کٲہِل سۆدُر
| کٲہِل سۆدُر | |
|---|---|
| Pacific Ocean | |
 | |
| جَغرٲفِیایی نۄطہٕ | 0°N 160°W / 0°N 160°W |
| سَطَح رۄقبہٕ | 165,250,000 کلومیٖٹَر2 (1.7787×1015 فُٹ مُرَبَع) |
| اوٚسَط سَرٛنؠر | 4,280 میٖٹَر (14,040 فُٹ) |
| زیادٕ کھوتہٕ زیادٕ سَرٛنؠر | 10,911 میٖٹَر (35,797 فُٹ) |
| پونؠ مؠقدار | c. 710,000,000 کلومیٖٹَر3 (2.5×1019 cu ft) |
کٲہِل سۆدُر، پیسِفِک سۆدُر یا بحر الکاہل (Pacific Ocean) چھُ دُنیاہُک ساروٕے کھۄتہٕ بوٚڑ سۆدُر۔ اَتھ اوس یہِ ناو پرتگالی جہاز فرڈینینڈ میگیلانن دِتمُت، یُس دراصل لاطینی لفٕظ Mare Pacificum پؠٹھٕ ماخوذ چھُ، ییٚمیُک مطلب پرسکوٗن سۆدُر چھُ۔[1]
کٲہِل سۆدُر چھُ زمیٖن کہِ کُل رقبُک اَکھ تہٲئی حصہٕ پؠٹھ محیط یَتھ کُل رقبہٕ 179.7 ملین مربع کلومیٹر (69.4 ملین مربع میٖل) چھُ۔ شُمال پیٹھہٕ جنوبہٕ پیٹھہٕ چھُ یہٕ بیرِنٛگ سۆدُر کہِ جۆنوٗبی سۆدُر تام 15,500 کلومیٹر تہٕ اِنٛڈونیشِیا پیٹھہٕ کولمبیا تہٕ مشرقس مَنٛز پیروٗ تام 19,800 کلومیٹر دوٗر۔
ایمہِ سۆدرِک مغربی سرحد چھِ آبنائے ملاکا پؠٹھ ختم گژھان۔ زمینُک ساروٕے کھۄتہٕ سرٛوٚن مُقام چھُ کٲہِل سۆدرس مَنٛز ماریانا ٹرینچ، ییٚمیُک سرٛنؠر 10,911 میٖٹَر (37,797 فٹ) چھُ۔ پیسِفِک سۆدرُک اوسط سرٛنؠر چھُ 4,300 میٖٹَر (14,000 فٹ)۔ پیسِفِک سۆدُرس مَنٛز چھِ تَقریٖبَن 25,000 جزیرٕ، یُس پوٗرٕ دُنیاہَس مَنٛز سۆدرن مَنٛز جزیرَن ہٕنٛدِ کُل تعدادٕ کھۄتہٕ زِیٛادٕ چھُ۔
حَوالہٕ
[اؠڈِٹ]- ↑ Andrews، Evan (17 October 2023). "10 Surprising Facts About Magellan's Circumnavigation of the Globe". history.com. A&E Networks. Retrieved 27 September 2024.