وِکرَم مِسری
وِکرَم مِسری | |
|---|---|
2024 ہَس مَنٛز | |
| عۄہدٕ رَٹان | |
Foreign Secretary of India عُہدَس مَنٛز 15 جُلَے 2024 – ازتام برٛونٛہہ حقدارVinay Mohan Kwatra Ambassador of India to China عُہدَس مَنٛز 8 جَنؤری 2019 – 11 دَسَمبَر 2021 برٛونٛہہ حقدارGautam Bambawale پتہٕ حقدارPradeep Kumar Rawat | |
| ذٲتی زِندگی | |
| پٲدٲیِش | 7 نَوَمبَر 1964 سِریٖنَگَر |
| شَہَریَتھ | ہِندوستان |
| پیٚیشہِ | سَفارت کار |
وِکرَم مسری (زامُت 7 نَوَمبَر 1964) چھُ ہِنٛدُستٲنؠ فارن سروسُک اَکھ ہِنٛدُستٲنؠ سِفارت کار، یُس وُنکیٚنَس جُلایی 2024 پؠٹھٕ ہِنٛدُستانُک 35 ہِم خارجہ سیکریٹری سٕنٛدِ حثیتہٕ کٲم کران چھُ۔ امہِ برٛونٛہہ، اوس تٔمؠ جَنؤری 2022 پؠٹھٕ جُلَے 2024 تام ہندوستانٕکؠ ڈِپٹی نیشنل سیکورٹی ایڈوایزر سٕنٛدِ حشیتہٕ خدمات انجام دِژمٕژ، تہٕ جَنؤری 2019 پؠٹھٕ دَسَمبَر 2021 تام چیٖنَس مَنٛز ہندوستانٕکؠ سفیر سٕنٛدِ حشیتہٕ۔[1]
امہِ برٛونٛہہ چھِ تٔمؠ ترٛؠن ؤزیٖر اعظمن: اِنٛدر کُمار گجرال، منموہن سِنٛگھ تہٕ نَرینٛدَر مودی سٕنٛدِ پرایویٹ سیکرٹری سٕنٛدِ حشیتہٕ تہٕ سپینَس تہٕ میانمارَس مَنٛز ہِندوستٲنؠ سٔفیٖر سٕنٛدِ حشیتہٕ تہِ کٲم کٔرمٕژ۔
شُروٲتی زِندگی
[اؠڈِٹ]مِسری زاو سِریٖنَگَر، جۆم تہٕ کٔشیٖر مَنٛز أکِس کٲشِرؠ پنڈت خاندانس مَنٛز۔
مِسری یَن کٔر سرینگرَس مَنٛز بَرٕن ہال سکوٗل تہٕ ڈی اے وی سکوٗلَس مَنٛز تٔعلیٖم حٲصِل۔ امہِ پتہٕ کٔر تٔمہِ اُدھم پوٗر کِس کارمل کانوینٹ سکوٗلَس تہٕ گوالیار کِس سندھیا سکوٗلَس مَنٛز تٲلیٖم حٲصِل۔ پتہٕ کٔر أمہِ ہِنٛدوٗ کالج، دِلہِ مَنٛز تاریخس مَنٛز انڈر گرٛیجویٹ ڈگری مُکمَل۔ أمؠ کٔر ایکس ایل آر آئی – زیویئر سکول آف مینجمنٹ، جمشید پورَس مَنٛز ایم بی اے ڈگری تہِ مُکمل
پیشہٕ
[اؠڈِٹ]

وِکرَم مِسری یَن کٔر 1989 مَنٛز انڈین فارن سروسَس مَنٛز شٲمِل گژھنہٕ برٛونٛہہ پنٕنہِ پیشورانہٕ زِندگی ہُنٛد آغاز اشتہارَن مَنٛز۔ یِمو کٔر برسلز، تیونس، اسلام آباد تہٕ وَاشِنٛگٹَن ڈی سی ہٕنٛدؠن عہدَن سان مُختٔلِف حیثیتن پؠٹھ کٲم۔ مِسری یَن کٔر وزیرِ خارجہ ہٕنٛدِ انڈر سیکرٹری تہٕ پرایویٹ سیکرٹری، پٲکِستان ڈیسکُک ڈپٹی سیکرٹری تہٕ وزیر پرَنَب مُکھرجی سٕنٛدِس تحت دفترُک ڈایریکٹر۔ وزیر اعظم منموہن سِنٛگھ تہٕ نَرینٛدَر مودی سُنٛد پرائیویٹ سیکرٹری بننہٕ برٛونٛہہ اوس سُہ سِری لنکاہَس مَنٛز ڈپٹی ہایی کمشنر تہٕ میونِخَس مَنٛز قونصل جنرل۔ مِسری آو 2014 ہَس مَنٛز سپینُک تہٕ 2016 ہَس مَنٛز میانمارُک سفیٖر مقرر کرنہٕ، تہٕ پتہٕ کٔرٕن 2020-2021 جھڑپَن دوران چینَس مَنٛز سٔفیٖر سٕنٛدِ حثیتہٕ خدمات انجام دِنہٕ۔ حال حالٕے بَنیٛوو سُہ جَنؤری 2022 ہَس مَنٛز نٲیِب قومی سلامتی مشیر تہٕ جُلَے 2024 ہَس مَنٛز آو ہندوستانُک خارجہ سیکرٹری نامزد کرنہٕ۔
ذٲتی زِندگی
[اؠڈِٹ]مِسری یَس چھُ ڈولی سٟتؠ خانٛدر کٔرِتھ تہٕ یِمَن چھِ زٕ شُرؠ۔ سُہ چھُ اَنٛگریٖزی، ہِنٛدی تہٕ کٲشِر زبانہِ روٲنی سان بولان تہٕ أمِس چھُ فرانسیسی زبانہِ ہُنٛد کٲم کرنُک عٔلِم۔ سُہ چھُ ایسپین اِنسٹی ٹیٛوٗٹ یوٗ ایس اے ہُک انڈیا لیڈرشپ پہلُک فیلو، یَتھ وۄنؠ کمل نین بجاج فیلوشپ ونان چھِ۔[2]
حَوالہٕ
[اؠڈِٹ]- ↑ "Amb Vikram Misri had farewell call on Chinese FM Wang Yi, expressed hope for complete resolution of border issues soon". NewsOnAIR. 7 December 2021. https://newsonair.com/2021/12/07/amb-vikram-misri-had-farewell-call-on-chinese-fm-wang-yi-expressed-hope-for-complete-resolution-of-border-issues-soon/.
- ↑ "Vikram Misri, 1989 Batch IFS Officer Assumes Charge As New Foreign Secretary". Times Now ( اَنگیٖزؠ زَبانہِ مَنٛز). 15 July 2024. Archived from the original on 18 July 2024. Retrieved 15 July 2024.