ژُشیماہٕچ لَڑٲے

ژُشیماہٕچ لَڑٲے
روٗس-جاپٲنؠ جَنٛگ حِصہٕ
1905 مَنٛز توٗجوٗ شوتارو سُنٛد بٔنیٛومُت جَنٛگ ہُنٛد نَقشہٕ
تٲریٖخ 27–28 مٔی 1905 مُقام آبناے ژُشیما 34.45°N 130.15°E / 34.45; 130.15 نتیٖجہٕ جاپانُک جیٖت
لڑن وٲلؠ
جاپان	روٗس
کمانڈر
توٗگوٗ ہیٚہاچیروٗ کامیمورا ہِکونوجوٗ کٹاوکا شِچیروٗ	زِنووی روزہیسٹوینسکی  نِکولایی نیٚبوگاٹوف  اوسکار اینکویسٹ
طاقت/قٲبِلِیَت
4 جَنٛگی جَہاز 29 کروٗزَر 4 گَن بوٹ 21 ڈِسٹرایَر 45 ٹارپیٖڈو بوٹ 22 مَدَدگار جَہاز	8 جَنٛگی جَہاز 3 سٲحِلی جَنٛگی جَہاز 9 کروٗزَر 9 ڈِسٹرایَر 9 مَدَدگار جَہاز
ہلاکتہٕ
117 ہَلاک 583 زخمی 3 ٹارپیٖڈو بوٹ تَباہ (255 لانٛگ ٹَن تَباہ)	5,045 ہَلاک 803 زخمی 6,016 گِرِفتار 6 جَنٛگی جَہاز تَباہ 1 سٲحِلی جَنٛگی جَہاز تَباہ 14 بیٚیہِ جَہاز تَباہ 2 جَنٛگی جَہاز قبضہٕ 2 سٲحِلی جَنٛگی جَہاز قبضہٕ 1 ڈِسٹرایَر قبضہٕ 6 جَہاز نِشَستہٕ بَناونہٕ آمٕتؠ (135,893 لانٛگ ٹَن تَباہ)

ژُشیما لَڑٲے ہُنٛد نقشہٕ

ژُشیماہٕچ لَڑٲے ٲس روٗس-جاپٲنؠ جنگُک ٲخری سمندٔرؠ جَنٛگ، یُس 27-28 میی 1905 مَنٛز آبناے ژُشیما مَنٛز لڈنہٕ آو۔ شٲہی روٗسی سمندٔرؠ خٲطرٕ اَکھ تباہ کُن ہار، یہِ جَنٛگ ٲس جدیٖد سٹیل جنگی جہازن ہٕنٛدس بیڑن درمیان وٕنیُک تام وٲحد فٲصلہٕ کُن مصروفیت یَتھ مَنٛز وایرلیٚس ٹیلی گرافی (ریڈیو) کوٚر اہم کردار ادا۔ یہِ جَنٛگ اوس عصری سر جارج کلارکن "ٹریفلگر پتہٕ وُنیُک تام ساروٕے کھۄتہٕ بوٚڑ تہٕ اہم سمندٔرؠ واقع" قرار دِتمُت۔ یہِ جَنٛگ چھُ جاپانَس مَنٛز سمندٔری جاپانٕچ سمندٔرؠ جَنٛگ ناوٕ سٟتؠ زاننہٕ یِوان۔

پَس منظر

ژُشیما ہُک جَنٛگ گوٚو روٗس-جاپٲنؠ جَنٛگس (1904-1905) دوران ییٚمیُک موٗل کوریا تہٕ منچوریا کِس کنٹرولس پؠٹھ روٗس تہٕ جاپانس درمیان دشمنی مَنٛز اوس۔ دۄشوٕے مُلکَو کٔر مشرقی ایشیاہس مَنٛز پنُن اثر و رسوخ بڑاونٕچ کوٗشش، روٗسُک مقصد اوس گرم آبُک بندرگاہ مۄحفوٗظ کرُن تہٕ جاپانن کوٚر روٗسی پھۄہلاو رُکاونُک تہٕ علاقٲیی غلبہٕ قٲیم کرنُک عزم ۔ یہِ جَنٛگ گوٚو تمہ وقتہٕ ییٚلہ روٗسی بالٹک سمندٔرؠ بیڑن روٗسی فوجس مضبوٗط کرنہٕ خٲطرٕ نؠصف دُنؠ‌یاہس تام سفر کوٚر، ییٚمہ کِس نتیجس مَنٛز آبناے ژُشیما مَنٛز اَکھ فٲصلہٕ کُن سمندٔرؠ ٹکراو، یُس ٲخٕر کار تنازعس مَنٛز سمندرن پؠٹھ کنٹرولُک تٔعیٖن کۆر۔