕ، گرٕ ،ژٕ .

نِشان اِستِمال تہٕ جاے

ہیٚرِم نِشان چھِ اَچھرس پؠٹھی لؠکھنہٕ یوان مِثال سُہ، بَہ ، تٔہ ،ۂہ مگر بۄنہٕ نِشان چھِ اَچھرس پتہٕ ہ پؠٹھ لؠکھنہٕ یِوان مِثال تہٕ، تہِ، بہٕ۔

اَچھَر ژھۆٹ آواز یا اندس پؠٹھ آوزار

سایہِ / نِشان	(ہیٚرِم نِشان) لفظس مَنٛز	لفظس اندس اَچھرس پتہٕ ہ پؠٹھ (بۄنہٕ نِشان)	مثال
پیش ُ	سُہ، بُہ	-	بُہ / بَہ
زیر ِ	-	بہِ ، تہِ	بیٚیہِ / تہِ
سایہِ ٕ	-	بہٕ ، تہٕ	بہٕ / تہٕ
سایہِ مَد ٟ	-	تہٟ ، یہٟ	تٟر / خٟمہٕ
ٔ	بٔہ، تٔہ	-	بٔہ، تٔہ

اَچھَر یُس نہٕ اَہَم کی بورڈس مَنٛز چھُنہٕ دٕستِیاب

سایہِ مَد

جی بورڈ تہٕ مایکروسافٹ سِوِئفٹ کی بورڈ دۄشوٕنی مَنٛز چھُنہٕ سایہِ مَد الگ شکلہِ مَنٛز دٔستیاب کینٛہہ کاپی کرنہٕ خٲطرٕ۔

Methods to Enlarge "ٟ" for Copying

Method	Wikitext	Rendered Result
Large Span (Cleanest)	<span style="font-size: 300%; line-height: 1;">ٟ</span>	ٟ
کاپی کٔرِو ←	<code style="font-size: 250%;">ٟ</code>	ٟ

zwnj

مُکَمَل مَضموٗن: zwnj

Zero Width Non-Joiner (ZWNJ) Solutions

Method	Wikitext	Copyable Output
Contextual Workaround (Persian/Urdu)	شُپؠ‌یَن	شُپؠ‌یَن
HTML Entity یہِ کٔرِو کاپی ←	‌	‌

جی بورڈ

Zwnj چھُنہٕ جی بورڈس مَنٛز کٲشِرؠ خٲطرٕ دٔسیاب أمؠ کِنؠ ہیٚکِو تۄہہ ہؠرِم کوڈ کاپی کٔرِتھ تہٕ کی بورڈ کِس clipboard پِن کٔرِتھ تہٕ ؠ (تالُر) سٟتؠ اِستِمال کٔرِتھ۔

SwiftKey کی بورڈ

مایکروسافٹ SwiftKey کی بورڈ مَنٛز چھُ zwnj دٔسیاب کٲشِرؠ خٲطرٕ اِستِمال کَرنہٕ خٲطرٕ تھٲوِو دَبٲوِتھ ں اَچھَر کی تہٕ تۄہہِ ہؠکِیٛو اِستِمال zwnj کٔرِتھ۔

بییٚہِ وُچھِو

• شاردا لِکھٲرؠ نِظام
• صِفَر-کھَجَر بےٚ رَلوُن