کَشیَٛپ
| کَشیَٛپ | |
|---|---|
| رکن سپتاریشی | |
 آندھرا پردیش
شَس منٛز موٗرتی | |
| دیوناگری | कश्यप |
| جنس | مَرٕد |
| نسب نامہٕ | |
| مول موج | Marichi  (مول)Kalā (موج) |
| بٲژ | Aditi، Vinata، Diti، Kadru، Danu، Surasa، Krodhavasa، Kamadhenu |
| شُرؠ | Garuda، Aruṇa، وامن، Takshaka، یٔندرٕ، Ādityas، وَرُن (دیو)، سوٗریہ، أگنی، Hiranyaksha، Hiranyakashipu، Apsara، Holikā، Mayasura، Vayu |
کَشیَٛپ (سنسکرت: कश्यप، Kaśyapa: ) چھ ہؠنٛدؠ دَرٕمُک اَکھ قٲبل احترام ویدک ریشؠ۔[1] سہ چھ سپتریشین مَنٛز اَکھ، رِگ وید ستھ قدیم رشی۔ کشیَٛپ چھ باقیو سپتریشیو سٟتؠ سارِوٕے کھۄتہٕ قدیٖم تہٕ قابل احترام ریشی، یس برہدرنیکا اپنشد کس کالوفون آیتس مَنٛز درٕج چھُ۔[2]
کشیَٛپ چھُ اَکھ قدیم ناو، یس قدیم ہندو تہٕ بدھ متٕک متنن مَنٛز چھ واریہ مختلف شخصیتن ہُنٛد حوالہٕ دِوان۔[3][4]
زِندگی
[اؠڈِٹ]وارِیاہ پُران کؠو مَتنو مُطٲبِق چھُ کَشیٛپ مہارِشی ماریچی سُنٛد نیٚچُو، یُس برٛہما سٕنٛدؠو دَہو "دؠماغس پٲدٕ گَژھن والؠو " نیٚچوِیو مَنٛز اَکھ۔ سُہ چھُ بنیٲدی طور پنٛنہِ وسیع خاندانہٕ خٲطرٕ زاننہٕ یِوان۔ وننہٕ چھُ یِوان زِ أمہِ کوٚر دکشا پرٛجاپتی ہنزٕ واریاہن کورین سٟتہِ خانٛدر، یَتھ مَنٛز أمہِ سٕنٛز ساروِی کھۄتہٕ مشہوٗر زنانہٕ اَدِتی تہٕ دِتی آسہٕ۔ اَدِتی چھِ دیوَن (دیوتاہَن) ہٕنٛز موج، ییٚلہِ زن دِتی دِتیہ (شیطانَن) ہٕنٛز موج چھےٚ، اَکھ نسب یُس یِمَن دۄن جمٲژن درمیان کائنٲتی تنازعہ قٲیِم چھُ کران۔ ہؠنٛدؠ رؠوایتو مُطٲبِق وننہٕ چھُ یِوان زِ تٔمؠ سٕنٛزِ باقٕے زنانہٕ چھِ مُختٔلِف زُو زٲژ زٲژ، یَتھ مَنٛز ناگ (سۄرَپھ)، جاناوار تہٕ باقی زٲژٕ شٲمِل چھِ، تہٕ یِتھ کٔنؠ گٔیہِ دُنیاہَس مَنٛز آباد۔
کردار تہٕ کشمیٖر
[اؠڈِٹ]پننہِ افسانوی کردارٕ علاوٕ چھُ کَشیَٛپ ہَس رِگ ویدَس مَنٛز بھجن ترتیب دِنُک حقدار تہِ دِنہٕ یِوان تہٕ چھُ کَشیَٛپ سمہِتا ہُک لِکھٲرؠ ، یُس شُرؠن، گائناکالجی تہٕ حَمَل دوران بیمارِیَس پؠٹھ اَکھ کلاسیکی آیورویدک متن چھُ۔ ماننہٕ چھُ یِوان زِ "کشمیر" ناو چھُ تہنٛدِ ناوٕ پؠٹھ کڑنہٕ آمُت، تِکیٛازِ أمِس چھُ وادی بناونہٕ خٲطرٕ اَکھ بوٚڑ سَر خٲلی کڑنُک حق دعوا افسانوی طور دِنہٕ یِوان۔
حَوالہٕ
[اؠڈِٹ]- ↑ Barbara A. Holdrege (2012). Veda and Torah: Transcending the Textuality of Scripture. State University of New York Press. pp. 229–230, 692. ISBN 978-1-4384-0695-4., Quote: "Kasyapa (Rudra),(Vedic Seer)..."
- ↑ Patrick Olivelle (1998). Upaniṣads. Oxford University Press. pp. 93–94. ISBN 978-0-19-283576-5.
- ↑ Premavatī Tivārī؛ Jīvaka Komarabhaccha؛ Vātsya (1996). Kāśyapa-saṃhitā: Vr̥ddhajīvakīyaṃ Tantraṃ Vā by Kāśyapa (Son of Marīci). Caukhambā Viśvabhāratī. pp. xi–xii. ISBN 9788186937679.
- ↑ Francis Hamilton (1819). Genealogical tables of the deities, princes, heroes, and remarkable personages of the Hindus. Asiatic Society. ص. 81.