ٹرٛاپِکی روٗدٕ وَنہٕ آب و ہَوا
ٹرٛاپِکی روٗدٕ وَنہٕ آب و ہَوا ، یا اۆدُر اِستَوٲیی آب و ہَوا، چھُ کیٛوپن آب و ہَوٲیی ورگہٕ-بنٛدی مَنٛز اَکھ مۄکھ وَرٕگ، یَتھ خۆصوٗصیَتھ چھِ ہیٛۆر روزوٕنؠ تَژرٕکؠ درجہِ، گۆب روٗد (۱,۵۰۰-۱۰,۰۰۰ مِلی میٖٹر)، مٔٹِس غِلافس ہیٛوٗ اۆبُر، زیٛادے ہَوٲیی سرٛیٚہہ، تہٕ واریٛاہ کَم بےٚ سَمؠر ؤرؠ کؠن تَژرٕکؠن درجن مَنٛز۔ اِستوا پؠٹھٕ چھِ یِم آب و ہَوا جَغرٲفیٲیی عرضن ہٕنٛدؠن ۱۲ن درجن انٛدر لَبنہٕ یِوان۔ کیٛوپن-گایِگَر-پۆہل نِظامس مَنٛز چھِ یِم Af اَچھرو سٟتؠ ہاونہٕ یِوان۔
یِم علاقہٕ چھِ پوٗرٕ ؤرؠ یَس بیٖن-ٹرٛاپِکی مِلوَنہٕ زونہٕ کِس اثرَس تل روزان، تہٕ سٟتؠ رَلہٕ وُن، ہیٛۆر کھَسہٕ وُن ہَوا چھُ ہمرفتی ترَٛٹہٕ-طوٗفان پٲدٕ کَران۔ پَتہٕ چھُ زیٛادٕ تَر روٗد دُپھارَس ژیٖرؠ یا شامَس سُلہِ پؠوان، ییٚلہِ ہَواہس مَنٛز ترَٛٹہٕ-طوٗفان بننُک احتمال چھُ سارِوٕے کھۄتہٕ ژۆر آسان۔ روٗدٕ تعداد چھُ سارِنٕے رؠتَن مَنٛز سؠٹھاہ آسان، اما تعدادس مَنٛز چھُ توتہِ بیٚنؠر روزان، تِکیٛازِ ییٚلہِ بیٖن-ٹرٛاپِکی مِلوَنہٕ زون چھُ دوٗر کُن ڈلان، موٗسِم چھُ ہۄکھان۔
کینٛہہ ٹرٛاپِکی روٗدٕ وَنہٕ جایہِ چھےٚ بیٖن-ٹرٛاپِکی مِلوَنہٕ زونہٕ کہِ حدٕ نؠبر تہِ لَبنہٕ یِوان، زَن ماداگاسکَرُک سۆدرٕ-بۆٹھ، برَٛزیٖلُک جۆنوٗبی-مشرقی سۆدرٕ-بۆٹھ، زیٛادٕ تَر مٔنٛزیُٛم امریٖکا، تہٕ مغربی کۆلۆمبیٛا، ییٚتہِ تِجٲرتی واو چھِ پوٗرٕ ؤرؠ یَس بٔٹھِس کُن بَہان۔ یِمن علاقن مَنٛز چھِ تِجٲرتی واون تِتھؠ سۆدرٕ-بٔٹھؠ بُتھِ پؠوان یِمَن پٔتؠ کِنؠ بال چھِ موجوٗد، یِم روٗد لَگنَس مَدَتھ چھِ کران، تِکیٛازِ یِہٕنٛدِ آسنہٕ سٟتؠ چھُ وُشنِس، أدرِس ٹرٛاپِکی ہَواہَس ہیٛۆر کھٔسِتھ تٕرنُن پؠوان۔[1]
حَوالہٕ
[اؠڈِٹ]- ↑ "Wet Equatorial Climate". Encyclopaedia Britannica.