ژار بومبا
| قٕسٕم | aerial bomb (en) |
|---|---|
| اصلی مُلُک | سووِیَت یکجوت |
| سروِسٕچ تَوٲریٖخ | |
| آپریٹرز | Soviet Air Forces (en) |
| پٲداوارٕچ تَوٲریٖخ | |
| ڈیزایِن کوٚرمُت | 1956 |
| ڈیزاینر | Yulii Khariton (en) |
| کارخانہٕ دار | سووِیَت یکجوت |
| مؠقدار | 6 |
| وضاحت | |
| وزن | 27 t |
| زیچھر | 8٬000 mm |
| کھجر | 2٬100 mm |
ژار بومبا چھُ سوویت یوٗنینَن وُنیُک تام تیار کرنہٕ آمُت ساروٕے کھۄتہٕ طاقتور ایٹمی ہتھیار۔[1] سوویت یوٗنینَن کوٚر 1961 مَنٛز سرٕر جَنٛگ کِس عروٗجَس پؠٹھ آرکٹک سرکلَس مَنٛز ژار بمبا دماکہٕ۔ ژار بمبا ہُک وزن اوس 50 میگا ٹن۔ امہِ سٟتؠ یُس دھماکہٕ گوٚو، سُہ اوس ہِروشیماہَس پؠٹھ تراونہٕ آمُت ایٹم بم کھۄتہٕ 3,333 گنہٕ زیٛادٕ طاقتور۔ یہِ اوس زمینس پؠٹھ انسانَن وُنیُک ساروٕے کھۄتہٕ طاقتور دھماکہٕ۔ روٗسن تھوو دھماکُک ویٖڈیو دُنؠیاہَس نِش راز، مگر 20 اَگَست کوٚر روٗسی ایٹمی ایجنسی روزاٹمن ٲخٕر کار پننہِ 75 ہِمِس سالگرہ پؠٹھ ویٖڈیو جٲری۔ ویٖڈِیوہس مَنٛز چھُ یہِ وُچھنہٕ یِوان زِ دھماکَن کٔر اَکھ خوفناک آواز تہٕ نار تہٕ تابکٲری ہُنٛد اَکھ کالم گوٚو آسمانس مَنٛز تہٕ 40 سیکنڈن تام روٗد تھوٚد تہٕ اوٚبرَن پؠٹھٕ کھسان تہٕ تِمن مَنٛز گۆل۔ رپورٹہِ مُطٲبِق اوس دھماکہٕ یوٗتاہ شدید زِ کیمرہ مینَن ٲس دھماکہٕ چہِ جایہِ پؠٹھ ہتہٕ بٔد میٖل دوٗر دوٗر دھماکہٕ ہٕنٛز فِلِم بندی تہٕ فوٹو تُلنَس مَنٛز دِقَت گٔیہِ۔ ژار بمبا ہُک دھماکہٕ اوس 50 ملین ٹن۔ کیمرہ مینَو ٲسؠ پنٕنؠ کیمرا 'لو لایٹ' موڈس پؠٹھ سیٹ کٔرمٕتؠ تاکہ دھماکہٕ سٟتؠ پٲدٕ گژھن واجنہِ تیز گاشہِ سٟتؠ گژھن نہٕ تِم اوٚن۔ کیمرہ مین یُس دھماکہٕ چہِ جایہِ ساروٕے کھۄتہٕ نزدیٖک اوس سُہ اوس أکِس جنگی جہازَس پؠٹھ تہٕ دھماکہٕ چہِ جایہِ پؠٹھٕ 100 میٖل دوٗر۔ أمؠ سٕنٛدِس ویٖڈِیوَس مَنٛز چھُ یہِ وُچھنہٕ یِوان زِ دھماکہٕ سٟتؠ نار تہٕ تابکٲری ہٕنٛز بال ٲس اوٚبرٕ پؠٹھٕ ہتہٕ بٔدؠ میٖٹر تھزرس تام وٲتِتھ۔ یہِ بال ووت آسمانَس مَنٛز 213,000 فُٹ تھزرَس پؠٹھ، یُس سفری جہازٕ کہِ سارِوٕے کھۄتہٕ تھوٚد پروازٕ کھۄتہٕ 6 گنہٕ تھوٚد اوس۔
حَوالہٕ
[اؠڈِٹ]- ↑ Lengel، Edward G. (2020-08-29). "Tsar Bomba: The Largest Atomic Test in World History". The National WWII Museum | New Orleans ( اَنگیٖزؠ زَبانہِ مَنٛز). Retrieved 2024-05-08.