ویٖدِک کال
ویٖد کال
| ناو منسوٗبہٕ |
Vedas [اَنٛگریٖزؠ]  |
|---|---|
| دور | |
| شُروٗعات |
1500 صٔدی م.ب |
| اِختِتام |
500 صٔدی م.ب |
| عَلاقہٕ | |
| اہم واقَع |
ویٖد مُکمل پٲٹھؠ مرتب کرنہٕ |
ویٖدِک کال یا ویٖد کال (تقریبن 1500-500 مسیٖح برٛونٛہہ) اوس ہندوستان کِس توٲریخُک سُہ دور یَتھ دوران ہؠنٛدؠ مذہبٕچ قدیم ترین تحریر ویٖد مرتب آیہٕ کرنہٕ۔ امہٕ دورک صٔحیٖح تٲریخ چھِ غٲر یقینی ۔ کینٛہہ ماہرینَن مُطٲبِق اوس سارِوٕے کھۄتہٕ پرٛون ویٖد، رِگ وید، تقریبن 1700 تہٕ 1100 م.ب درمیان بناونہٕ آمُت۔ اَتھ چھُ کُنہِ ساتہٕ ابتدٲیی ویدک دور وننہٕ یِوان۔
ویٖدِک کال کِس آغازس مَنٛز کٔر ہند-آریایو شمٲلی ہندوستان شٲمِل تہٕ أنِکھ پنٕنؠ مذہبی رسوٗمات پانس سٟتؠ۔ اَتھ ثقافتس چھِ کُنہِ ساتہٕ ویٖدِک سَنٛس وننہٕ یِوان۔ یہِ ٲس گۄڈٕ اَکھ چروٲے برادری ییٚمیُک مرکز برصغیر پاک و ہند کؠن شُمال مغربی حِصن مَنٛز اوس۔ 1200 م۔ب پتہٕ پھہلیو یہِ گنگا کِس مٲدانس مَنٛز تہٕ اَتھ مَنٛز اوس اَکھ کاشکٲری تٔہذیٖب، ژۄن سمٲجی طبقن ہٕنٛز درجہٕ بندی تہٕ رازٕ ریاستی سطحٕچ سیاستُک عروٗج۔ کیٚنٛہہ مُفکِرَن ہُنٛد مانُن چھُ زِ ویٖدک تہذیبَس مَنٛز اوس ہِند آریٲیی تہٕ سندھ تہزیٖب ہُنٛد مِیوٗل ۔
ویٖد کال کِس مۄکلنس تام، بٔڑ، شہری ریاستہٕ تہٕ جین مت تہِ بدھ مت ہیو مذہبی تحریکہٕ ٲس ابھرتھ یمو ویدک قدامت پسندی خٲطرٕ خطرٕ اوس۔ عیسایی دور کِس آغازس آس پاس بنییہِ ویدک روایت ابتدٲیی ہندو مذہب کؠو اہم جُزو منٛزٕ اَکھ۔[1]