چِنٛگ خاندان
.svg)
چِنٛگ خاندان اوس چیٖنس مَنٛز اَکھ خاندان یمچ بنیاد منچو ٲس ترٛٲومٕژ، اَکھ لوٗکھ یِم شمال مشرقی چیٖن کِس جورچنس سٟتؠ تعلق تھاوان۔ نورہاسی ین کٔر جورچن قبٲیِل اِکوَٹ تہٕ 1616 مَنٛز کوٚرُن پتہٕ جِن خاندان قٲیِم۔ تٔمؠ سٕنٛدِ نیچِوِ ہانٛگ تایجی ین تھوو لوکن ہُنٛد ناو "مانچو" تہٕ 1636 مَنٛز کوٚرُن چِنٛگ خاندانُک اعلان۔ 1644 مَنٛز کسانن ہٕنٛز بغاوتس تحت مِنٛگ خاندان ختم گژھنہٕ پتہٕ، منچو فوجن (منحرف مِنٛگ جنرل وو سانگویی سٕنٛد مددتہٕ سٟتؠ) کوٚر بیٖجِنٛگس پؠٹھ قبضہٕ تہٕ چیٖنس جیٖت شۆروٗع یُس مکمل گژھنس مَنٛز 1683 تام لوٚگ۔[1]
زَوال
[اؠڈِٹ]وقتس سٟتؠ سٟتؠ گٔیہٕ چِنٛگ نظامس اندر بدعنوانیَس مَنٛز اضافہٕ، تہٕ واریاہو یورپی ممالکو تہٕ جاپانن کٔر چینس مَنٛز مداخلت شۆروٗع۔ تِمو کوٚر زبردستی واریاہن چینی بندرگاہن پؠٹھ کنٹرول۔ جاپانن کٔر 1867-8 کہ میجی بحٲلی پتہٕ تیزی سان جدیدیت تہٕ 1894-1895 کس گوڑنکس چین-جاپانی جَنٛگس مَنٛز دژ جاپانن چینس شکست۔ 1911-1912 ہس مَنٛز آو اَکھ انقلاب یمہِ سٟتؠ چِنگ خاندان تختہٕ پیٹھہٕ والہٕ۔ چین بنیو رسمی طور اَکھ جمہوریہ، حالانکہ فوجی جنرلن درمیان ٲس باہمی لڑایہٕ جٲری۔ ٲخری چِنٛگ شہنشاہ، پویی آو جُلَے 1917 مَنٛز بیجنگس مَنٛز مختصر وقتس خٲطرٕ شہنشاہ بحال کرنہٕ مگر تمہ پتہٕ آو سُہ معزول کرنہٕ۔ 1932 پیٹھہٕ 1945 تام کوٚر جاپانیو منچوریاہس پؠٹھ قبضہٕ تہٕ اَتھ کوٚرُکھ منچوکو ناوٕ أکس آزاد ملکس مَنٛز منظم (یَتھ پؠٹھ تمو کنٹرول اوس)۔ تمو کوٚر پویی پنُن شہنشاہ تہٕ مقرر۔ تاہم، 1945 مَنٛز دیمہٕ جنگہٕ عظیمس مَنٛز جاپانک شکستہٕ پتہٕ آو چِنٛگ خاندان آزاد طورس پؠٹھ اقتدارٕ نش ہٹاونہٕ۔